[開箱文] Nikestore 網購 ‧ 快閃減價
在這一行工作，久而久之變成家人/老友的Personal Shopper，最近收到一個『唔使急最緊要快的簡單任務
Text: Chappie Leung
公司秋季旅行，幫忙搵一個背囊，要求好簡單
1. 個款簡簡單單、深色為主、低調之餘少少型 ，不過唔想太巨形，因為想之後平時去做gym時翻用
2. 唔好太貴 <<<<<<我: 令人困惑的要求
3. 最好平、減價貨 <<<<<< 我: 有眉目，但……
4. 最好大牌子出品吧 <<<<<我: 噢！
最後『你覺得可唔可以兩日內買到？』<<<<<我: 吓？！
時間緊迫，加上我放工要湊仔，那有時間逐間運動舖搵袋，所以第一時間check online shop，能夠乎合以上條件，最大機會是 Nikestore 官網
右上角顯示 Quick buy 一款背囊，於10月7日時仍提供純黑色款，而且特價 $299
(到我寫blog時，原來這快閃優惠已經結束，就連黑色款也下架了)
唔，距離購物滿$500元獲免費送貨服務仍有距離，於是順手幫老公揀件tee ，合計 $518，
追蹤之下，原來是順豐派貨，10月9日朝早查詢派件，大約在下午派貨，如是者，當天下午5點送到~
Next >> Nikestore 網購 ‧開箱
打開箱，嘩~好企理 ~無論是否送禮自用，都付上紙袋，收據放在橙色 zip袋。
印有 Nikestore .com.hk zip袋尺寸，看來適合用來翻用裝雜費單/passport (師奶mode on)
每件貨都未拆包裝袋直接放入紙箱，唯一要擔心若果發現貨品有問題想退貨/換貨，均可透過順豐或門市處理，首先必須
*貨品保持未剪牌*
然後，自行約順豐上門收件/去順豐將貨品寄回 Nike ，並提供退貨原因，
至於換貨*如換同款不同碼 ，見議親身去 Nike 門市，但必需帶齊單據及未剪牌貨物，方可即時一換一。
雖然外間運動服連鎖店都經常有信用卡優惠，優惠價隨時比官網的快閃減價更吸引，
不過揀網購無非為省時~ 對吧？
好啦，又係時間講拜拜~多謝支持!
> [抵玩] SWAROVSKI X MIRANDA KERR 首飾系列
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
More Facebook: https://www.facebook.com/morehk.hk
