親試傳說中的金花油好用嗎？

金花油是什麼？

金花油其實即係山茶花籽油，山茶花籽油對皮膚係好好㗎!!好多護膚品都有加入到呢個成分，佢嘅養份可以畀皮膚好直接快速咁樣吸收到底層，而且對於一啲成日敏感，有濕疹，乾燥嘅皮膚特別好。

同仁堂/仁光堂金花油

今次我就買咗兩隻傳說中好用嘅山茶花籽油試，一隻就係同仁堂賣嘅金花油(即銅鑼灣金花油婆婆嗰隻)，另一就係 仁光堂賣嘅山茶花籽油，兩個都係本地生產，亦都係山茶花籽油嚟，不過質地同味道唔一樣。

每隻牌子我都分別試咗一個禮拜，(後來同仁堂嗰隻再用多一星期，total 3weeks)。

提下大家，如果你本身係容易生暗瘡嘅，我自己用兩隻時頭一兩日都有爆咗少少粒粒，咁之後你適應咗幾日就冇再有粒粒㗎啦。

不過如果你個底係污糟嘅話，或者長期用好多skincare…..都有機會會推d污糟嘢出嚟㗎下！！

So far我連續用咗三個禮拜山茶花籽油，我覺得皮膚有白咗少少，而因為呢個天 氣，所以滋潤度係啱啱好嘅。夏天可能我就唔得了。

感覺上毛孔有收細到，不過大家講嘅金花油可以緊致皮膚我就仲未見到。可能我平時亦都唔係真係好鬆啦。

同埋，如果你用油嘅話呢最好真係要加番起碼三至五分鐘嘅按摩，等佢吸收得好啲!!

兩隻油都不錯，係質地不一樣，片裡面都有同你哋講㗎。

如果你哋都有發掘到一啲天然好用嘅護膚品嘅話，一齊大家分享下啦！