悠閒的假日。另一半上班。自已一個人係屋企～
感覺特別懶洋洋。。。
為了迎合心情。。 今日有了新嘗試
研製軟綿綿的粟子粥

粟子有豐富的蛋白質，維他命B1,B2,C 同碳水化合物。。適量進食令身體有好處架！

首度試煮。。原本有D擔心。。但反正都得自己一個。
煮壞左都唔怕比人笑。又唔怕累移坊。攪到另1半無飯食。。
終於的起心肝。。。。慢慢一步步嘗試。。。

材料準備：

米 1杯分量
栗子 1 包 （可於超市買到已去皮的。。非常方便）

預備功夫：

（1）先將米洗乾淨。多數我會洗3次。其後去乾水。加入2﹣3滴油及兩茶匙鹽攪拌均勻。
（2）將準備好的米。放入雪櫃放置15﹣30 分鐘。便可讓米快速軟化，成為軟綿綿的粥。
（3）先煲滾水，將粟子煮熟備用。

水滾後，粟子大概煮10分鐘便會淋。

半小時後﹣開始煲粥

是次我用了Le Creuset 的24 cm 煲

（1）先加入10杯半至11杯的水量。以中火煮至水滾後便加入原先冷凍及調味後的米。
以中火順時針攪拌至米水再次滾起。然後再順時針慢慢攪拌多5分鐘。

(2)轉極細火。蓋返煲蓋煮20分鐘。

（3）開返蓋轉中火，再次順時針攪拌10分鐘，待粥轉變至綿密的狀態
由於我想要好綿密的粥。所以沒有再加水。。但若然你覺得太結，可加入少少滾水

其間水會卜卜禁滾起。D粥亦會開始起泡。D米愈來愈軟

(4)再次轉極細火。並加入原先已煮熟的粟子。順時針慢慢攪拌至5分鐘
（5）加蓋焗多2分鐘便完成啦～～

今日決定1 日3餐都食粥清清賜胃。但亦都整左屋企秘製的雞翼。。。
所以緊接下來就係公開姨婆教我整的雞翼啦 ♥