跑咁多 只是為了吃更多之「一個人邊跑邊吃」

一直有看高木直子的一個人跑步系列，記憶最深是第一集的「一個人去跑步-馬拉松一年級生」。書中高木直子講的經歷，對跑手來說一定有共嗚，例如在城市內練跑要到處找locker、喜歡跑步時聽歌但就唔覺意把ipod掉入洗衣機洗咗、初跑步遇到種種疑問……因為初跑者總是連跑鞋、跑衫、手錶….以及種種的跑步理論，都充滿著疑問。印象最深是日本有各式各樣的馬拉松比賽，包括她於第一本書講的巨峰馬拉松，特色當然係可以任食巨鋒提子。

第二本的印象無咁深，之後她出了很多「一個人」的系列，講她其他的經歷，最近在書局見到她又有跑步系列，今次是「一個人邊跑邊吃」，令我立刻想起當年準備渣打馬拉松前long run，由荃灣至屯門三聖村內回，三十幾公里，有條友肚餓得滯在深井的七仔買碗仔翅充饑，諗起佢一路跑一路食碗仔翅的情景…..這名跑友被我們笑到現在，又有跑友跑到一半，分別頂唔住搭巴士和打的返終點，同樣….笑都依家。

今集的一個人邊跑邊吃，介紹了作者參加的一些很特色的馬拉松，最特別當然是接力的咖喱飯馬拉松，每人跑幾公里的接力賽，分別取製作咖喱飯的材料, 又有在河跑的障礙賽、夜跑賽等等，今集主要集中她在各地跑馬拉松前後吃的東西，睇完她食「七」咁食後，我發現自己原來很細食，因為她不但賽前食足五餐，有次更講佢食生蠔食到肚疴，晚餐都可以吃完一間餐廳再去第二間。
不過，書中見識到不同的賽事和她推介的食店之餘，最有共嗚同樣是她比賽前後的心境，包括:
– 賽前一晚總是睡不著，鬧鐘響起便發現無瞓過。
– 跑全馬之前一天，無端跟同行跑友鬧交，因賽前大多緊張易怒。

– 賽事途中如果有人在路旁打氣會跑得特別快，否則就好似死狗咁。
– 她在其中一個賽事的目標是…..賽後唔可以變「彊屍」
– 為了跑得好成績，最愛飲啤酒的她，竟然戒酒，就好似不少香港跑友在馬拉松前走去戒飯….
如果你是跑友，一定有共鳴，看得會心微笑!