超舒服！實試幹細胞玫瑰 緊膚面部療程＋養生排毒按摩
今次係我第一次去位於銅鑼灣利園嘅Phillip Wain做treatment，Center估地兩層，地方非常寬敞，有3萬多呎，下層為Sauna Room、Gym、Pilates Room、更衣室、運動房、Skincare Corner及Juice Bar，上面則有多間獨立房間，客人可於房間享受body treatment及facial treatment，這裡更特設電視房、「孖房」，方便朋友仔一齊做療程！
係進行面部療程前，專業美容師先為我進行養生排毒按摩療程，透過儀器一吸一放嘅負氣壓，加上紅外線、強力振動，可以紓緩繃緊肌肉，仲可以減肥，有助排毒、淨化，過程好舒適，「震吓震吓」，就好似有人幫我揼骨一樣舒服，雙肩嘅疲倦一掃而空！
之後就可以進行幹細胞玫瑰活顏 緊膚療程，呢個療程集美白、抗氧、修復、抗皺、滋潤於一身，可以一次過幫我修補日久修失嘅皮膚，等皮膚狀況回復最理想，又緊致又有彈性！幹細胞玫瑰活顏 緊膚重要用到兩種精華及兩個面膜，配合全港首家美容院引入、韓國最新嘅幻變式射頻，去修復皮膚。療程先進行基本清潔、針清、修眉等護理，然後就以配備六極幻變菊花形複合射頻嘅幻變式射頻，集中、密集及持久咁將能量注入肌膚，用於面部嘅紅光，可以刺激皮膚微循環，有助 緊膚及提升輪廓。過程feel到皮膚暖暖地，好舒服。
之後就會搽上100%純玫瑰果油精華同幹細胞營養液，再進行面部按摩，透過人工一推一按，令到精華可以滲入肌膚底層，發揮滋潤、提升、美白嘅功效；再為肌膚敷上兩個mask，分別係黏多醣面膜同玫瑰活顏面膜，邊敷邊用玫瑰精油做肩頸按摩，舒服到瞓著覺呀！唔少得搽Queen’s Rose護膚系列，將源源不絕嘅玫瑰精華滲入皮膚，keep住 緊膚、滋潤同有修復功效。
做完個咁舒服嘅facial，我就去到Juice Bar飲番杯咖啡、果汁，歎吓睇吓電視，咁舒服寫意，實在係太高級嘅享受喇！Juice Bar仲提供每日不同健康餐，幫你計埋卡路里之餘，仲會提埋你「初一、十五」，好貼心呀！
