試用推介：NCLA Nail Wraps

今次又想開另一範－美甲。
其實，我一向很少搽指甲油，因為工作關係，經常好快甩色，我又不喜歡留長指甲，為什麼突然愛上美甲呢？事緣早陣子見好友Monsoon手指甲上添了個好靚的方格幾何圖案，粉紅搭紫紅搭湖水綠，好靚好春日，靠近一看，原來不是指甲油，也不是畫上去，也不是假甲，原來是外國好流行的Nail Wraps（指甲貼），品牌是NCLA（Nail Couture Los Angeles），是她為小店Amelie Street即將引入的品牌。NCLA的指甲產品以「5 Free」作賣點：No DBP, No Toluene（甲苯）, No Formaldehy（甲醛）,No Camphor（樟腦）, No Animals test，總之就是沒有致癌物質成份，連孕婦都可以放心使用，好窩心啊！

這是Monsoon自家測試的款式，實物靚約20倍 🙂
為測試好用與否，Monsoon自己先當白老鼠試一試，好用才落單入貨（好專業啊）。當時見她手指甲咁靚，我就嚷著要買要買，又買她有什麼花款。她說她已經貼了一個星期，暫時完全無脫落跡象，遲一點看看效果如何，好用就會入貨，到時就有得買。然後過了一個多星期再見她，有一兩隻指甲甩了少許邊邊，其他位置完好無缺，我就滿心期待新貨。早一星期終於有貨了，不過她入貨沒有揀那個方格圖案，但我就買了兩個我一見鍾情的款式，還有一個紫色豹紋送給一個極愛leopard print的好朋友（平時不玩指甲的她也很喜歡）。

急不及待試玩，Part 1（強差人意版）

本身個電腦圖是這樣的，而因為本人指甲出名細小，效果……請繼續往下看。

拆開包裝，有44（22 x 2）塊不小不一的指甲貼，相信大家只要見到實物都會心諗，邊得黎咁大塊指甲，除非gel甲駁長佢啦。

首先搽一層base coat，乾了就將指甲貼稍為修剪，之後就可以貼。我隻手指尾仔，只可以貼到一半，另外果半…..

仲可以貼埋左手 ……　多左出黎唔齊既邊用指甲鉗或小剪刀剪走，貼實哂，再搽一層top coat。

我懶特別，四隻指甲貼拼一隻淺灰甲油，加上自己指甲又細，手指又唔修長，效果與原圖大相逕庭，強差人意 🙁 🙁 🙁 望左兩眼唔對路，為免影響心情，決定搣哂佢再貼過。

急不及待試玩，Part 2（歡呼成功版）

呢個叫「I don’t play nice」的老虎圖案我是一見鍾情的，Monsoon見我指甲細細，不斷勸我不要買，但我堅持最後取得成功，呵呵！

一開結鍾意整左手指尾先，唔知點解 😛 佢個牙在我的手指甲上只見到一半 -___-

我會撕塊貼痴係手指上，之後剪番適合自己隻指甲個形，先貼。

呢個pattern保留到大半，yeah！

貼哂，幾靚～（實物靚約200倍）

Amelie Street仲有好多其他款，想買可以去Facebook search: Amelie Street，或者click：http://www.facebook.com/Ameliestreet，就會睇到好多貼貼既款，同埋有示範圖。
我買的三款都已經賣斷貨，但可以向Monsoon訂貨啊。

仲有NCLA 5Free 指甲油，夾埋一齊買有優惠啊～
http://www.facebook.com/Ameliestreet
Amelie Street　銅鑼灣2-6號富明街49-57利園山道寶明大廈1樓M室　3597 8449

最後，在此祝賀Amelie Street開業一週年！加油加油！