親試聰明三角粉底
當全世界不論歐、美、日本的美容品牌仍爭相推出BB Cusion粉底之際，來自美國的Hourglass竟然冇隨波俗流，而係推出粉底條──Vanish Seamless Finish Foundation Stick，單係如三角朱古力嘅外形已先聲奪人，令人印象深刻，於美國甫推出即成為Sephora十大暢銷產品 。
唔少人對粉條有誤解，認為粉條一定厚妝、較乾而且難推，不是平常出街啱用的底妝產品。上星期，我就試了呢支近期大熱粉條，試後確實令人完全改觀。
共有26隻色供選擇，除咗想包羅所有膚色都啱用，其實咁闊嘅色系選擇，仲可以俾大家當埋遮瑕、光影及陰影用，認真聰明！
我即場試上面， 選啱自己嘅膚色後，直接將粉條印喺兩邊面頰及額頭。採用溫感融合科技，粉條質感的確軟滑易推。
想妝容貼薄，用埋佢支專用粉底掃，以向外打圈方式掃勻全面即可，唔使咩技巧都可以塑造到貼薄均勻嘅底妝。
除咗支粉底聰明，呢支前短後長，呈拱弧型的纖維粉底掃都係一聰明設計，以長毛那邊掃，可以打造透薄均勻的效果，如果想加強遮瑕效果，就要用短毛那邊，以輕壓印方式掃
試後評語：
讚：
- 質地夠潤，易推兼且三角支裝設計塗用方便，尤其於眼底及鼻翼等暗角都容易印到。
- 遮瑕度高，即使層層加厚以提升遮瑕效果，個妝一啲都唔厚，真係做到融合貼薄嘅效果。
- 連眼部周圍都用得，連眼部遮瑕膏都可以慳返。
- 完妝後，貼薄到唔覺化咗妝，自然提升立體輪廓。
彈：
- 質地較腍，係好易推，但另一邊睇，就係好快用完一支。成$440支，唔平呀。
- 要發揮最佳效果，其實買得支粉底，就唔好慳，一定要買埋支掃。這樣最低消費變相 $880。
- 想塑造如韓妝令立立、濕潤嘅底妝，唔會係你杯茶。
查詢：
Hourglass銅鑼灣時代廣場連卡佛
有什麼好用底妝產品推薦？
化妝時必定要用底霜做好妝前打底，避免皮膚直接接觸化妝品及令肌膚變得更光澤。之後就可以塗上粉底液或氣墊粉底；亦可使用遮瑕膏/遮瑕液加強修飾臉上瑕疵。有化妝師教路使用粉底刮棒就可以4步化出原生膚，再用上三文治定妝法即可使整個底妝變得持久不脫妝。如果想營造偽素顏效果，潤澤膚色，則可改用素顏霜。
有沒有價廉物美的面部保濕產品推介？
保濕產品有多個種類，在眼霜方面，消委會3款高分眼霜推薦，當中百元眼霜媲美千元品牌！保濕面膜方面，比較了10款面膜，貼服度極高，有效急救轉季泛紅問題；保濕面霜方面，比較了10好用平價保濕面霜，冬天、夏天轉季都啱用。
