萬用 椰子油 卸妝・紓風爛分享
Where to buy?http://www.manna-shop.com
唔知大家覺唔覺得近來好乾呢，近日入秋我啲風爛又發作，睇醫生就當然要啦，不過其實血管擴張，又紅又腫，覺得好痕，都同皮膚乾燥有好大關係。
風爛又稱為蕁蔴疹，來去如風，因為即日消退，可能因此叫風爛。有人說因為患者不可以吹風，我個人有廿多年的風爛底，經驗是抵抗力弱、情緒差就會跑出來。
呢個月裏面我用咗好多 椰子油 ，分別係用嚟滋潤皮膚，同埋用嚟卸妝，覺得好抵。真係好想同大家推介。
首先講咗 椰子油 嘅好處先，每種天然嘅植物油都有唔同嘅好處，例如芝麻油就係排毒最勁，印度產的芝麻油品質最好。 椰子油 就內服外敷都有美白功能，而且內含嘅月桂酸，可以殺菌、令傷口附近嘅細胞復生。
因為菲律賓嘅氣候比較多颱風，雨水多營養，島國嘅泥土亦都特別肥沃，啲椰子肉特別厚，適合取油，所以菲律賓嘅 椰子油 係特別好嘅，入口亦都有清甜嘅感覺。我買過泰國嘅椰子油，用係皮膚冇乜分別，不過入口就好大陣怪味，原來泰國嘅椰子，比菲律賓嘅瘦，所以椰青水比椰子油好。（之前都介紹過椰青水，想睇介紹按這裏）
之前上過精油使用的課堂，老師教我哋可以將精油混入底油，自己調配適合嘅按摩油。份量係10毫升底油加最多5滴精油，精油是藥，不是純粹的香味，千萬不要過量使用。
我就依着呢個方法，將朋友送俾我、由保加利亞買返嚟嘅玫瑰精油，加入去椰子油底油度，做我每日用嘅卸妝油。佢嘅好處係連我日日用嘅防水眼線都可以好容易卸走！
不過因為天然椰子油裏面冇添加化學成份，例如乳化劑，所以唔會過水嘅時候自己產生白色野，唔可以用水輕易洗走。因為我唔係咁鍾意用卸妝棉，好多時都黏到一面棉花，我就會用Temple紙巾抹走佢。
夜晚洗完面我都係用同一支油嚟護膚，用在臉上想吸收好一點的話，會噴上玫瑰花水一起按摩以達至水油平衡。個身有風爛又係用佢來搽，如果唔小心比貓爪到，都係用椰子油來殺菌同埋令到傷口可以快啲好返，真係萬能又抵用！
題外話，曾經有香薰治療師告訴我，其實花水以及精油都是在同一個蒸餾過程中製作出來的。比如說玫瑰，很多很多的花瓣，就會蒸餾出一大盤花水，而在花水的面層，就只有那一丁點薄薄一層的精油，所以精油比花水貴很多。不過當時功效也更顯注喇。
延伸閱讀
這一兩年我都轉用了沒啥化學成分而簡單的化妝品以及護膚品，覺得皮膚的暗粒真的少了很多。有興趣，又或有需要就也看看我是用什麼化妝品啦！個粉底真係好正！
