自家製洛神花蜜
有時不得不承認年紀大了，朋友間的聚會，話題都不離養生健康之類，碰巧剛為老公買了一個保溫瓶，可讓他帶一些暖茶帶上班喝，可是不擅廚藝的我，唯一曉得沖紅棗桂圓茶，由於好友Ivy一向最擅長廚藝，湯水之類完全難不到她，於是即席向她討教。過了數日，收到她的SMS：「我剛在醃蜜糖洛神花比老豆，如你老公無血壓低也啱飲，可比一瓶你。」我連洛神花也未知是甚麼，於是繼續請教，「今個月是洛神花收成期，街市有新鮮洛神花賣，去芯洗乾淨，乾水後同蜜糖一起密封一星期，就可每次用少少開茶，增強抵抗力，尤其預防感冒，也助降血壓。」對於好友的博學，那一刻我拿著手機看著短訊，真的嘆為觀止。
Michelle,
麻煩你可唔可以問下你朋友可以係邊個街市買到洛神花呀?
同埋份量大約係幾多朵花, 幾多honey呢?
仲有冇話邊隻honey好d呀?
唔好意思我好多問題呀, 唔該晒你!!
dear sam Sam :
michelle 應該唔介意我在此親自答你, 洛神花期是每年的十一月頭至十二月頭，所以現時已經是尾期,越來越少新鮮的洛神花賣。我在元朗大橋街市的菜檔買的，$40 一磅,大概50朵 也見過九龍城街市旁有一家專賣有機疏菜的店有得賣一盆大概十朵賣$20。
洛神花的味道很酸與味道清一點的蜜糖較匹配，所以我用百花蜜。一磅足夠浸半公升蜜糖, 步驟如下:
1將洛神花去蕊,只留花瓣, 盡量溫柔不要弄損花瓣
2,將花瓣浸水一會洗乾淨
3,瀝乾花瓣的水分,最好將花瓣逐片放在鋪了廚房抹手紙的盆上,讓花瓣自然風乾,最少放置一個晚上,因為花瓣有過多水分的話,浸蜜糖時會發霉,但千萬不要將花瓣放在陽光下直接曬,否則會被晒乾,記得要風乾
3將花瓣放入密封瓶內,然後加入蜜糖, 蜜糖會令花瓣變軟縮水,所以盡量多放花瓣直至瓶子容不下為止.
4大概一星期後就可開封飲用!連蜜糖裏的花瓣也可吃,我會用來塗麵包,甚至bbq也用!
怕麻煩的話直接用冼乾淨的花瓣煲水半小時,成紅色的洛神花水,味道極似利賓納,加蜜糖飲亦可,
快去街市找找吧!
michelle的朋友Ivy上
Ivy,
haha, 當然不介意, 還很感謝呀, 你快D開blog寫湯水食譜啦, 造福人群呀.
SamSam,
我這個朋友係咪好勁呢!!!
好勁呀
好呀好呀,其實成日睇整容,化妝睇到麻木晒,有時反而想知多D保健知識!
嘩!!! Ivy, 唔該晒你呀!!
你真係好勁呀! 我係屋企個頭無見過有得賣呀, 等我去九龍城搵下先. 試左再留言話你知呀~
michelle,
你朋友真係好好人呀~~ 唔該晒你地!
Hilda,
我個fd真係好勁呀, 我有咩唔識都一定問佢, 但睇佢個樣絕對諗唔到佢會識煮飯, 因為佢好靚女架.
joey,
這些保健知識是非常實用的,所以我不停叫Ivy寫下呢類型既blog, 分享下
SamSam,
唔使客氣, 大家分享一下, 都開心D