脫毛，自助無痛

長效唔使煩的當然去做激光脫毛，不過重點是要唔怕痛兼付出金錢，選信譽良好又安全的美容中心代勞，動輒上萬元。我不算是毛孩，毛毛重災區是一雙腿，中學年代已很貪靚，選用最慳家方法脫毛，自己用剃刀每天沖涼時剃走毛毛，不過這只治標不治本，基本上每天都要剃，否則毛毛好快長出來，長出來的都會變硬變粗，有時仲會留有黑點，唔想雙腿“吉”手，只有勤力。

脫毛膏及蜜蠟，我都玩過，前者化學成份較多，我用後皮膚敏感，即停。後者雖然天然，連根拔起，脫毛效果比剃刀及脫毛膏持久，但那種手起毛拔的痛楚，我眼淚水都岀埋，加上皮膚乾又易紅，都係敏感收場。

幾年前終於忍唔住，友情價找了相熟醫生的美容診所做了雙腿的激光脫毛，共做了6次，效果算唔錯，毛毛9成冇再生，但可能手勢問題，有些鬼祟位如膝蓋、小腿背及近腳眼位都未能做得徹底，仲有幾條毛仔生岀來，幸好再長岀來的都是幼幼的毛髮，這些我都靠剃刀清除。

至於自家用的脫毛機，如拔毛機，我冇興趣試，唔使諗逐條拔，拔到天光都未玩完，再者咁拔法，我都一定敏感起紅。而近年流行的新科技熱脈衝傳導技術，一推岀時未有機會試用，況且技術太新，一向保險的我也不會亂做白老鼠。上個月，我終於有機試，去到第三代，技術相信較成熟，睇晒佢原理再研究埋網上唔少外國人用家的貼士，覺得可以一試，依家就同大家分享我的用後感。

熱力脫毛器比手機體積還要小，夠輕便。要讚的還有用法簡單，基本上按開關，選熱度後，即可用。我個人最怕操作複雜的產品。脫毛原理是採用獨家的Thermicon熱脈衝傳導科技，以快速的脈衝頻率產生熱力，熱力傳至毛囊，達除掉毛髮及減慢毛髮生長速度的效果。

用法好簡單，皮膚不用沾濕，保持乾爽狀態，將脫毛機同皮膚垂直90度，緊貼皮膚，以逆毛方向往上推動，速度宜慢，但又不要停留在同一點，要keep住推，同一個範圍重覆3－4次即可，確保安全有效，每個部份不宜重複超過照5次。

試後感：

• 操作簡易，試過3度的熱力都只係覺得暖暖哋，全程無痛。
• Quick Start 使用手冊及網址的使用短片全英文，如果有埋中文更好，方便埋唔識或唔想睇英文的顧客。
• 大範圍部位推動完全順暢，但轉了細機頭，我試於手指位及腳趾位，稍嫌未夠貼服順暢。
• 脫毛效果還需時間、恒心及耐性，我依家試咗一個月，每星期用兩次，毛髮都真係見到生慢咗同少咗啲，但要永久效果如激光脫毛，相信要連續使用三個月或以上，始終是家用的，能量較低，以安全為大前提。
• 好處是方便，可以隨時在家搞掂，岀trip或去旅行帶埋去都好輕巧。
• 長遠計價錢較岀街做激光療程平。
• 有小朋友的，千萬不要在小朋友面前用，佢哋見到咁得意一定想拿來玩。始終有熱力，小朋友不懂操控，有一定危險，要遠離小朋友。

查詢：

no!no! PRO

連卡佛、金鐘廊lab concept、朗豪坊Beauty Avenue 2528 1966