聖誕華麗變髮

今次佢地會教大家兩個 christmas look，分別會演繹兩種唔同既style，
同埋好簡易自己喺屋企都整到，唔使專登又花費出去比人set頭。
呢兩個髮型只係用左削梳同埋曲髮夾兩樣工具就能夠完成架喇!

呢款曲髮夾購自淘寶，大概百幾蚊，
有興趣可以喺淘寶search”梨花頭”就會見到類似嘅夾，
唔一定要用呢一款，網上都有唔同嘅款式，
大家可以揀下。

仲可以調教溫度架~

首先，今次Irene既髮型係宜家流行既韓式曲髮馬尾，感覺較young同清爽。
好似韓劇《別有用心的單身女》入面李敏貞既髮型一樣，
將曲髮紮起做馬尾，就已經好好睇同好百搭，襯咩類型既衫都ok。
少髮量既朋友可以學下點樣夾曲啲，令頭髮睇落更豐盈，亦可以改善頭型！

Step 1:首先用削梳既尖尾分界，將頭髮分做上中下3個sessions。

Step 2: 大家如果想造型更持久，可以係夾曲頭髮前先噴上定型噴霧，
記得噴嘅時候要距離20cm！
然後用曲髮夾由底層至面層夾起，夾時可以隨意咁夾，
一撮夾三下，一撮夾兩下，唔使太死板，咁樣就會比較自然。

Step 3:夾好全頭後，隨意將頭髮束成馬尾，再用像筋圈實。

Step 4:　然後用一小撮頭髮圈住像筋，再以髮夾固定。
而前髮或側邊位亦可以用髮夾固定。

Total look!
（如果大家想更加固定髮型，
可以係完成後後再噴上hair spray）

如果頭髮比較少，想做到更加蓬鬆fizzy既效果，
就可以直接束起所有頭髮打造丸子頭。
韓式丸子頭真係任何時候都適合，冬天束起頭髮圍上頸巾或者樽領冷衫，
甚至唔怕凍著上tube dress出席Christmas party，
好似經常以丸子頭示人既韓星劉仁娜咁，一樣好charm！

照上面Step 1-3去整，然後抓鬆頭髮，喺頭頂綁一條馬尾再盆鬆髻。

三分鐘轉換髮型又得，得左！

Janice今次示範既髮型就比較elegant，類似finger wave，但就更加立體，
配合成熟知性既女性打扮，好有氣場感，
呢類大波浪曲髮無論係頭髮較薄或者短髮既人都適合，
打造呢個look出席Party就一定令人眼前一亮！
而呢個髮型同樣都係用返削梳、hair spray同曲髮夾，非常簡單方便。

Before

Step 1:首先用尖梳分界同梳順頭髮。

Step 2:先由耳邊開始夾起，由左至右或由右至左，
同埋要整齊咁夾，令波浪一致。
(夾髮前可先於頭髮內外層內外層噴上hair spray，可以令造型更持久。)

Step 3:拎一小撮頭頂既頭髮，用削梳倒梳髮絲，令頭頂望落無咁扁平。

Step 4:前右邊預留一小撮頭髮，然後將其他頭髮束起，
用像筋圈綁實，再抓鬆頭頂頭髮。

Step 5:將小馬尾收起向內捲入，再以髮夾固定。
側邊或鬆散位置同樣用髮夾固定。
如髮質偏軟，建議可於瀏海或整體造型再噴上spray作最後定型。

Total look!

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)