精神科醫生VS 情緒治療師

我不是專家，但我作為EX 患者，我以個人的角度出發，嘗試分析下畀大家聽。
我有看過精神科醫生同時也有看過 情緒治療師／輔導員，

兩者是有分別的。

精神科醫生
香港是沒有心理醫生這種專業，只有精神科醫生，而且一定是必須註冊的！而只有精神科醫生才可以處方藥物，一般精神科醫生會了解你的情況，去評估你的情緒問題是不是情緒病，然後再因應不同的情緒病而為你度身調配藥物，治療以藥物為主導。而治療期因人而異（因為真係睇個人的痊癒情況）。

我本人就用藥物治療了3個月痊癒了，醫生要我再食多6個月藥以免翻發，TOTAL用了9個月完成療程。有的精神科醫生不會同病人傾太耐，好似睇醫生咁十零分鐘，我都算感恩我遇到的是個好有心嘅醫生， 所以會同我傾都有半小時以上……會教我點諗嘢（或許我睇私家會比較好同仔細啩，但好貴…. 一個星期17XX﹣3XXX）。

而一旦開始咗藥物治療係不能自己停藥的， 一定要跟醫生指示!！！我有D 朋友自己試減藥， 結果反效果好大～！所以要開始藥物治療真的要好聽話。食藥一定會有D 副作用的，但人人不同。以我同我有些朋友的例子比較， 政府藥副作用大D，有D 有耳鳴同昏睡……私家藥好似副作用細好多～我自己醫生講佢開嘅係靚藥…..當時我除咗剛開始療程時因要時間適應藥物會比較累外，基本上之後就無咩事，完全無耳鳴， 除咗肥就沒有甚麼了（肥唔肥都係因人而異，我有D 睇私家醫生嘅朋友都無肥，反而瘦）

如果你認為你想人評估你有無情緒病／你的問題好嚴重，影響緊心理同生活的話， 精神科醫生會比較啱你。當時我就是器官全都出現問題，又嚴重失眠咗整整一個月， 成個人好虛弱好危急，所以我不得不找精神科醫生。

相反，假如你是想有個人識用同理心，治療大部分時間都在聽你訴苦，你可能要考慮其他類型的治療。

情緒治療師／輔導員

以我所知， 兩樣都是以人為本的，都係會見面傾談式的。但要注意的是，除非一些機構的輔導員都會有註冊，而香港的私營情緒治療師的註冊都不完善，所以比較參差 （我有遇過D 佢話自己係…..但）。

而一些機構內的輔導員會提供輔導服務，有的是免費的（如NGO的）；而坊間的情緒治療師是私營的，會比較貴。我見的是我認識由輔導員轉型為獨立情緒治療師的。邊樣都好啦，我覺得因為你想同佢傾偈，有需要佢哋幫你去處理你設身的情緒問題， 所以我會建議選個可靠，而你覺得會安心的～

而佢哋 主要係畀你鼓勵和幫你分析你的問題，但一定要你找到屬於你的方法／力量去自己幫自己，而唔會用佢哋自己的方法強迫你做任何決定。
所以呢，如果你需要的是關注， 要有人尊重你的想法， 你想有支持就是找他們了。

而他們的治療方式是by session 的， 即一個session X個鐘等等，每次傾完他們一般都會畀D 功課你做， 要你慢慢處理你的情緒問題，由於一切在你， 而且每次都未必傾得晒(人生咁多嘢，係咪？）所以治療時間會比較長。
我早排情緒發現有點波動同辛苦，由於我不想情緒病翻發(不想再食藥，唯一的方法就是正視問題，以及及早處理負面情緒） ，所以我都搵咗情緒治療師傾下，傾完個清晰少少自己，會RELEASE 了一點，也有人會客觀地告訴你原因……..

（＊以上是個人立場，僅FOR參考）

其實無論你需要那個方向， 最終最重要的是你自己，因為一切都不過是輔助! 如不改變自己的想法，最終只會原地打轉……
其實人人都有情緒，就如人人都會感冒一樣，唔需要怕人哋點睇你， 如果佢無知，你又同佢介意咩，係咪？有需要就去盡快找專業人士幫手!！別拖到最嚴重(不要似我咁＞＜）
睇醫生不代表比人懦弱， 人真的太多複雜問題了， 自己又多盲點,所以搵專業人士幫下手都好正常呀～別害怕， 同路人有很多～祝福大家！