滋補猴頭菇嚮螺湯

由細到大我都好鐘意飲湯..而且我有個大廚媽媽..
晚晚飲令湯一直都係基本的事~
但自從11月搬入新屋之後…
所有家事我都要慢慢學習..希望可以做到一個好老婆

一向零煮食經驗的我..亦開始煮食人生..

慢慢….擁有了好多好多簡易版的煮食方法..哈哈~

另一半同我一樣鍾意飲湯
佢最愛我媽媽煲既菇類藥材湯—-(實情係我飲左禁多年都唔知叫咩湯)
只可惜用料太多又難攪…
路過超市見到有藥材湯包…即買即試!!!

壓縮材料如下:

猴頭菇 5-8個
(先用水浸15分鐘..然後搾乾備用)
嚮螺 4隻
(大多藥材湯包都有數片提供，但老實講一定唔夠！所以我係惠康另外買左４隻雪藏的)
黃芪 少量
杞子 半碗
(因為我鍾意甜d..所以大概用半個飯碗既分量)
巴戟 8條
蜜棗 6-8粒
豬展 半斤
(我多數買40蚊的量..)

Tips:

如果太趕無時間準備..可以去超市買包裝既藥材湯包..
不過如果4人分量..建議買2包..兼另外準備原隻嚮螺4隻

個人試過用跟足湯包指示，1包煲10碗水…結果1個鐘後d湯仍然水一樣淡。
最後要即刻買多包加碼。

煲湯前準備:

先以一茶匙鹽及一茶匙雞粉攪拌作調味….醃製15-30分鐘

嚮螺要解凍後切片備用

做法:

(1)我多數使用24cm的Le Creuset煲湯。加入大概10碗水的分量。開中火煲滾ｄ水
(2)水滾後，除了豬肉，先加入其他湯料..(若果想d豬肉唔好太un..味道清甜ｄ，可於1個鍾後先落肉)
(3)以中火煲滾湯後..改以中小火煲2至4個鐘…令味道更濃郁…
(4)夠鐘後如果味道唔夠..可以加少少鹽調味。

初三當日就係用左紅色袋入面既粉紅色24LC煲煲湯啦～
真係好甜好甜。當日第一次煲完全零失敗。。
相信好多同我一樣初入廚既少婦都可以做得到！
梨緊慢慢再Share我同網路上廚神少婦偷師既煲仔飯啦