簡易上班醒神妝容(上)
我係典型既朝九晚六上班一族，當然早上化妝時間有限，但快速化好個靚妝令自己有精神飽滿一面十分重要，除了為一天建立個好開始，也能增添別人對你既好感。
一個超簡單快速又很精神飽滿的妝容，10分鐘就足夠了，不需濃妝的。ヾ(○゜▽゜○)（大家還是盡量不要在地鐵或巴士上化妝+ – +，真係唔多好睇＜－∀－＞）
每天化妝雖然要早少少起，準備出門既時間相對長點，但堅持每朝化妝對我既好處太多了，所以呢個已經成為我一個習慣了。
一來其實開始化妝後，會更注意皮膚既狀況，對護膚程序、保養用品更會講究及研究成份等，再者你會發現每天化妝上保養品既同時，自己對面部上輪廓既優缺點有更深入認知，因此慢慢化妝既速度明顯會加快亦更能把學會既化妝技巧溶匯運用到自身上。
Practice makes perfect，久而久之，你就能成為自己既化妝師啦!
現在就開始分享我最近上班常化的妝容。主要想推荐之前去日本Sky tree買既一盒超實用既啡色眼影。
Rimmel Gem Dew Eyes日本版寶石五色眼影 [#004] 4.6g
此盒具備淺到深既啡金色眼影盤，非常顯色易用，濃淡因而亦都容易由你控制，一盒有齊足以打造出深邃效果既眼妝。細細盒可放化妝袋外出補妝，價錢不到港幣100元，可謂價廉物美。當然唔少得好上色又好畫既黑色眼線筆同啡色眉筆。
首先，打好makeup base，再集中面中央部位向面則塗上粉底，用遮瑕膏遮好黑眼圈，鼻翼兩側及嘴角兩側，建議不要全面用上蜜粉，先在T字位，眼底下，旁C位及下巴突出位用Highlight 產品打亮。再用修容產品用於髮線位打個”口”宇，接著掃上腮紅容和Highlight及修容既邊位，最後只在未掃過任何既地方掃上蜜粉，這能令整體妝容更立體透薄，可看最右一張完成左整個底妝既感覺，面部輪廓更立體了。
眼影方面，今次選用了Jill Stuart帶大量帶閃片既淡粉紅眼影膏作為打底整個眼窩位，令眼影更持久。
左二:金黃色帶點啡既一格，質感特別，感覺像軟既泥膠。
建議用手指按下沾取並重覆按壓，這格也是吸引我買呢盒眼影既部份，亦是我最喜歡的顏色，用起來不會顯眼拋，不會太重而且透亮閃，可塗在眼頭三分一眼窩位作為重點色。
有什麼好用底妝產品推薦？
化妝時必定要用底霜做好妝前打底，避免皮膚直接接觸化妝品及令肌膚變得更光澤。之後就可以塗上粉底液或氣墊粉底；亦可使用遮瑕膏/遮瑕液加強修飾臉上瑕疵。有化妝師教路使用粉底刮棒就可以4步化出原生膚，再用上三文治定妝法即可使整個底妝變得持久不脫妝。如果想營造偽素顏效果，潤澤膚色，則可改用素顏霜。
有沒有價廉物美的面部保濕產品推介？
保濕產品有多個種類，在眼霜方面，消委會3款高分眼霜推薦，當中百元眼霜媲美千元品牌！保濕面膜方面，比較了10款面膜，貼服度極高，有效急救轉季泛紅問題；保濕面霜方面，比較了10好用平價保濕面霜，冬天、夏天轉季都啱用。
Hello，請問香港有否Rimmel的產品出售？
Rimmel係一英國開架品牌, 香港應該少地方有售
呢盒我係去日本東京旅行,係Sky Tree商場買的
既然日本有售,我覺得可以去一D專售日本品牌化妝品店或拍賣網站找找看^^