簡單一app！輕鬆試盡 運動 美容按摩足浴養生

其實我同廣大嘅妙齡少女們一樣，自踏入社會大學嗰刻起，就脫離咗P.E.堂嘅約束，同運動完全絕交。不過唔到我唔信，大到某個年紀（其實都唔算好大，只係一直凍齡25歲）開始郁啲就周身痛，夜訓啲都成身散晒。好多人叫我做吓 運動 拉吓筋，之但係拖吓拖下又一年，無個運動buddy伴住做係無咩動力。要知道的唔心肝做啲唔感興趣嘅事，真心好難。

不過世事難料，話說前排朋友介紹我join Kfit，搞到最近好似有強迫症咁款上咗癮係咁報玩瑜伽、TRX、蒸薰足浴同岩盆浴之類嘅活動（雖然cancel次數多過參加次數…….. ）。至今已經兩個月喇，不得不承認我有小小鍾意咗 瑜珈 ，而且阿媽仲讚我對手臂firm咗，個人精神咗，認真不得了。最重要嘅係，我慢慢發現，無朋友陪其實都唔算好難捱。

| 咩 係 Kfit ? |

咁你就會問喇，「加洲風波」搞到咁你仲join乜join乜？！傻豬嚟，Kfit只係一個綜合唔同地區、唔同範疇嘅「健美」平台，用家只要download個app（或者用電腦瀏覽官網），登記成為會員同埋交月費，就可以每個月報十樣嘢玩，除咗運動workshop，仲有Spa、Facial、足浴、按摩、修甲、髮型及修身服務等等。如果你每個月用盡quota報足10次，其實每個活動平均只需40-50蚊。為咗確保每個活動都咁抵，我每日搭車、食lunch同訓前都會開app增取時間安排活動。

| Kfit 點 用 ? |

大家除咗可以上官網登記做會員，其實本人覺得用app仲方便！

實不相瞞，其實我係一個超級怕麻煩同好驚冒險嘅人（連online shopping都少玩），但最後我都參加咗，只因為Kfit好就好在參加時唔會收取手續費或者入會費，而且係每個月收費，從信用卡自動過數，因此無需花費大筆金錢預先購買package或套票，風險低好多！

題外話，好多親戚朋友都笑我「排骨底」，叫我唔好扮肥要keep fit。無錯，我其實都算幾瘦吓，之但係血肉之軀係點都會有肉嘅。我媽子經常話我對臂啲肉鬆過飛鼠個撲，對手fing得快啲都可能會飛起。經過兩個月不定期不固定嘅小兒科瑜珈同拉筋，原來都有些少進展，腰骨都無咁痛，真心「老懷安慰」。同埋因為Kfit，我人生第一次接觸蒸薰足浴同岩盆浴呢類養生活動，每個月定期一至兩次，真心覺得健康咗。如果有姐妹都有玩Kfit想搵個伴，不如我哋都組返個團一齊「one more two more」啊！

延伸閱讀：
▲韓國超模塑身4 Tips 爬樓梯燃脂勝跑步4倍！！
▲微拉筋9式 解OL久坐致肩頸痠痛與寒背

如欲率先接收資訊，請讚好我們的FB專頁並於「已讚好」選單設定「搶先看」，多謝支持。
More Facebook: https://www.facebook.com/morehk.hk