碰上Karl Lagerfeld

家姐差不多每個月都要飛，每次回來，必定是跟我分享於外地的購物經驗，今次除了狂掃Chanel之外，竟然給她碰上了Karl Lagefeld!! 話說她在巴黎Chanel 總店Rue Cambon買得不亦樂乎，臨走時發現有一輛大房車泊了在Chanel門口，「你知啦，Rue Cambon嗰條街幾細幾窄吖，咁樣泊架車好矚目呀，說時遲那時快，就見一個白頭佬戴住黑超快步上車，sales也立即告訴我他是Karl Lagefeld，我即刻拎iPhone出嚟影，不過影唔到咋嘛。」搞笑的家姐臨尾還說了句：「哈，原來真人咁矮嘅！」

Chanel的Rue Cambon總店，樓上是巴黎Chanel的office，所以Karl經常會在Rue Cambon出現。
家姐愛買手袋，她此行也有到Hermes逛逛，但卻惹來一肚氣，「我在巴黎時常見到有人挽住Birkin bag，咁我咪諗住去睇下囉，成間舖鬼死咁多人，但係全場一個手袋都見唔到。」我答道：「收埋晒嘛，你唔問啲sales?」家姐說：「咩都見唔到，唔會知自己想買乜o架喎，何況咁多人，你認為會有sales得閒招呼我咩，無嘢睇咪走囉，依家連LV都鬼死咁好服務啦，唔買Birkin又唔會死嘅，係佢賺唔到我錢啫。」但我不排除一個屈尾拾家姐會買個Birkin bag回來。

我上次到巴黎，也沒有走入Hermes店，因為只在門外，已見入面人頭湧湧。聽朋友說，在巴黎買Birkin bag也很抵，在香港賣七萬多，在巴黎只需五萬多六萬，不過會不會買給你是另話。
家姐此行最遺憾是在葡萄牙沒有買Prada ：「係葡萄牙Prada見到一系列唔同pattern嘅one-piece，好靚，Sales說是Limited Edition喎，才四千多一條，係Lane Crawford求其買條唔知咩牌子都要兩三千啦。」我興奮地和應：「呢個系列係Miuccia Prada將以前用剩嘅印花布，用來造款式簡單嘅one-piece、手袋，係限量o架，因為啲布用晒就冇啦。」家姐聽了更嬲：「我諗住咁多款，都唔知點揀，都係去到巴黎先再慢慢睇慢慢揀，點知去到Paris間Prada，一件都冇，問Sales先知Paris一早斷晒貨，激死我呀！」嘩，香港賣$6,800。四千多，我都想要呀！

Prada的這個Print Collection，除了one-piece (€425-€475)，還有chain bag (€710) 和ballerina (€235)，全都是印花圖案，非常搶眼，又富特色，絕對值得珍藏。