[短trip必備] 執行李 Muji 五格盒夠哂數
在fb看到有朋友『些牙』一篇文章教人 執行李 時，用薯片袋改裝用完即棄lotion包，講真我諗起袋入面浸油就怕，都不知究竟要洗幾多次先可以確保lotion唔會有薯片味……
提起 執行李 ，早前在blog曾提過經常有press trip去東南亞採訪，常要為三日兩夜 執行李 ，逐漸變得喜歡用手提行李，因為免寄艙以便回港直接過境call車回家。為了盡量加快 執行李 的過程，我對用量較少的半液體類別自有妙法，過程無需任何剪貼與熱溶封口，只需要一個Muji 五分格的亞加力儲存盒。
Next Page> 超實用！HK$20 Muji 五格儲存盒
即係咁，每次我 執行李 ，老公狂笑這是一棵保鮮紙聖誕樹，而我就話係好出trip好幫手，可知到如果將所有液體或半液體都用樽仔盛載的話，個zip袋很快便裝滿，變得容易爆開之餘入面七國咁亂，想抽支爽膚水噴面都艱難。
再講，我又試過在 “沙沙”買一種內附防漏膠片隔的圓盒仔，貪佢十蚊銀般夠的骰適合裝濕粉，誰知落機去到酒店拿出來時已經漏到zip袋一撻撻，勉強應付幾日之後直接丟掉，所以試勻各式儲存盒之後，最後還是在Muji搵到好東西，起碼冇漏過。
HK$20 五分格亞加力膠儲存盒 (35mm x 121mm) *不可放洗甲水、香水
我每次都用這個來裝放半液體用品，包括髮泥、body cream、濕粉、裝前保濕aqua gel，除了大小適中，最主要係比清洗細樽更方便，出完trip之後 執行李加洗衫 已經攰，難道還要狂洗樽？！
持久度高的Dior粉底液，泵三下已夠用三日兩夜。
安全起見，每一格之間加一塊保鮮紙再擰實，加強防漏。
每一格都貼上masking tape，並寫上類別，因為masking tape易搣且無痕，非常方便。
Next Page> 執行李 必放！高效橙油洗甲紙
HK$18 (*大約，忘記了價錢)
講起亞加力膠儲存盒不能裝洗甲水，但偏偏出trip最易整花指甲油，所以我的行李長備這包洗甲濕紙巾，1pack有5包，每包內有一塊勁細洗甲濕紙巾，可以足夠洗淨十指，而且散發香橙油味，即使在飛機上洗甲都不怕影響到隔離乘客。
好啦~又係時候講拜拜，多謝抽空閱讀，請繼續支持。
