盛女愛作戰 － 性格派 Florence 二次大戰金牌媒人 Mei Ling （Behind the scene）
這幾天無論我的 blog 我的 Fans Page 我的 Whatsapp 我的email 等等幾乎每秒鐘都忙到爆炸。尤其傳媒界的記者，可以用的方法都用盡來找我；讀者朋友就不斷讚好看；粉絲們更厲害，只要我一 post 在 facebook，10 分鐘內隨時都過百人回應！當中不少人都心急想知盛女們最後命運。但基於專業操守，什麼好姊妹都好，我全部都沒透露任何口風。
昨晚第三集《盛女愛作戰》播出，頭半 part 熱爆全城的 Florence 再度跟全城最 high end 的金牌媒人 Mei Ling 大戰。
其實Mei Ling 帶她們出席晚宴那場拍攝，我並不在香港，所以沒有親眼目睹，只能夠聽她們各自的版本，Florence 跟我說的和在鏡頭前說的一樣：
Florence：「你知道我跟 Mei Ling 去 ball 嗎？」
我：「知道啊！聽講有個教授介紹給你都唔錯的啊！」
Florence：「吓？唔係卦？好老喔。」
我：「咁最後點啊？教授幾好啊，符合你又博學多才又會上天下海什麼都識的基本要求，right？」
Florence：「我係話過要果 D，但我無講過話個樣可以唔 ok 囉！By the way，佢唔係 Professor （教授），佢不過係個 Lecturer（講者），兩者完全唔一樣。」（我當時樣子是這樣：@.@）
我：「…」
Florence：「我唔鍾意去呢 d ball，下次唔好預我。我覺得 Mei Ling 好似當我係交際花咁！我要去 ball 的話根本都唔洗跟佢去，我自己隨時都可以去啦！」
＊＊＊
Mei Ling 版本：
「我就快比啊 Florence 激死喇！帶佢去 ball，介紹個好好既大學教授比佢。但佢就成晚唔睬人，不停同 X （跟 Florence一齊去的 best friend）係咁自己兩個傾計！有無搞錯啊！小姐啊！你要傾計就翻屋企慢慢傾，你傾天光我都唔理你。但帶你出來你咁樣，根本就連基本的 social manner （社交禮儀）都無啊，真係離晒譜！」
＊＊＊
讓我先說說我對 Mei Ling 的體驗。如果用一個字，我會用：堅！
她本身屬於社交名流，口才了得人面甚廣，很多人都會給面子給她的。其實去那些晚宴要拍攝機會近乎零，要那些男士們出鏡簡直就天荒夜談。試問那些有頭有面的男人（Mei Ling 介紹得的都會是某程度上的「筍盤」，全部什麼老闆啊，CEO 啊，大財團 Director 啊之類）會願意這麼大方出鏡讓幾百萬人知道自己心急找老婆？但臨到開機前，只要 Mei Ling 說幾句，沒可能發生都變有可能。還有，Mei Ling 見人見得好多，吃鹽絕對多過好多人吃米，看人看得非常通透，overall 她說的話（我指的不是她對Florence 的comments）都 make sense 和有參考價值的。
Anyway，經過這次之後，我對 Florence 又加深認識了少許。就像 Mei Ling 所說一樣，她會有些對話關於：「Mei Ling 介紹那些都不見得好巴閉，也不見得配得起我！」
繼而讓我想起接觸過很多極愛面子又或是自小便活在自己那個安全美麗但虛構出來的堡壘的人都這樣。一旦覺得自己被人貶低時就會偏向 over-react，作出反擊，很不爽等等。
自以為事也許源於太了解自己所匱乏的是什麼。而在外面裝了 100 層看似很 OK 很沒問題和我很好之類盔甲的人，往往內心都好空洞，繼而很害怕別人會知道原來自己也並不是那麼了不起，最後自卑變自大來保護到自己避面受傷。
這次之後，幕後的我們一直有個很大問題：「到底 Florence 要什麼男人啊？」
這個問題的答案，大家很快便會在鏡頭前看到。而到底為甚麼 Florence 又會是這麼 stubborn 的一個人？很快也會自有分曉。
Once again，雖然我知道 Florence 已經讓幾百萬觀眾抓狂了，但是請各位也別要罵得太狠，這樣不公平，因為其實只是我們根本還沒有發掘她內心的底層，和對她還沒有了解。她，其實也有她的故事的。總之，Stay Tuned！
最後一提，收到幾個讀者質詢：
1）為甚麼 Mandy 是唯一沒有公開年齡的？
我答：這是她跟監製私底下的協議。監製應承了她這個要求。
2）為甚麼只有 Mandy 成日化妝化到靚一靚但其他就那個樣出鏡？
我答：因為 Mandy 真的是唯一出街會化妝化到靚一靚的。那個是真正的她。
3）原來 Winnie 一早認識 Mandy！？
我答：對啊，我去年拍古巨基的《鑽石敗犬》MV 就認識她。她合乎資格參加，監製又要她，所以她可以參與製作。不過雖然Mandy 向監製提出好幾次要我替她做 coaching，但是都分別遭到我跟監製的拒絕。所以，我除了替她安排了一個很 surprise 的約會（但是是見一個女人），整個節目我都沒有理過她什麼的。
Last but not least，我的 blog 是會根據電視播出大家看到的情況而寫，不會就我知道的結局而下任何定論。這樣能較容易跟各位 connect 到。如果你不同意啊我說過什麼啊，又或者覺得我沒有幫 Florence 啊之類的，oh， 求其和隨便啦！
Florence is really funny
完全唔知自已想點0既人
世界從來沒有童話，醒一醒吧
放棄自己外表卻嫌棄別人外表
執著別人是lecturer or professor，
哦，原來呢0的就係佢口中0既真愛，真係冇野好講!
Hi Winnie,
Thx for u all to produce such a high quality TV prog for all the audience~ BTW, I am just curious that why you refused to coach Mandy? May we know the reason?
To be honest, no matter how the ending is, those 5 ladies are brave enough to be praised and appreciated…..somehow, every single lady can see themselves from these 5 participants from different view points, isn’t it! It really helps us reflect ourselves. Thanks again!
我由第一集睇到宜家 好認真咁講一句
Florence雖然已經39歲 但佢仲係沉醉於年輕時既夢
我睇住佢講自己29歲拍第一次拖 呢個吾係一個問題
但當人大個之後 應該要學識面對社會既現實。
–
Florence話要一個有內涵 識欣賞佢內在美既人
吾該 Mei Ling已經根據佢既要求 介紹一個大學講者比佢
講真 你宜家係搵老公 你理得個個係教授定講者咩？
吾通你晚晚同你老公傾社會、傾經濟、傾化學、傾物理…咁樣咩？
我真心覺得個位大學講者幾好 雖然睇落好認真
而且同Florence都有共同興趣，幾襯阿！
–
Florence又話雖然我要個有內涵姐 但無話個樣可以吾ok
我想講一聲 小姐 你自己又吾執執個樣 人地話幫你整你又吾肯
你吾執好個樣 人地點會發掘你既內在美呢？
真心覺得個位教授個樣無Florence講得咁老囉 又吾係太差
Florence小姐~~我看了頭2集之後只想問你有喜歡看日劇或韓劇(指偶像劇)的習慣嗎？你說的條件跟我的夢幻世界一樣呀！
可是我懂得分清現實跟夢幻呀！
你要求的年齡跟學識都不成比例~~~
這種不成比例的東西只能在言情小說及日劇跟韓劇才可以滿足你呀！知道嗎！？
P.s年紀比你少的我說的^^請早點認清呀！
還有制作人為你設想都很辛苦……請體諒1下制作人；做人要貼心點別只為自已想…..[如果是真的自顧自在談天的話…….]
TVB係應該多返啲呢種節目, 我更期待盛男系列 😀
有盛男，好支持，好想睇……………xxx
男女大不同，，好想了解男人心理。
我覺得ck條件都唔錯, 又outgoing, 之前F 小姐都話鐘意d outgoing 嘅男人~~興趣又好似幾夾咁, 我覺得可以再相處落去, 做住朋友先, 但係F 小姐好似記錯咗自己係19歲, 而唔係39歲咁, 嫌人地個樣老成~~~OMG~~~我想問吓F 小姐乜宜家你個樣好青春咩?
嫌人地係Lecturer唔係Professor? 咁之前就唔好話搵男人嘅條件話唔介意對方有冇錢啦~~~根本就介意, 介意咪介意law~~~好似Mandy 咁講到明想搵個有經濟條件嘅, 起碼知道自己想要d咩~~~唔好口講一套心又係另一套先得嫁~~
話想人地鐘意佢內在多於外在~~~Shit~~~但原來自己睇人都係睇外在多於內在, 完全唔明點解佢死都唔執靚d個樣, 自己都係睇人地外表先啦~~~lee d 道理冇理由唔明白~~~
我唔知佢有咩故事, 但我覺得佢待人接物都好有問題, 唔鐘意嘅唔緊要~~但洗唔洗講到咁盡, 仲要一d機會都唔俾自己, 宜家唔係叫你同人食一次飯就跟人一世, 可以做朋友相處吓先, 就算拍唔成拖, 多個朋友一齊出去玩吓, 可能又有機會識到其他人呢, 我覺得Mandy 就處理得好d喇, 節目中都有講到Mandy 好似唔係對個男仕好有興趣, 但說話都有保留, 離開嘅時候都好大方同男仕講可以Keep Contact ~~~相反你睇吓F 小姐嘅咀臉, 真係令人暈低~~~
有少少陰謀論, 係咪TVB 要夾計叫F 小姐去得咁盡先有Talking point 呢~~~但諗心一層, 我係參賽者都唔會願意係700百萬人面前做衰人啦~~~咁仲有人敢要佢嘅~~~
Support you ar Winnie！
你絕對有資格！
除左Florence , 其他女仔都幾好啊, 尤其係Mandy 同 Suki
點解有两集都唔見到Gobby ? 唔係話有5 個女仔既咩?
愈睇呢個Florence愈激氣，又唔知自己咩野樣，以為自己好靚咩，D皮膚又差，講野態度又衰，搵男人要求又高。
39歲似足阿嬸一樣，有學歷有家底又如何，冇品又唔肯接受現實，你揀人人揀你啦。
好心唔好成日回望所謂29歲嘅初戀啦，阿姐你家下快40架喇，有邊個男人會揀個咀臉甘衰做老婆，成日鞋口鞋面。
人地第一眼唔睇樣甘睇咩呀，見到你甘款都冇興趣再認識你內在啦，好心面對現實啦。
好睇, 依家茶餘飯後多左個話題, 收視一定會再高; Florence 小姐係有問題, 但尋晚係遊艇班年青財俊都唔好得幾多, 咪一樣係男版 Florence; 希望下次搵班港男出黎做下依D節目, 我地依D盛女都好想睇下佢地對擇偶咩心態.
做開大學先會明白lecturer 同 professor 是完全兩樣野來的
簡單來說，一個地(lecturer)，一個天(professor)
不過，佢咁執著佢係唔係professor同佢要搵老公好像係兩回事…
Bonnie 其實好好..如未結婚時有幸認識她也想追她..希望她加油
一個好好睇的節目，五位女主角都好有勇氣，主持Winne都好好，支持各位！加油！
Florence 好似盲咗咁，其實真的對象CT出現咗佢都唔知，佢年紀咁大仲單身，其實就是要等候Florence，可惜她可能唔醒一醒，一世都唔知。其實我從前選男朋友心態都好似佢咁，想找個外貌俊朗可愛的，但現實上這種男孩子就好像要照顧小朋友一樣，後來想想一些卡通片做參考─史力加、美女與野獸，還想起小時候問一個專業社工她和丈夫是怎樣一起，她說是覺得彼此性格較近；現在我只想找個有安全感，會全心全意支持自己，似老公的人做丈夫，現在的朋友人雖不英俊，但他對我好已很好了。
我覺得好話唔好聽，Florence 都39啦！有個大學教書嘅人(起碼唔係通街啲阿伯)叫做「知書識禮」有番咁上下「企理」又有經濟能力。人哋都冇嫌你(仲對你印象唔錯，又讚你靚)，你仲嫌人哋年紀大唔靚仔。真係想叫聲你做阿姑囉！你以為自己仲係18、22咩！
補充一句：好多男人睇女人都係睇表面，但女人揀男人就有啲係揀內涵。That’s why 點解通街咁多「美女與野獸」
將心比已~~~我好記得細個miss講過”唔知自己有問題既人係最有問題。”如果要搵個白馬王子~~請先諗吓自己有無做公主既條件~~
你個好樣Florence
我18歲都好欣賞CK既為人同quality
你憑乜野嫌人呀?
你憑乜野??
by the way佢嫌人地個陣個表情好核突
講真我呀媽都靚過佢多多聲
俾個吳彥祖你好唔好
Support!!!! 亦好讚同”盛男”系列呢…
其實我覺得教授都唔錯~!
你可以有你自己的要求, 你說到….不想表現得對人家很有興趣…
但我想說…只係認識一下朋友而已… (人家現在話要跟你拍拖結婚嗎???)
教授說你不錯…基於人地有學識有禮貌不會說你什麼?
希望Florence小姐你自己都要諗一下…
接受一下現實吧…
你心目中有型靚仔, 都要看一下外表再發掘內在美吧…
第一眼都不想認識你? 何以發掘內在美…???
二集都吾見左 gobby 既 ??
好support 樓上”CT” 講嘅野, 個FLORENCE 成日鞋口鞋面,
Florence：「我唔鍾意去呢 d ball，下次唔好預我。我覺得 Mei Ling 好似當我係交際花咁！我要去 ball 的話根本都唔洗跟佢去，我自己隨時都可以去啦！」
<—–呢句又係忟爆, 好想講, 你連"交際花"都不如呀!!! "交際花" 有得睇, 你連睇都唔想睇, 人地帶你去BALL, 係幫緊你, 你唔該都冇句, 仲咁話人, 人地欠左你呀?! 人地可以話之你一世嫁唔去!! 你咁勁就唔駛人幫, 仲唔駛上呢個節目, 一早SELL得出啦, 家吓你就係SELL唔出之媽!!!! 唔好話我話, 你而家"AR"左人地個位呀, 可能大把比你有心有熱誠女仔想上去!!!!!!!!!!!!!
我係男人連望都唔想望, 何況同你過人世??? 我想信你會有日搵到你想要的 –
"有學識" "有地位" 嘅PROFESSOR, 不過可能係盲嘅先睇得上你!! 可能人地好鍚你, 你不睇你D咁嘅人, 你都唔識珍惜!!!!
BTW, 我都好欣賞你咁嘅樣有勇氣上呢個節目, 尋晚睇完你D SKIN, 我同我老公講, 我都係"FULL" 番個"MASK" 先!!! SO 我都好多謝你, 雖然我31歲, 已生B, 但我怕我到39歲D SKIN 會同你一樣, 你搞搞把佢啦!
Florence ,教授有修養, 不會令你不好受, 你卻不知自量, 說話的樣很醜.
繼而讓我想起接觸過很多極愛面子又或是自小便活在自己那個安全美麗但虛構出來的堡壘的人都這樣。一旦”覺得自己被人貶低時就會偏向 over-react”，作出反擊，很不爽等等。 —> 跟你之前寫個篇”同情綠眼怪”既over-react 行為好似 wor~~ haha
其實florence 係無得救， 不用那麼著緊
1、佢唔知自己要乜，年紀大又嫌大，年紀細(如有)又會嫌細
2、佢做人態度未達成年人的程度，佢話人老都無修飾一下；相反個lecturer 都保持一定風度，說得好聽一點。佢有咩問題，一睇就知，得佢自己唔知。
這才是她的致命問題，男人對外表的要求都可降得很低(provided that有) 但佢咁樣做人， 你估地球咁多人犯賤嗎？certified
我真心佩服有勇氣參與呢個節目嘅盛女，需知道要被數百萬人評頭論足唔係易事。我以為佢地參與嘅目的係想接納意見從而改變自己，為自己開拓尋找理想對象嘅機會。
睇咗三集，真係忟爆！ 阿 Florence 小姐外表完全唔執都算，人哋提議佢做改善皮膚嘅 skincare 佢話人哋應該欣賞佢內在美(??!!) 如果連基本皮膚護理都咁唔掂，我質疑佢本身嘅衛生意識有幾高。人哋 Mei Ling 介紹朋友比佢，佢又嫌人哋外表，點解把尺剩係識量人又唔量下自己?! 佢三高又如何?! 人品同基本待人接物都唔合格，就算普通男人見倒佢副嘴臉都唔想再望，莫遘話探討佢自己先認識嘅內在美。
究竟佢知唔知道自己嘅問題?! 唔知道就接納顧問團隊嘅意見，睇吓自己仲有無得救囉! 佢仲要批評人哋安排配唔起佢嘅人比佢，背後有咩悲天憫人嘅故事都好啦，唔尊重別人嘅都唔值得得到別人嘅尊重。佢諗清楚自己究竟需要參與《盛女愛作戰》定係《盛女愛作賤》吧啦!
其實我應該多謝 Florence 小姐，係佢令我對自己嘅皮膚護理更嚴謹，係佢令我對自己待人接物要求更高，係佢令我做人多一面鏡子希望自己唔會成為鏡中嘅 Florence，多謝你成為警惕我嘅反面敎材!
Florence 小姐妳係時候瞓醒啦,唔好話妳已經39歲,我相信好多29歲嘅都已經好有危機感,面對現實啦, 香港女多男少,有錢有學問有內涵有樣年紀唔大重單身嘅有幾多?當中又有幾多係GAY嘅妳有冇諗過?又有幾多條件好過妳嘅競爭者?如果妳年輕貌美冇問題,但睇左3集個樣都係個阿嬋咁,好難令人唔丙到妳七彩……
妳嘅雙重標準真係好頂瘾,妳外在已經”忟水”,從妳講嘅野當中(加埋妳張嘴臉)亦睇唔出有幾高貴嘅內涵!!妳自己都係睇人外表而唔去發掘個男人嘅內在,咁就應該知道外表都係一個重要嘅factor…..
另外,我又唔覺女仔要睇TED TALK或ECONOMIST先有內涵,男仔又有幾多個睇?唔睇等於唔掂?嗰兩個男嘅擺明係食家要樣要身材啦,家下搵女友唔係搵合作伙伴,係談情定討論時事經濟?
Florence 真係十分不自量! 佢如果咁執著,不如獨身算啦, 唔好哂人時間,連女人都頂佢唔順!
florence凝淵的心, 永遠不見底.
WINNIE LEUNG 好醜樣wor 點解唔去韓國整靚D個樣ar?
我知la， 因為WINNIE醜樣到無朋友， 個底太差，再好ge醫師都整唔到
可憐地WINNIE
愛面子又或是自小便活在自己那個安全美麗但虛構出來的堡壘的人都這樣。一旦覺得自己被人貶低時就會偏向 over-react，作出反擊，很不爽等等。
自以為事也許源於太了解自己所匱乏的是什麼。而在外面裝了 100 層看似很 OK 很沒問題和我很好之類盔甲的人，往往內心都好空洞，繼而很害怕別人會知道原來自己也並不是那麼了不起，最後自卑變自大來保護到自己避面受傷。’
當你遇到別人評論你的樣貌時,其實你嘅反應比Florence更恐怖,吾怪得你甘明這种人的心態。
Hi Winnie,
I think the production of this reality show is great, it really allow people to think back why they are still single…
Actually, I am here to seek your advice….I am in my mid-20s, however, my personality is similar to gobby (low confidence & low self-esteem), and my outlook is close to Bonnie’s…. (with short hair & don’t wear make-up)… My situation is even worser than any participants in the show, i have never been dated (I meant single to single), I actually don’t know whether to say “I enjoy being single” or actually I am way too afraid to be hurt….
Sometimes, I think I was too agressive, just like what santino mentioned on the show, the target will immediate switch on their alarm, and turn their back…. But isn’t that “幸福係要自己爭取”, why can’t we be agressive then?
Thank you in advance….
All Rubbish!
See Doctor la.
Excerpt from 陶傑’s essay
陶傑：港女
港女的困局，讀商科，說話夾雜英語，只有飲食和選擇彩繪指甲等美容志趣，別無其他修養；對人生並無看法，於霆鋒和栢芝的傳聞卻隨時可以三個女仔開一個論壇，這一切，都會令男性，特別是鬼仔，敬而遠之。
在公眾場所，言必喧噪忘形，以為這就是「真情流露」，餐桌上那個 Gag，智者都覺得不好笑，港女必囂笑歡譁，一面雙手拍着桌面，以為這就是色慾都市片集裏的都會風情。不，女人天生是要注意一點儀態風情的，無論港男如何麻甩，你不可以與他們一起淪落。
港女之魅力不足，因為自以為剛朗，卻不是茱迪科士打；自以為癲喪，卻不是珍妮花安妮斯頓。自以為放蕩，則又比不上狄美摩亞。美國電影銀幕上的女強人多姿多采，有姬白朗芝的柔嫵，茱利摩亞的滄桑，即使像梅麗史翠普般開到荼蘼，暮色空茫，舉手投足，顧指顰笑之間，都開成一樹金秋裏的花季。
你以三十四歲能坐進 IFC四十七樓全海景的一個辦公室為傲？她什麼也不求，只要一張香格里拉酒店裏的雙人床。港女受到誤導，在虛幻的夢境足繞了一大圈，年薪二百萬，但仍獨身，辦公桌上有你與吳儀大姐的合照？但出外公幹，北京威斯汀的商務套房裏，你仍是一個人，隔壁傳來一朵湖南小花的嬌喘：啊，啊……別那麼用力嘛，人家疼……此時，你呷一杯摩卡，面對長安街的車龍，心中浮起一絲無邊的悽哀。
………………….
And i know that you joined 光明頂
What do you think about how he looks down on you?
我覺得是Florence睇自己似係交際花才投射到Mei Ling身上話人地當佢係交際花.
如果我係Mei Ling都會很激氣,幫人還要畀人話. 其實Mei Ling做得好稱職.
我都想讚吓除了這五位女士外,上鏡的男士們都很大方.
bonnie你自己的優點未發掘,唔使太過踩底自己,你有你的神采.加油啦.
上一輩講讀書是為了明道理,但明道理唔一定要讀書,唔明道理只掛在口邊,讀到碩士都無用啦.
好明顯我都讀書少,哈.
Cant agree more
http://s.nextmedia.com/apple/a.php?i=20120412&sec_id=462&s=830&a=16239982
Cant agree more
http://s.nextmedia.com/apple/a.php?i=20120412&sec_id=462&s=830&a=16239982
1. 我估winnie 應該好憎Florence, 可能她不配合你們的要求或做法。上面的內容好似講出事情經過，但這是好無職業道德。叫其他人怎样相信你哋。
2. 教授(professor) 和 講師 (lecturer) 是有分别。 可以上網用維基百科查兩者分别。
3. TVB 用這些女性做這節目，我初頭以為似外國的（粉红救兵）那樣幫助那些女性去改變自己。但這節目只是用那些女性年齡，職位，學歷來比較或揭她們私隱，使觀眾是從一個偷窺角度看這節目。手法十分差，其實這類節目應可做比較高明和正派，不用損人利己。我想沒有第二集，因沒有人願意比人利用而不是幫地。
4. 其實節目參加者說話內容有沒有被人斷章取意，真是天曉得。
我覺得佢用好多大話同籍口去掩飾佢自己的內心世界,佢頭3集都未肯講真話和坦誠去面對自己的問題,其實呢5位女士本身性格應該都是較難相處的…
good show!! attitude is really matter
見惡性攻擊樣貌的評論， 何必呢?
都市人壓力大
“利人利己的事常做﹔損人不利己的事不做 ” 然後看到的世界會好很多的
ps ~~支持參賽者同winnie!!
一班顧問很不專業, 內涵不足及很膚淺. 顧客的心意是用心去摸索不是從口頭字面斷章取義。
我覺得有時女人生得醜樣或無身材或已經年紀大…呢d都不是太大問題..因呢d都可以靠自己本身努力去改變…可以化下妝呀..keep下fit呀或者去執執個樣….但當一個人太過自以為是…無左自知之明..咁就真係好大問題…呢位年紀39..但望落似足50的Florence嬸嬸…我覺得她真的好可憐…因她連最基本的自知之明都無…簡單d講,,.我覺得她應該係無照過鏡..或者她家跟本都無鏡…唔講她擁有幾高學歷或幾好的家庭背景…講下她個尊容…成舊苦瓜亁咁..shit…老實講真係見到已唔開胃..要對住她成世..仲會有運行?但她又以為自己係擁有李嘉欣咁既容貌wor…要求高不得止..仲要嫌三嫌四…(我相信李嘉欣本人也不會選老公有咁高的要求law)…
呢個世界,,你揀人人揀你姐…
好心Florence嬸嬸你真係要好好去照下鏡..望下自己個樣…唔好成日以為自己條件好好…唔好再生活係幻想中…講真..我唔了解你..只係通過電視望到你…但都忍唔住要講..以你咁既尊容..真係貼埋錢比人人地都未必會要你law….好心你真係面對現實啦……
Here is my observation:
1. Some of the candidates are trying to find a man to improve their living standard. There is no right or wrong here, just observation.
2. A job title/career doesn’t define who you are. it’s too common to derive our value as a person based on the work we do. A shoe heel CANNOT define a person. I can only think of “狗眼看人低”.
3. I am not sure if the purpose of the show is really to help them or just to tease them. No one is perfect after all. Florence’s requirement may be unrealistic…it is the consultant’s job to make her understand the situation and see how you can help her, rather than turn your back and gossip with the hair stylist about how naive she is. It is not very professional isn’t it?
4. 學歷不等於學識! A master degree in accounting, engineering..etc only means you are trained to practice in these sectors.
time to review article from Mr. 梁文道
“很多人都認為要看一個男人，應該先看他腳上的一雙鞋。
同文梁穎妍上周就此發表了十分獨到的觀察，從鞋子看出不同男子的底蘊：「那天在銅鑼灣HMV穿著暗啞無光皮鞋的男人啊！我想，你對事物、對自己、對生活的要求的容忍度相當大，但大，並不代表高。若你稍微有所要求，都不會容忍自己看起來那麼殘殘舊舊、渾渾噩噩吧！那天在山頂停車場穿假皮鞋的男人啊！我想，你不穿真皮鞋的可能性有兩個：一是基於經濟因素，買不起真皮鞋也只好怪自己不努力多賺點錢，但等到出頭那天你仍可是wellheeled。但最怕你是那種根本連自己穿著人造皮甚至是穿完發臭的塑膠也不知道的男人！那天在太古廣場穿著蝕?鞋趕時間的男人啊！我想，你真的很辛苦吧！每天走來走去推銷貨品還是要趕巴士見客？能把鞋?穿得蝕的行業，大概都不會是天天坐在甲級辦公室的行政人員吧！」
抄下這麼一大段，是因為我完全同意，鞋子能夠說出一個男人的性格。例如我家附近街市裡一個鮮魚檔的老闆，他不穿膠靴，腳上踩的卻是一對人造皮涼鞋，檔上的污水總是滴流到腳趾縫間，黏黏膩膩，想必不太好受。但他永遠掛著一副誠懇笑容，每次見面都熱烈招呼，推薦好貨。
有一天我看見他正在收檔，正拿著水沖洗雙腳，太太領著一對孩子靜候一旁。原來穿涼鞋有這樣的好處，易潔方便。果然，他很快就清清爽爽地一手拖著一個小孩，有說有笑地走上回家的路。我問他自己也天天吃魚嗎？他幸福地說：「當然，我自己下廚。你問我的小孩，看他們喜歡不喜歡」。五歲的弟弟大聲搶答：「不喜歡！」還造了一個鬼臉。
又有一回看見一個電視特輯，拍的是個礦工。他和老鄉從河南到山西礦坑打工，出了礦難，老鄉慘死，老闆卻想隱藏消息，息事寧人，草草把屍體給埋了，還威脅倖存的活口。這名河南漢子趁夜挖出同鄉的遺體，身上無錢，人在異鄉又不知如何是好，竟然就用一口麻袋揹著鄉親走了幾百里趕回家。
事情抖出來之後，他對進來的記者說：「他是我帶出來的，我死也得把他帶回去」。硬錚錚一條鐵漢，腳上穿的卻根本看不出是甚麼了，滿是黑黑的泥灰。一個男人要走多遠的路才能成為一個男人？又要走過怎麼樣的路才能把鞋子穿成這樣呢？
我永難忘記的是甘地的一幀照片，他根本不穿鞋，一雙赤腳站在一群西裝革履前來談判的英國官員之間，格外顯眼。這雙腳曾經走過印度，帶著他的人民邁向海岸取鹽抗稅，縱有軍警棍棒交加，終也抵不住他們非暴力抵抗的決心。就是這一雙赤足，在大地之上展現了人間的道德力量可以偉大到甚麼程度。說回那張照片，我在英國紳士和甘地的腳上分別看到兩種不忍，那幫英國人容忍不了自己的儀表丟格；而甘地不能容忍的，是蒼生的無助。”
DC, That 礦工news story is very moving, food for thought…
Florence百般不是但我極欣賞她堅持不打什麼美容針，然後整到同所有生命導師一模一樣，就算醜，我都是真的，1000000個like，呢一點生命導師要向Florence 學習！
Ps 生命導師帶Florence 去整頭髮，髮型師好勁，又染又剪之後竟然無必別
Ps生命導師話Bonnie 睇似中環，開聲就旺角，可愛的Bonnie 比一個聲音吵耳、言詞尖酸，無氣量、無修養、愛出風頭又嘩眾取寵又自大的生命導師如此評論都還是笑，人格上點止中環，生命導師要多多學習。
Ps 強烈支持一衆盛女，不要與生命導師同流合污，保持自我，勿學她們面膠心假。
原來Mandy 不乏追求者不是剩女，那這節目有幾成真幾成假呢？
大家有冇諗過,FLORENCE O既所謂高要求,只係要一個初戀情人O既影子!
即是,佢要求O既靚仔,咩都識,風趣,其實只係佢認為係就OK,唔係WINNIE,唔係MEI LING認為係!!!
有個故仔:
從前有個公主,要國王摘個月亮俾佢. 國王出盡法寶, 用金銀製一個大圓球, 都滿足唔到佢.
最後,有個小丑問公主: 你心目中個月亮, 係有幾大?
公主答: 係手指頭咁大! 因為一伸手指頭, 就蓋住咗月亮.
然後問佢: 月亮係咩質料?
公主答: 係牛油! 因為一時滿, 一時會冇咗.
最後小丑用牛油做咗一個指頭大O既”月亮”俾佢,掂咗.
大家要怪,不如怪FLORENCE仲停留O係小妹妹的階段,唔識講自己真正要求,同埋怪班專家導師,拎佢來笑話好過.
Just want to add one point.
5. 自信不等於自大. don’t over inflate your ego. 話到嘴邊留半句、理從是處讓三分.
Of course the purpose of the show is to increase exposure for yourself, and the so called “醫療美容” to create more commercial opportunities. Everybody got that message already. Good for you. I have to admit it is a great success. God bless those believe in it.
I watched the series online, and read some critics about you. I think you do represent certain type of women not just in HK but also around the world. I may not totally agree your point of views but do respect you a lot. It is always good to hear different voices especially from women. Many of the women choose to go with the flow and keep silent. But you are the warrior type and speak out which I admired. Keep voicing out and good luck.
Winnie ~ 妳說的好好呀~^^~ 加油加油~那些假報導吹水野, 唔好理佢啦~@.@~
Winnie, 首先恭喜你，因為我覺得一套戲集可以引起咁多人的共嗚…已經非常成功，無論當中的評價是好是壞，從中可以了解咁多人的想法，都係一種收穫，獲益匪淺。
加油，just do the right thing u want!
唔明白點解依家女多男小既年代，我們女性就要不斷邊察自己要裝辦得配合男人既口味，性格上要剛好乎合一眾男人的要求，而去滿足他們的欲望！每個女性都有其可愛之處，只係大部份男人都傾向一小部份女性氣質！
雖然有懷疑這節目的真確性,但另一角度看,其實是一個很好的反面教材,教我們這時代的剩女認清自己的態度.
真心說一句不論係FLORENCE有咩問題, 帶給你咩麻煩也好
可能你只係在鏡頭前免費的幫佢做一陣LIFE COACH
但作為人地既生活指導(人生指導師) 咁樣把2人私下的conversation告之大眾
我覺得你一樣好不professional 既行為
落井下石的你, 又是多麼好的一個人呢??
【明報專訊】無綫熱炒「盛女」，五女中Florence是眾矢之的，她的愛情故事發展也是觀眾最關心。在首五集內容，Florence「出戰」多次也失敗而回，嫌大學講師CK外形不襯，前日獲介紹認識外籍老闆級人物也不合眼緣。Florence是典型「三高」（高學歷、高收入及高職位）女性人辦，要求多多，原來她的白馬王子是吳彥祖的帥哥型。
曾參加香港先生
在屢敗屢戰的相睇活動中，Florence終有心儀對象出現。據稱，獲垂青的是05年曾參加香港先生競選的參賽者。面試香港先生時，他是以「大圍吳彥祖」的綽號參賽，但未能入準決賽。他答應亮相《盛女愛作戰》與Florence會面，有指是為了博出名。可惜，神女有心，襄王另有目的；故兩人約會後，「大圍吳彥祖」對鏡頭勁踩，對Florence無面畀！未知這遭遇會否讓觀眾給Florence增加同情分，鬧少兩句？
F小姐..你以為你自己邊位牙..人地好心介紹比你..仲要厭3厭4..自己又吳係生得靚WR…又老又醜..一D禮貎都冇..做得你朋友真係影衰哂..吳怪之得咁多人討厭你啦..影衰哂我們香港D女人…好笑的係..原來她的白馬王子是吳彥祖的帥哥型??..想下好啦你..人地有老婆家啦..又靚…又有氣質…你?照下自己個樣啦吳該
一直沒有看此節目﹐直到跟好友們的飯局後才看星期5的那集﹐接著看回先前的4集。
當然﹐最「有趣」的仍是那位F小姐… 她雖然是「讀的書多的一群」﹐卻也是「IQ」高而冇「EQ」的一群… 家中有錢﹐又係獨生女當然有條年可以「發白日夢」不過﹐現實是殘酷的… 或許她也可以用「金錢」買來她的「夢想」… 聽說現今也有不介意被「包養」的男人﹐F小姐或許可以考慮考慮。
其實有那個人真的不介意外表？「合眼緣」也是一個要求啊！所以為什麼不承認呢？即使當場真的不合﹐介意也要好好地溝通一下﹐當俾同行人一點面子啊… F小姐真係好失禮… =.=|||
男性親友都在叫「OMG﹐呢D女點要的架。妳地未結婚果D呀… 真係…」或類似的話… =.=||| 問題係… 如果我們跟她們一樣你地都唔同我地做到朋友啦… (暈~)
此節目找來的5位小姐﹐在此節目前後被挖出問題﹐雖然她們是自願的… (汗)
但是免不了把香港眾多女生也拉下水了吧？ =.=|||
算了… 就當是對香港女生的一個提醒吧。
Hi Winnie,
How to get the contact with Mei Ling? does she have any company website etc? thanks!
WINNIE….你好呀…我想問可唔可以俾Mei Ling 既e-mail or company tel to me ? i want to contact her..thanks.
39歲既Florence..
佢外在條件都唔算差..只要扮下..都一樣算OK..當然唔可以話係大大大美人啦..但普通人計..都算OK啦..我真心覺得佢扮完真係幾ok架..
不過佢既諗法就有D唔岩姐..
講真..人人都想遇到自己最想要既人出現..但現實就是現實囉..
佢成件事最唔岩係..
佢只係睇到人地既不足..但佢無去檢討返自己…
佢會要求人地乜都有..乜都得..
但自己就要做返自己..人地要求佢咩.佢就覺得係人地有問題..
天真無錯的..追求純純的愛都無錯的..不過.做人最緊要識將心比己..
或者..佢既出路會係外國人..佢個形都襯外國人丫..
Mei Ling我都覺得佢好堅呀..說話真係好有point..最鍾意聽佢講野..
同埋..如果我係事業型女性而無另一半..我一定搵mei ling幫手呀..因為佢真係介紹親都..’筍盤’呀..哈哈
我聽聞所謂金牌媒人的花甲女人Hk matchmakers 嘅 Mei ling 連大學畢業都冇，又唔係植根香港的港人，這麼高調吹棒自已幾犀利又收費超昂貴, 唔似正當生意，好虛浮。很多朋友話佢個樣唔似正派，又有D似淫媒及媽媽生。大家小心佢係一場掠水局cap 水後遠走馬來西亞老家！
Mei ling is the best! Every word from her is gold.
Being a accountant, Florence should understand the concept of “depreciation”. Her case is definitely hopeless.