男人只想維持現狀，女人卻想⋯⋯
每次跟朋友吃飯，大家都會互問一個問題：「喂，你同女朋友點呀？」
「OK啦，幾好！」幾乎是我們的例牌答案，一句起，兩句止。
雖然偶有吵架，但我真的覺得沒甚麼問題，還覺得，如果可以一直維持現狀就好喇！
但我相信，女朋友那邊的Girls’ Talk，情況一定完全相反⋯⋯
Text, Image: 莎比亞
「你同男朋友最近點呀？」同樣的問題。
「OK啦，幾好！」接著就會說：「不過呢⋯⋯」
然後絲打們互相傾訴、抱怨、安慰對方。
或許，「覺得冇問題」就是最大問題，尤其是男朋友方面。日常生活要居安思危，套入拍拖，就是「即使甜蜜，也要思危。」
女朋友在這方面很在行。
「喂，唔好搞咁多嘢啦好唔好呀？」、「依家咁咪幾好，成日咁多怨言做乜？」、「拍拖係要開心，有咩咪體諒下囉，求下妳唔好再煩咁多啦好冇？」
每次女朋友講起相處的問題或感受，這都是我說得最多的對白。
其實我真的不是嫌她麻煩，而是真心覺得現狀已夠好，一輩子如此就夠幸福。
她卻不是這樣想。
她們總覺得「一定有啲地方可以再好啲」、「一定可以再Sweet啲」、「你可以再花多啲心思落我度！」⋯⋯等等。
但其實，這絕不是苛刻的抱怨、冇嘢搵嘢煩住你，而是，她們也抱著同樣態度對待自己。
女朋友們喜歡追求完美，多細微的地方，都希望做得最好，至少有進步。
當我仍把紙巾亂扔、幼幼稚稚、無所事事，女朋友罵我吊兒郎當時，我還反駁：「我哋不嬲都係咁㗎啦，妳都係咁懶，日日hea同食，依家走嚟鬧我？」
但原來，開始認真計劃將來的她，一早已經脫離了「不嬲都係咁㗎啦」，只是我還安於現狀，不察覺她已經成熟了很多。她仍是個溫柔會撒嬌的小女孩，但獨處時，即時收起幼稚，細想「如何成為一個更好的女朋友。」
原來，步伐不一致了。好的話，她還會期望改變出現；心灰意冷的話，就只好準備忍痛告別，The best is yet to come。
說實，即使感情穩定了，我也很害怕這天來臨，原來自己也怕被她厭棄。「即使甜蜜，也要思危」當中的危，就是她也會選擇離開，因為她的愛不是必然，是有Quota。
