瑜伽BB班 – 簡易瘦腿操

May 4 2014

早兩期在MORE 的Fitness feature 中介紹了數個瘦腿 Yoga Pose~怕大家間中miss 了看不到~這次在Blog 再詳細講一次 =]

要知道，要說減肥效果最佳的，可能不是瑜伽，但長期練習瑜伽，就能令全身線條變得更修長完美，也是很多身形苗條的女性必做運動！今次呢3個Yoga Pose 會運用到大腿肌肉 (這樣才可令線條緊實啊~~)，岩岩開始，肌肉未夠力既時候，感覺會比較辛苦，不過唔緊要，只要有”震震地”咁既feel 就已經係work，千其唔好盲目追求視覺效果，要循序漸進呀！ =]

Pose 1 : Chair Pose (難度：★★)

Step 1: 雙腳站立與盆骨位同寬，注意膝蓋不應過份傾前，頭向下望時應能望到腳指，吸氣，雙手往上延伸預備。

Step 2. 呼氣時雙膝彎曲，保持脊椎延展，緊實小腹，保持呼吸停留約30秒即可，整個動作重覆三次。

Pose 2 : Warrior I (難度：★★)

Step 1. 前後腳站立，腳指向前，雙腳不用保持直線，位置舒適即可，前腳保持伸直，後腳踮起，雙手合十，吸氣預備。

Step 2. 呼氣時彎曲前膝至九十度角，收緊腿部及腹部肌肉，雙手向上延伸，吸氣時重覆Step 1 (所以是一個連續動作呀~~)，整個動作重覆十五次。最後，還有力氣想加強的話，可以坐下hold 住30秒。

Pose 3 : Single Leg Strengthening (難度：★★★)

Step 1. 雙腳屈曲，腳尖用力踮起，雙手放於地上，收腹準備。

Step 2. 吸氣時單腳往後用力延伸，注意腳指向後指，令力量向上。(如果腳指求其向下，成個人既力量會向下，咁就練唔到ga la€)

Step 3. 呼氣時慢慢把後腳向外伸展(有咁出伸咁出啦，量力而為就ok =] )，此時力量會更集中於大腿，吸氣時重覆Step 2，整個動作重覆十五次。

只係簡單既三個Yoga Pose，每日只需十分鐘左右，就可以令大腿線條更加緊實！日子有功，記住唔好懶喇！ =]