琥珀能量 神仙水 潔膚．補水．抗衰老一支搞掂！
近排興用懶人mask，一塊就可以做齊潔膚、爽膚、精華、面霜多個護膚step，對於我此等懶人來說，絕對是「居家旅行，必備良mask」！但間唔中使用還可以，保濕功效始終麻麻，由於我屬極乾肌膚，日間用還OK，夜晚就Feel到皮膚好乾唔夠潤。近排朋A推介我試試呢支琥珀能量神仙水，話同樣可以當做潔膚兼爽膚，仲有抗衰老同抗氧化功效添！
零人工化學成分 Kate Moss同Angelina Jolie都like！
呢支琥珀能量神仙水嚟自法國嘅尊貴品牌VISOANSKA，呢個品牌最特別之處係所有產品都絕對唔會用對皮膚、健康及生態環境有影響的人工化學成分，可算係「Eco-luxury」嘅護膚先驅！品牌創辦人Elisabeth喺2005年起透過尖端生物科技技術，萃取稀有嘅天然資源同分子，研製出一系列抗衰老護膚品。產品嘅天然成分比例高，採用多達86%嘅高濃度活性成分，咁多年嚟仲攞到多達30多項抗衰老專利，唔怪得深得名人愛戴，好似Kate Moss同Angelina Jolie都係粉絲。
一抹神仙水即注入琥珀能量！
VISOANSKA全線有12支產品，今次就試用王牌產品琥珀能量神仙水，呢支「神仙水」同用開嘅唔同，佢唔止蘊含99%天然成分，更100%成分獲得Ecocert認可，用途更多，集潔膚、紓緩、抗氧化等功效於一身！琥珀萃取成分和顆粒富含多種微量元素如鎂、鐵、鈣，碘等，有研究指出，琥珀係強效抗氧化成分，有助延緩衰老，仲有消炎、排毒作用，仲可以刺激微循環，減輕浮腫和泛紅問題；加埋活性成分：低聚醣、海水萃取物、紅藻，仲可以卸除皮膚上嘅雜質同化妝品殘跡，令皮膚乾乾淨淨，更能夠吸收能量神仙水養份！
即試神仙水嘅保濕度！
Before：用前保濕度、油份只有2格，水份含量為35%，乾燥到有「唔開心」公仔。
After：用後保濕度升至4格，油份提升至5格，水份含量即升至46%，仲好柔好舒服，有「笑笑」公仔呀！
特別用法：想皮膚更能吸收護膚品養份，就梗係毛孔要夠乾淨，記住每日洗面後，用沾上能量神仙水嘅化妝棉輕抹皮膚，就可以卸走皮膚上嘅雜質同化妝品殘跡，皮膚即刻乾淨晒！
