玄途有你：工作 x 寵物結緣
「多甜蜜這張可愛歡笑面、像是十全和十美、這小忌廉」。
相信這首八十年代的兒曲《我係小忌廉》，大部分人都聽過，甚至看過這套卡通片。極具創意的林柏希先生，將這個三十多年前的經典，用另一個模式，呈現眼前。相信到訪的顧客，亦可以一邊品嘗美食，一邊回憶童年的快樂。
真的是緣份嗎？
蔡偉雄師傅：「William 你好呀。今天好開心邀請到你做我嘅訪問嘉賓。原來我哋不經不覺認識咗一年！我仲記得認識你嗰日係好朋友嘅竉物美容店開幕。你做MC，我擇日開張拜神。因前後一天都有颱風，如果個颱風突然間行快一步，相信開幕典禮會取消，我亦未必可以認識到你！」
林柏希：「這是緣份！話時話，你真係好犀利！開張前一日打風，開完張個晚又打過！啱啱係開張吉時陽光普照!」
蔡偉雄師傅：「你真係太誇獎我！我壓力前一兩日都好大，天有不測之風雲！真係好驚落雨令全件事都失色，幸好上天保偌。同時亦可以認識到你！還知道原來你是同道中人- 愛狗之人！
林柏希：「呢D咪叫做『緣份』呢。」
蔡偉雄師傅：「當然係啦。」
與寵物結緣
蔡偉雄師傅：「話時話，你工作咁忙，要做電台嘉賓主持、司儀、又係飲食集團的公關、我知道你有兩隻愛犬，咪無時間陪佢地囉？」
林柏希：「其實我無論幾忙都好，我都會自己帶佢哋去行街散步，唔會假手於人！最多犧牲自己瞓覺嘅時間囉！我都會自己帶佢哋散步，一個早上，一個晚上！」
蔡偉雄師傅：「吓？唔係一齊行架？」
林柏希：「佢哋要分開行架！因為一個向左走，一個向右走，真係大件事！」
蔡偉雄師傅：「佢哋叫咩名啊？」
林柏希：「白色叫洋洋、啡色叫樂樂。」
蔡偉雄師傅：「其中一個：性格是聰明，外向，慷慨，識應力強，但有時捉摸不到牠的性格。有點固執，吝嗇。另一個：性情溫厚，有善，有智慧，處事有系統和靈活，多才多藝。但有時自私，固執，貪小便宜。」
林柏希：「嘩，你唔係連狗仔性格、運程都識睇？！」
蔡偉雄師傅：「識睇。有些人客會叫我幫佢地嘅寵物改名。」
林柏希：「果然利害！你說得啱！第一隻係樂樂，第二隻係洋洋。」
蔡偉雄師傅：「你太過獎我。」
蔡偉雄師傅：「話時話，洋洋和樂樂是購買的？還是領養的？」
林柏希：「係領養嘅。她們在繁殖場過活，而且俾人拋棄，真的好慘。我覺得狗仔同人一樣，需要一個家！所以我領養了她們回家，跟我一起生活。有時我地仲會一齊瞓添！佢哋就好似我嘅小朋友一樣，是不可分開的一家人。」
蔡偉雄師傅：「太約三年前離開新城電台蔡偉雄師傅：「太約三年前離開新城電台嗰一刻，其實是否已經想清楚自己條路點行？」
林柏希：「其實都猶豫咗2至3個月，一份做咗16年嘅工，真係好可惜，所建立的完全沒有了。我沒有接觸過娛樂圈以外的工作，又要供車、供樓等等，好多洗費，好多嘢要考慮。再加上壓力好大，身體又唔好，所以希望可以改變一下工作模式，令自己relax啲。當時我40歲，如果唔走，我應該會迆到60幾歲！咁就不如俾自己一個新機會，出去闖吓啦！我覺得要努力才得到世間財。」
蔡偉雄師傅：「係呀！風水，玄學都係一個方向嚟嘅，真正幫助你嘅，都係要靠你自己努力先得架！
蔡偉雄師傅：「今次築地。山貴水產市場用小忌廉作主題，你認為今次成功嗎？」
林柏希：「我覺得幾好呀！你覺得呢？但當中有做到美中不足嘅，請各位多多包涵！」
蔡偉雄師傅：「怎麼會有這個小忌廉作主題的念頭？」
林柏希：「其實係基於一個理念，「集體童年回憶」！ 小忌廉算係香港80年代最hit嘅一套卡通片。喺Marketing嚟講，咁都要計算一下，要受大眾歡迎，尤其係女仔，因為男仔通常都會就女朋友嘅！」
蔡偉雄師傅：「今日餐廳嘅小忌廉主題煞科，有冇諗過下一次嘅主題係什麼？」
林柏希：「當然有啦！至於係咩？咁就要賣個關子啦！」
蔡偉雄師傅：「我知你喜愛收藏玩具，我知有聖鬥士星矢、多拉A夢、鐵甲車等等，全部都係八十、九十年代嘅卡通片? 你最喜歡邊一套卡通片？
林柏希：「1）He-Man。2）我係小忌廉。3）千年女王。4）精靈俏女巫。5）至尊勇者。我就收藏咗好多He-Man嘅玩具，其他就會有收集VCD和畫冊。」
蔡偉雄師傅：「之後人生有冇咩計劃和發展？」
林柏希：「不如我問吓您呀？我適合做邊一行呀？」
蔡偉雄師傅：「哈哈，我看過你命格：主持、司儀、公關、靠口材搵食嘅行業就啱晒你。雖然身材不高，四肢不長，但是主動及喜歡新事物的一種類形！
林柏希：「都係唖。」
蔡偉雄師傅：「柏希，多謝你今日做我訪問嘉賓。我祝你前途似錦！萬事如意！」
林柏希：「多謝師傅！」
