玄學家怎樣睇同性姻緣？

1）同性朋友的命多是孤寡

2）感情路上較崎嶇

3）陰陽失衡或五行偏重一兩個

4）冇樣睇

5）可以把異性戀及同性戀角度的姻緣預測一併告訴客人，讓他們參考。

讀過這篇報導之後，我同意一般算命師傅好avoid去講關於同性戀的感情《又或者啲師傅唔知講啲乜嘢好》。但以我看同性戀人客15年的經驗，我有以下的見解

• 蘋x日報的X師傅：同性朋友的命多是孤寡。
• 我的見解：都係嘅，但我啞媽感情生活都好鬼孤寡，簡直dry到爆，但未見過有女朋友瞓係佢張床，下次問下佢先。

• 蘋x日報的X師傅：同性朋友的感情路上較崎嶇。
• 我的見解：啲『宅男』『盛女』重崎嶇。

• 蘋x日報的X師傅：同性朋友陰陽容易失衡或五行偏重一兩個。
• 我的見解：我有好多客啲五行都係偏重一兩個，但佢地冇搞gay，只係鍾意打機。

• 蘋x日報的X師傅：同性朋友冇樣睇。
• 我的見解：呢個係真。滿面鬍鬚，外形man到爆，但係個心好似女人一樣，都好想被男人佔有同寵愛；又或者打字個陣時，隻手指尾走咗走出嚟。

• 蘋x日報的X師傅： 可以把異性戀及同性戀角度的姻緣預測一併告訴客人，讓他們參考。
• 我的見解：同性戀朋友現在可以擺酒結婚，借肚生仔。如果用『紫微斗數』，你都要放個同性伴侶落夫妻宮，決定夫妻感情好或唔好，咁樣點樣分預測異性戀或同性戀好一啲？如果用『鐵板神算』仲可以張男伴、或女伴嘅生肖套入當事人嘅命盤內，然後再張命宮再定位，看未來的姻緣道路，邊個會理想啲；又或者張男伴、或女伴 『啲好嘢同衰嘢』《用他們的生日作計算》飛入當事人的鐵板命盤內，再比較一吓，然後揀個好啲，都仲make sense 。如果只用八字和紫微斗數作計算，點様可以預測行邊條路會行得happy啲？這位師傅果然勁！

其實一開後天命盤，見到當事人命盤內的感情星體有嚴重扭曲的情況出現，90%便可以段定他或她是『性小眾』的朋友了。並且很容易看到他喜歡做1定做0，做TB定做TBG；亦可以看到當事人有冇雙性戀，SM的傾向，又或者忽然由攣變直、性冷感、甚至超級淫亂等，亦可以看到。

其實人生短暫，只要同有緣人一起活得開心，無論是男是女，香蕉定鮑魚，又有可重要呢？