灣仔omakase小店 – 佳文魚生店

之前在灣仔道返私房菜，常常都會路過佳民…但就未曾幫襯過！有一朋友是佳民常客話佳民食料新鮮無得頂…一於試試啦！佳民門面睇落似茶餐廳多過和食店，但凡事都唔好睇表面，如果係咁做人真係會錯失好多好野！

入到佳文唔使攞menu架，想食乜就同佳嫂講，或者直接問老闆今日有咩好食佢就會為你一一安排，真係好似omakase咁！

最後一提，去佳文最好預先訂坐，因為正常食飯時間都會爆滿，而雖然佢聲稱營業時間至零晨二點，但如果當日比較靜，佳嫂都會提早關門架。