滿足週末

早兩日介紹完Marc Jacobs的special items，一放假就約朋友去舖頭望一望真身。售貨員話：「D貨（tote bag）去得好快，有D人一次過買十個、二十個」。而我就買了一個紫色菱格車線chain bag，大家不妨去看一看。

↑Removable鎖鏈，只係$350，yeah！

♥Select 18
之前聽Anchor講Select 18入了很多vintage眼鏡，於是下一站就去了Select 18。的確很多眼鏡，放滿了好幾個大櫃，眼鏡主人兼收藏家Mido收集舊式眼鏡多年，更向我這門外漢推介一些特別眼鏡，還拿出珍藏給我揀，哈。

↑近來喜歡淺色鏡片，我買了這個起哂角的款式，淺藍色鏡片好靚，Mido話換鏡片都係$80咋。

♥Oyster Station
離開Select18，晚飯時間，去了斜對面的Oyster Station，同樣是Anchor的推介。首先有沙律前菜和好濃菇味的雜菌忌廉湯，我至愛食菇菇啦，啖啖都係菇，超足料。然後是小食拼盤，鮮蝦雲吞的蝦好大隻，一咬下去好爽甜，而雞翼骨是把雞翼的肉反出來，賣相就像羊架一樣，好好味，我的超級推介！叫得Oyster Station，對生蠔的期望就更高，雖然不大隻，但我一向喜歡吃細細隻的，而且好鮮味，比我吃過的酒店buffet都好肉。老闆樑哥好好人，除了介紹食物，還送我們翡翠螺（唔知有無記錯呢？），大隻又新鮮，少少韌又好爽，總之就好味啦！最後是蟹籽炒飯，友人覺得略醎，但我覺得好好味喎！一邊食一邊盤算下次幾時再黎食，食到超飽，由上環行到中環地鐵站都仲未飽完，哈哈。

↓謝謝Anchor的推介♥　　　　　　　　　　　　　　↓有bar台位，有酒飲，對住各國生蠔可以即點即食

↑　睇相都見到真係好多菇菇　　　　　　　　　　　↑　一粒雲吞包住兩隻超大蝦

我不是寫飲食的，不過Oyster Station真的太讚了，喜歡吃蠔的一定要去試試，Ian快D同Koey去食♥

Marc by Marc Jacobs　銅鑼灣京士頓街 9號 G01號舖　2882 6217
Select 18　中環必列啫士街18號雍翠台A舖　2545 9932
Oyster Station　中環必列啫士街31號地下　2549 0132