東京潮買攻略－飾物篇
上星期出trip到東京，出席一個品牌既新品發怖會，
趁有時間我都有周圍行下，
其實我已經有成3,4年無去過日本喇！
成日聽人講話yen平要瘋狂shopping，
我本身都諗住去到勁買，
點知去到發覺物價都好高，
最後都只係買左極少量既衫，
反而喺香港同淘寶都揾到又平又正既衫，
喺日本睇得上眼果啲都要3,4千蚊，
如果平既話我又覺得去花園街買仲抵。
所以今次我買得最多都係acessories同雜貨，
呢類反而款式多、夠特別，
以下就會同大家逐一講下我買左咩啦～
其實平時工作關係我都好少戴戒指呢類既飾物，
我自己就麻麻地好大個好粗既戒指，
因為會顯得手指短，
不過行街見到呢類珠珠細細隻就忍唔住買左。
款式喺香港比較少見，
可以戴喺尾指或者手指中間果節，
價錢亦都唔貴，2000YEN左右(約HK$126)一隻。
我今次一買就買左3隻，
細細隻戴晒喺手都好靚，而且宣家都好興咁樣戴。
我自己去日本行街都好少行0101果類百貨公司，
覺得啲野唔係咁岩我，
而今次去到涉谷，就去一度叫HIKARIE既比較新既shopping mall。
入面ShinQs呢個商場，係集合左好多家品同飾物既地方，
亦係令到我失手買左好多對耳環既地方。
地址：涉谷站15號出口 或 於忠犬八公石像出口轉右行5－10分鐘。
其中一間叫Lilou既飾物店，入面既野簡直係我杯茶！
以下呢幾對耳環都係喺呢間店度買架。
大家都知道我好鍾意vintage款同珠珠款，
呢類耳環喺香港都比較少見。
每款都係約2000YEN(約HK$126)，價錢合理。
如果大家要搵呢啲特別飾物，
真係要靠自己尋寶，
因為好多時佢地既貨量都好少，
每款得一、兩隻stock，好少會同人撞款，
所以一睇中就好買左先啦，
如果唔係轉過頭就未必買得返。
我自己係classic pooh既fans，
所以今次見到呢款包禮物紙都忍唔住買左！
一疊340YEN(約HK$22)，
雖然有啲無聊，不過自己鍾意無辦法啦。
另外，喺頭先介紹過既ShinQs入面有間家品店，
見到呢款好靚好vintage feel 既暖爐。
（由於日本電壓同香港唔同，
買電器前留意可能要加變壓器。）
呢類款真係喺香港唔會搵到，
我自己都好鍾意，
又好match屋企格局同怖置，
而且價錢都唔算貴，13500YEN(約HK$860)，
不過最後我都係忍手無買到。
壓軸要同大家分享就係我戴住既平頂禮帽，
只售990YEN（約HK$63）！！！
秋冬天就日最岩戴呢類型格少少既帽，
而且呢個價錢真係非常心動！！
我除左買左呢款灰色，仲買左黑色，
兩隻色襯衫都係一流！
大家可以喺新宿My Lord 6/F搵到。
下次會再同大家分享今次東京之旅既點滴，
記得留意住啦～
