東京急行小插曲─購買化妝品滿5,001yen可退稅

剛剛於10月1日往東京採訪珠寶品牌首間專門店開張，五年冇去過東京，今次去三日還可以遇上新退稅措施，梗係用盡每分每秒自由時間購物啦！不過 『購買化妝品、藥物、食品及飲料滿5,001yen可退稅 』優惠，的確令人費解，不只是我，連本地人都似乎唔清唔楚……

由於全程住六本木Tokyo Midtown間Ritz Carlton，附近唯一蒲點係24小時營業嘅激安の殿堂ドン・キホーテ（Don Quijote) ，每晚掃下零食、化妝品、家品、玩具及無謂嘢都好，而且可以退稅，不過……

我買了超過5,000yen的化妝品及藥品，付款後往退稅櫃位做退稅手續，店員第一句問 “Will you use in Japan ?” 我不明所以，答佢may be，於是佢解釋如果會在日本開封使用的話便不能退稅，見狀我唯有說全都是買返香港用，於是佢就拎個專用透明膠袋封實退稅的化妝品及藥品 (還有我買俾個仔支吹泡泡 -_-”) 膠袋上有紅色封條，袋上印有警告字句，『在離開日本之前，請勿開封，如在日本有消費情形，將被課徵消費稅』，此條例似乎為防止幫本土居民代買日用品避稅，於是我問店員出境是否要被檢查有否開封，店員思考十秒後答 “may be”

問題來了，開封事小，寄唔寄倉事大，因為退稅櫃位在離境區，而化妝品當中又有大量過100ml容量的液體和cream，若然可以因為要過稅關而豁免手提上機固然好啦，不過登入官方網又冇講明喎，我思前想後

1.最壞情況，未過X Ray已經被要求拎去寄倉。
2.更壞情況，過了X Ray 、稅關check完，還是要回到櫃位寄倉。
3.寄了倉，稅關人員見有單冇實物，要繳回消費稅。

似乎第3最少麻煩，加上我總覺得對方會怕麻煩唔會逐一對單check貨，所以我膽粗粗，揀寄倉。
如是者，過稅關時，職員一如以往，撕走貼在passport內頁的退稅證明便算了，問都冇問有冇開封。

**後記，我因為一張單過購買化妝品及其他產品，結果做退稅時店員要逐一用筆圈出化妝品類別，令整個退稅過程要花20分鐘才完成，所以提提大家想退稅最好分單購物**

**藥房依然不設退稅服務**