最早幾多歲飄眉
其實幾多歲飄眉唔會有一定的，當然我亦唔建議中學就嚟飄啦！
咁幾時飄得大呀，所以要飄都等大咗，出來做嘢先啦阿仔阿囡。
不過我都係會有一些好細個嘅客人嘅，最細係十幾歲！
但我強烈建議如果十幾歲真係想飄，
請家長或長輩陪同，如果唔係好易出事架！
因為好多時十幾歲嘅小朋友，雖然有自己嘅一套想法，但好多都係基於一時衝動，
未必符合實際需要，亦未必自己真係接受到，
佢哋嘅堅持，無論你幾專業，年輕小朋友真係未必聽……
有試過有小朋友堅持要整一對肉眼都睇到嘅高低眉，幸好家長都在場勸。
所以如你的子女堅持要好細個就飄眉，
真係陪一陪佢哋啦，叫另一個小朋友陪都唔好，以免一鑊熟（朋輩無牙力架！）。
