挑戰自己的恐懼…..因為無限風光只在險峰

我喜歡行山, 但我又畏高又驚死, 對於一些攀爬懸崖的路線, 我真係好驚, 通常逃避唔行。

不過, 無限風光通常限定於險峰, 心知無guts便會錯過, 唯有克服恐懼, 挑戰自己，昨天跟健行之友行「鳯鳥天門」路線，去到一些攀懸崖的地方，上咗去後一定要原路落番嚟, 幸好感覺無以前咁驚 (雖然都係驚, 但無以前咁震), 而當老公在身邊, 感覺係會更加驚, 佢好想幫我但卻被我罵佢, 跟住又依賴哂佢, 完全無哂自己的判斷和方向。

之後有一段路, 故意避開他自已行, 原來發現當要自已克服這些困難路段, 其實又應付得到, 就如做事做人也一樣, 當身邊有人可以依賴便依賴, 以為自已做不來, 但當要自已獨自面對困難, 以為自已會死硬, 其實自已可以好有信心, 這時才發現, 原來自已是可以的。

關鍵……..在於你是否願意踏出這一步, 試試自己的膽量和能耐。