抗濕疹日記 – (9) 轉季期偶發性濕疹
之前寫了一些抗濕疹日記，大家也很驚訝我這一年間的變化，但正如我所說，抗濕疹是長期作戰，我，也沒有完全復原起來….
尤其是最近忽冷忽熱的轉季天氣，濕疹最容易發作了，經過一年多的自然療法，現在面上的濕疹是穩定多了，雖然有時也會有輕微的紅腫，但一上淡妝已經能遮蓋八成，我已經很心滿意足了。現在最煩惱的反而是手上的濕疹….
我的右手經常爛手，說實話這個情況已經差不多兩年了，時好時壞，現在 (這幾個月) 情況算是最差，但不知為什麼只有右手，左手時完全沒事，一點濕疹也沒有的。
而手部關節位，又反而是左邊比較嚴重，右手曾經發得很嚴重，但現在只留有很輕微的泛紅。這個左手是玩死我了，怎麼也好不起來！！！！
最後，現在的面還好，反而頸部很乾燥，而且質感極差！在家有空的話，多塗潤膚霜就會舒服一點。
之前戒類固醇的時候，有聽過一個說法：類固醇反彈，通常是由上至下的，由頭部、面部開始發作，再慢慢向下移，頸部、上身、手、腳….有些例子是，慢慢發至腳的時候，待腳的濕疹也發完，就完全復原了。根據這個說法，那我面上的濕疹應該發得差不多了吧，我是否應該開心！？ T.T
我實在受不了爛手了，快到夏天了，露出的關節位怎能這樣醜怪呢？ (連我每次去Yoga 穿上小背心，都讓我難受到不得了…) 我決定去買有機的月見草油塗塗看，聽聞外用，對濕疹很有效，試一試效果再跟大家報告。 =]
——————————-
看到很多讀者的留言，知道有很多朋友跟我一樣有相同的困擾。我不知道能如何安慰你們，因為我知道其實別人的安慰也沒什麼用的。坦白說，我不是完全100%復原的患者，但從這一年多的經歷中，我學會了忍耐，忍了一次又一次，最後都會慢慢復原。（雖然這裏好了，可能下一個新部位又發作，但至少有復原過啊！）所以喔，這次我也選擇繼續努力忍耐，不要懷疑自己的健康，相信自己會復原吧！人生喔，就是不斷經過大大小小的挑戰吧！加油喔！而且我知道你們跟我一樣，身邊也有很多支持你們的家人、朋友、伴侶等等，不要讓他們傷心失望喔！You are never alone! =]
一般濕疹藥膏都會含有類固醇嗎？
醫治濕疹都可以選擇天然無類固醇的藥膏，編輯就推介了10款適合長遠使用的天然保濕濕疹藥膏，包括韓國MD ATO BAB Soothing Capsule Serum及…詳情請看
濕疹的主要成因是什麼？
濕疹的成因可能是遺傳，又或是過敏反應引起的，例如…詳情請看
我朋友有濕疹都兩三年
本來只係腳附近,睇過西醫
搽過兩枝類固醇
呢幾個月就開始散到手嘅關節位
佢近排先開始睇中醫
但係起身比起未睇之前水腫嘅情況嚴重左特別係眼
用雞蛋敷完就好好多
但同你之前一樣會多左分泌物,情況同你之前post過嘅相差唔多
頸後都開始有少少發嘅情況
係咪反彈?水腫係唔係正常架?
真係好擔心!唔該你!
Hi Qux,
雖然我唔係醫生, 但照你咁講我覺得係反彈呀!
係咪只係好短時間? 係的話我覺得可以忍下睇定d 先!
不過眼呢, 我自己就會比較擔心, 所以我都有去睇眼科, 因為我覺得皮膚痕醜樣都可以忍下, 但我會擔心眼傷佐就冇! 我估計你應該都係過敏體質, 眼有敏感, 當然詳細都係搵眼科醫生檢查下好d 啦!
而水腫, 你睇到我果陣d 相都腫到豬頭咁嫁, 係呀正常嫁, 我都過佐大半年甚至一年先好返晒, 加油呀!!! 希望你既中醫能夠幫到你!!
我自小已有濕疹，幾年前爆得很厲害，前年做完手術後全身皮膚又紅又紅又退皮，食了幾個星期抗生素都係咁，最終食了兩個月類固醇，但身體支持不住，醫生也提議我食抗癌葯，但說完啲副作用，我真係吾想食。
我又轉番去睇中醫，都有大半年啦，嚴重時我都要搽類固醇，但個中醫次次都叫我要停類固醇，再用只會愈發愈勁，我想去打支消炎針，她都不贊成，好辛苦，這兩個月双腿發晒出來，又痕又乾，我唸都係同個中醫吾多夾。
最慘係我對所有nuts都敏感，大部份出名的敏感皮膚lotion, body cream都有nuts成份，A cream又冇作用，真係痛苦到想死，工又冇埋！
我想請問你食什麼supplement和有什麼body cream可幫到我呢？你有冇邊個中醫介紹？
顧小培的我幾年前都食過，一啲作用都冇，仲衰咗，食了一個月都停了。
Hi 范妮,
其實我而家連supplements 都停佐喇, 因為真係好貴, 每個月食幾千蚊….但我而家keep 住食得清d 健康d, eg 屋企d 煮食油換晒做有機葡萄籽油, 唔再用花生油, 朝早通常只食一兩個生果做早餐, 晚飯在家基本上只吃白烚菜 & 豆腐等等, 午餐因為通常出街食, 所以都冇特別節制….如果你知道自己對咩敏感, 咁仲好, 戒佐果d 野就得啦! =]
至於body cream, 其實我好多都會試, 只要試到我塗上去果下唔痛, 基本上我就會keep 住用…相信大家都明白, 對我黎講, body cream 只係保濕 / 舒緩作用, 完全唔係可以幫我”治療”濕疹既…或者你試下直接用有機棷子油塗? 我都有試過一排, 不過係會搞到d 衫臭臭地….但至少應該唔會敏感!
中醫呢, 我覺得係人夾人既, 同埋我自己都冇睇開, 所以就真係冇介紹了, 不過我自己都幾buy 針炙既, 如果我睇中醫, 我都會簡個食藥加針炙既醫師 =]
謝謝你回覆啊！我對椰子都敏感，因係nuts一種，我都食到好清了，但都係咁 ……
另想請問你之前有冇食過Vit B, C, Omega 3, 鋅， 益生菌， 我見網上有啲講話有幫助，吾知係吾係？
你好，我從小就有濕疹，剛生完BB復發得好嚴重，朋友提到顧博士，在搜尋中看到你的日誌，但你沒提到顧博士提供的營養素的功效?很想知道。
Hi Susanna,
hmm….坦白講，我同時間有食顧博士的supplements 同布緯食療，我不能分別是哪一種對我有效，甚至乎是戒類固醇後的自然康復也不一定？這一點我真的無法確實地解答，但我知顧博士是不相信布緯食療的，我問他的時候，他是抗拒的。
如果你有其他疑問，可以直接e-mail 比我 =] (不過這星期不在港，可能回復較慢，先抱歉!)
Hello,純粹路過分享,想幫下人
我都好明白有濕疹有幾痛苦，
我由細到大都受皮膚敏感困擾，中醫話我屬於易敏感皮膚，
幾年前可能壓力過大出埋濕彥，睇政府西醫拎藥膏搽，搽完仲嚴重左，之後轉睇中醫，前前後後睇左3年，
一開頭好得好快，不過慢慢又好似去左平台期，不過比一開始係好左7成，d粒粒冇再滲水，不過都會痕，
之後我去日本旅行買左一支都幾出名既濕疹膏，竟然搽好左，雖然唔斷尾，間中都會發下，但我而家一起就搽，第二日真係紅印都冇埋，我唔係賣廣告所以唔開名，支藥膏個盒係淺藍色既，大家可以自行search 🙂
Hi Rene,
多謝你既分享呀!!!!
你搵到岩你既方法真係好! =]
等我下次去日本都留意下先! 同埋你知唔知有冇藥性? =]