抗濕疹日記 – (6) 黑暗的半年…(下)
上回講到…我真的超想放棄！！
對喇其實還是很醜…臉還是腫得像豬頭，而且頸部更嚴重，現在是頸部變成紗紙了…不過SKIN TEXTURE 開始好一點了，變得柔軟了一點，未至於平滑，但紗紙感覺已經慢慢變少了。這時期的我，已經可以輕微的上妝，上妝過後，紅腫就不那麼明顯了…
我開始多了正常的社交活動，會出席PR 活動、約朋友外出談天、上班時笑容多了點…心情開始好了一點 =]
有三個月完全零化妝 (加上眼疾，所以CON都唔敢戴)…那三個月我真的醜到無地自容，有見過我的朋友，現在都跟我說：當時真的很恐佈，完全不敢告訴你…只好騙你說還好！
當心情好了過後，就慢慢回復了，到戒藥約半年的時候…我的肌膚已是這個樣子了…
水腫已經減退很多，只是雙頰還是有點紅紅的…膚質也好多了，當然未算最佳，但已回復八成了！ 不過…這樣的狀況又維持了三四個月…皮膚一直都這樣紅紅的，我覺得是到達了平台期，就是KEEP 住這樣子，但沒有再突破下去….
最後，我花了一筆大錢，買了一張由日本製造的負電位 + 遠紅外線床墊 (這張床價值五位數字，因為較貴而且涉及科學原理，我之後會再寫BLOG 詳談)…情況竟然有突破性的進展….我用了約一個月，面上的紅腫已經退去了很多很多!
可見皮膚已經好很多了～～紅腫是退了九成喇！我真的開心到不得了～～～～～～～～～～～～
我只能說，現在我的皮膚狀況是比之前穩定多了，畢竟戒藥快一年了，除了頭半年恐佈的日子，這三個月，我就算偶爾吃了不該吃的東西、用了太刺激的護膚品，那些敏感的症狀都變得很輕微，沒有以前那種大爆發了～(以前是突然間一發不可收拾，可以今天完全沒事，明天醒來就變了豬頭，害我立即跑去打針) 現在只要自己小心一點就好～
直到現在~戒藥一年，我覺得我是大成功喇！！！！ Yeah～～～～～
後記：
是不是很替我開心呢～～～～？
這幾天在整理相片的時候，媽媽走過我的電腦旁，不斷在大叫：不要ＰＯＳＴ喇！！咁醜！！唔好比人睇啦！！！！
然後我就說：就是知道醜才要ＰＯＳＴ，我很想很想鼓勵有同樣問題的朋友和讀者，我可以，你們也一定可以的！
寫了這麼多抗濕疹日記～～但我的抗濕疹日記也不會就此完結～我深信抗濕疹這回事是至死方休的一件事吧～所以喔～我也會一直分享有關濕疹的資訊、生活習慣、飲食和注意事項等～當然～還有我這次抗濕疹的最強秘密武器～床墊！未來也會繼續分享 =]
一般濕疹藥膏都會含有類固醇嗎？
醫治濕疹都可以選擇天然無類固醇的藥膏，編輯就推介了10款適合長遠使用的天然保濕濕疹藥膏，包括韓國MD ATO BAB Soothing Capsule Serum及…詳情請看
濕疹的主要成因是什麼？
濕疹的成因可能是遺傳，又或是過敏反應引起的，例如…詳情請看
Hello Francesca,
我也是受濕疹困擾了廿年的女生, 雖然沒有你嚴重, 但我都身心明白濕疹帶來的煎熬! 我也嘗試過無數的中醫及西醫治療, 可是病情依然反覆. 尤其臉上紅腫了一撻撻, 真的非常影響心情. 看到你的真實成功個案, 好像有一線柱光.
現在好希望你可以快快提供負電位遠紅外線床墊的資料, 好讓我也嘗試一下.
心急人上!
P.S. 你雙大眼睛好電人喔!!! 好靚!!!
To: 莎莎
你好呀 =] 你係咪都係生係臉上? 身上有嗎?
多謝你支持呀, 不過因為床墊我至今都只係訓佐幾個月,
而且真係比較貴同涉及太多科學原理, 我要加油準備好d 資料先介妱比大家~
我應該三月內會post 嫁喇 =]
哈哈, 我絕對唔係咩電眼美女啦, 不過我深信自信既女仔一定係最迷人既!
我知道濕疹既時候真係咩自信都冇..行路都dup低頭etc…
不過你要加油呀! 一定有辦法解決嫁! 最緊要保持心境開朗呀! 加油! =]
Hi Francesca,
我身上及面上都有, 全身都一撻撻紅腫痕癢 🙁
近幾日天氣比較濕, 理應對皮膚比較好的, 但唔明白點解會一日比一日嚴重.
我從今日起會試食布緯療法, 並會 keep 住戒口. 希望會有改善啦.
我會耐心等你集齊床墊的資料… 加油!!
To: 莎莎
有D 人話濕既時候會好D, 有D 人又話濕係對濕疹最唔好etc….
我自己既經驗就係: 佢要發就發嫁喇! 天氣好唔好都唔係幾關事 lol
好開心聽到你打算試布緯療法, 我係絕對支持的,
當時既我都係心諗: 就算醫唔好, at least 都對身體冇害先啦!
不過, 你真係要有心理準備, 要捱過”過渡期”呀…
係真係會發到前所未有咁嚴重, 會令你好懷疑到底係咪冇效!
Anyway, 你有呢個心已經好勇敢, 加油! =]
Hello Francesca,
我都係一樣舊年開始係臉上生濕疹，情況同你九成相似，但我以前冇乜皮膚問題，幾年前試過臉上發過一次睇西醫搽左成支類固醇，後來一直只有好輕微紅疹。
但舊年初突然大病一場之後，全塊面開始生濕疹，頭幾個月大爆發同你一樣，後來每個月都幾乎復發好多次，退左又紅又發，脫皮咁，最終我頂唔順年底辭左工（因為都係成日要見人，實在返唔到工咁滯），有平伏左少少，冇再大型爆發，但每個都係會紅一排再退，心情好左好多，上星期又唔知發生咩事突然又再好嚴重，實在好氣餒。
我呢一年都冇再用西藥，keep住睇中醫，布緯都試過幾個月（都係吃完即刻更嚴重），近幾個月都keep住做運動流汗，好多方法都試過哂。真係好想知你最後係點克服的，已經經歷左成年，我完全冇哂信心，每日都唔敢照鏡。
呢星期我再吃返布緯，如果你有更多分享，希望能夠再講多一些。
謝謝你呀。
Hi Katie,
可能因為呢排轉天氣呀! 我都差佐好多呀最近 (同埋岩岩去完東南亞, 太熱濕疹好辛苦!)
坦白講, 我都係未斷尾嫁! 最近手既濕疹仲勁嚴重, 勁爛手!
但呢一年, 我真係學識佐忍! 忍得我就忍, 我相信終有一日佢就會退!
你停佐藥一年, 係咪都有經過康復期? 係咪都開始穩定佐好多?
係既話, 真係唔好放棄呀!!! 都係果句, 一返轉頭就好難康復嫁喇!
黎緊我會寫埋我訓緊既床墊 (我覺得好work), 同埋我會更加努力做運動, 除佐yoga, 仲會開始做gym,
我會再親身驗證一下, 運動會唔會可以再進一步令我既濕疹完全復原!
好快我就會開始報導我做gym既實況, 希望到時濕疹可以再好d! =]
hi 我都想知丫，我面突然濕疹，我都想知床有用嗎？在那買？跑步有用嗎？？？
Hi Kate,
面既濕疹, 你轉用佐濕疹岩用既skincare 未呀?
千其唔好再用d 唔岩既skincare 刺激佢呀!
床我自己覺得好work 既, 我係一間香港代理度買既,
而跑步我自己就一般, 但我有做其他運動, 我相信適量既運動都會對濕疹有幫助既!
但真係量力而為就ok, 因為濕疹期做運動其實好辛苦! 加油呀! =]
我的濕疹跟你一樣嚴重 或更甚
幾時會講床墊，好想多了解床墊的資料！
濕疹真係好討厭
hi francesca，
因用錯洗面產品後開始敏感，之後仲成濕疹。
我好想知道好多關於濕疹既野，
我都好知道你床墊既資料丫。
Hi Hannah,
是嗎? 你現在的情況怎樣?
有找到幫助你的方法嗎? 歡迎一起討論和分享喔 =]
好感謝主比我睇到你既blog，我系由好細個開始就有濕疹，一熱塊面就會紅卜卜搞到我吾知點好ˊ_>ˋ有一段時期嘗試飲五毒茶但佢發晒出泥好耐都吾退搞到我吾知繼吾繼續好。最辛苦都系因為有陣時要化妝但又化吾到搞到自己吾敢見人，成個人好自卑亦都有過吾想見人日日戴口罩既日子，想問下布緯食療對你既幫助大吾大？定一話靠介口做運動？好想同你繼續交流:)
Hi Ying,
hmm…..其實就正如我BLOG 文所講，我同一時間戒西藥/ 食布緯/ 戒口/ 做yoga etc…
其實我自己都分別唔到到底邊樣對我最work / 邊個combintaion 係比較work…
什至我都有懷疑過，會唔會我戒西藥，遠離類固醇後，其實咩都唔洗做，經過佐類固醇反彈期都會自自然然好返呢?
不過，我都係堅信提升自己免疫力，做多D 對身體好既事會對濕疹有幫助既，所以我做既所有野，就算唔係TARGET 濕疹, at least 都係對身體有益既….
但個個人身體狀況都唔同，我唔知我既經驗係你身上work 唔work, 但我都suggest 你可以係條件許可下盡量做多d 對身體好既野! (因為食療/ supplements/ join course 做gym / yoga / 甚至轉食organic / veggie food 其實真係全部都係錢 T.T)
加油呀! 我都好歡迎你地keep on 同我傾下計呀!
就當呢個blog 係你地心靈上既安慰都好呀! =]
你好, 我係中二﹑三時期先有濕疹, 初時唔知道媽媽仲買左滴X沐浴露, 諗住會好D, 直到睇醫生先知係會刺激到皮膚, 令到情況更加嚴重。 我想請問一下如果想買D化妝品(BB Cream)稍為遮一遮面部泛紅既位置, 我應該買邊隻牌子既產品 同埋 點樣測試個種產品會唔會令我敏感? 麻煩哂你~~!!
Hi Tung,
你好! =]
係呀, 我最敏感果陣, 醫生係唔建議用任何shower gel 去沖涼的, 我試過日日清水沖，但一星期先落一次shower gel, 但so far 而家body 冇咩濕疹, 我就又正常沖涼了!
BB Cream 坦白講一d 都唔建議，雖然係方便但比較容易殘留，建議你買返夠保濕既濕粉用好了，我而家用既牌子係專for 濕疹皮膚既，但香港冇得賣…(呢個星期我就會寫blog 分享!) 又或者上保濕base，重點加concealer 就好了，千其唔好擦太多make up，容易令濕疹惡化！
如果想知多d 濕疹化妝tips, 其實我岩岩都拍佐2條youtube 片 (剪埋下個月左右出街)，黎緊呢個blog 都會再介紹多d，stay tunned! =]
你好，我都係細個就有濕疹，近來睇左中醫之後，上半身好左好多，但腳經常又紅又乾又腫，特別係關節位，成日乾到死。請問你怎樣保濕，同去除濕疹紋。仲有怎樣防敏感？
Hi Michael,
你是男生嗎? 我習慣會不停擦cream 保濕的，尤其現在在冷氣房，不擦不行，就算你是男生也不要懶！一定要狂塗的，如果你有用藥膏，藥膏會令濕疹位置更乾，更需要擦保濕cream!
防敏感這件事因人而異，有些人很清楚自己吃什麼做什麼會導致敏感，如果不知道的話，就多試試並留意自己的反應，例如吃spicy food 後留意有沒有過兩天就敏感? 吃海鮮會不會之後就起紅腫？或是天氣，心情等等也會有關係。
祝身體健康! =]
我已經無塗類固醇兩個月但面上皮膚仲幾鄒，想問我成日因為乾係面上濕疹位塗curel cream，會數唔會有不良影響，curel 當唔當藥膏??? Thanks
Hi So,
我想說, 皺皮是類固醇的副作用, 坦白講我停了擦類固醇在面上兩年多了, 額頭也還是皺皮, 問過醫生, 基本上是救不回來了, 我想要直接做醫美療程先有機會救回來, 但我地敏感皮膚根本唔適合做….
這大約是永久的副作用了, 只能多做保濕啊, 擦擦抗皺的看看有沒有好一點, 我覺得夠保濕滋潤時看上去是好一點的….
Curel 絕對不是藥膏, 只係普通保濕護膚品, 不用擔心呢! 這我敢100% 肯定不是Curel 的問題, 是類固醇的問題啦!
請問你會唔會沖完涼同訓教果陣特別痕？你如何止痕？
Hi Michael,
我訓果陣痕得要死！！成日都忍唔住去R,
我覺得保濕夠就已經冇咁痕, 同有時其實係心理因素keep 住好想R,
其實我地成年人, 我覺得應該自己控制住唔R, 會好得快好多!
雖然我都會忍唔住, 但都明知自己抵死, 一R 就第二日發得仲勁)
Hi Kaman,
我已經停佐半年有多了! 因為食食下覺得好難食頂唔順…
不過而家日常飲食都比較清淡 =]
日本製造的負電位 + 遠紅外線床墊
Hi Francesca,
-我双眉及面部有啲位置好痕癢,双耳又痕又红腫，洗面後又極乾又痛,連双耳对上啲頭皮都帶痕癢。
-過往手及腳都有過濕疹,又唔上用咁多類固醇。
-你覺得係皮膚敏感定濕疹。皮膚醫生叫我做個敏感测
試,好似要7仟元。
-现用AD+ Skin Solution,有啲好轉,但它是否唔夠補濕?其實我是否停用它,應尊功保濕及用cream會好D?
-最後你可否e-mail給我你早前所提及的日本製造的負電位 + 遠紅外線床墊呢?因為我相信对我背痛及疲倦有幫助，因我幾年前都買過Philips的遠红外缐燈。Thank you!!!
Hi Eric,
你有冇睇醫生? 嚴重的話都係比醫生睇下好d 喎, 等炎症好少少先再固本培元呀!
敏感測試係測食物定咩? 我黎緊都會介紹一個食物致敏原測試, 價錢都算平嫁! $4000左右
如果你對床墊有興趣, 不如你send email 比我呀 , 我再比多d 資料你參考下 =]
Hi Eric,
你有冇睇醫生? 嚴重的話都係比醫生睇下好d 喎, 等炎症好少少先再固本培元呀!
敏感測試係測食物定咩? 我黎緊都會介紹一個食物致敏原測試, 價錢都算平嫁! $4000左右
如果你對床墊有興趣, 不如你send email 比我呀 , 我再比多d 資料你參考下 =]
Hello Francesca
你是否只靠那張負電位遠紅外線床墊，沒有其他supplement? 好希望你可以快快提供的資料, 好讓我也嘗試一下
Hi David,
不是的, 我一直都有試不同的方法。
試方法A 時可能B,C,D 都一直做緊….始終濕疹係慢性病,唔係一時三刻就會好返,
講真, 如果有一樣野係醫到任何程度既濕疹, 我相信都已經爆紅, 我地濕疹病友都唔會再係左試右試啦…
只不過當時我用床墊時發現有突破性既進展, 所以就覺得OK, 但講真, 至今都不能算是100%康復.
如果你有興趣, 可以email 我, 我先給你一些資料.
你好呀，想了解關於床墊，因為自己在網上查了很久，都只找到中國制的，我也是嚴重皮膚病困擾我，而我吃類固醇已經吃到面部腫起來了，幸好在害怕的時候看到你個blog….有回一點希望
Hi Suki,
我呢張床墊係日本製的, 不如你send e-mail 給我啊!
[email protected]
我再給你資料 =]