抗濕疹日記 – (5) 黑暗的半年…(上)
哈哈~~很抱歉之前去了旅行以及工作越來越忙~~少了更新~~有些朋友不停催我寫抗濕疹日記喇! XD 現在繼續…..
在2013年的3月初，最後一次吃類固醇和打類固醇針後，我就開始了戒藥的生涯….(當時先用的是布緯療法，詳細可參考我的blog文 )我當時的心情，完全可以由當時INSTAGREAM 的 post 中看出一二….
(不怕的話，放大看就能知道我當時的皮膚有多糟) 皮膚完全像紗紙一樣，無論塗多少護膚品都不行，身為美容記者的我，已經豪氣地用上大量面霜，瘋狂時試過每半小時補塗一次超滋潤面霜，可是吸收不了就是吸收不了，沒用的，還是一樣鞋十十….至於手腳，我只有關節位比較嚴重，上圖的手就是我發得很嚴重的證明，當時還是春夏天….這手我都不知道該如何露出來，唯有盡量穿長袖，可是焗住皮膚又會令病情更惡化…..lol
那陣子我真的傷心到不得了，我完全不知道這些日子要等多久才可以過去….當時最傷心的就是重看舊照…看到以前的照片真的又羨慕又想哭…(羨慕以前的自己，真的超白痴 XD) ….記得當時我不停跟朋友說：我從來都不是太喜歡自己的樣子，但如果現在我可以重拾以前的樣子，我願意拿任何東西來交換….
幸好，我還是很堅持的。雖然日子很難捱，但我都深信終有一天會過去，我心目的黑暗期大約是一年吧 (已經是最保守的估計)…因為我見網上的人都說：基本上你用了5年的類固醇，就大約要預一年去反彈……
這段期間，真的讓我哭慘的有一件事，就是我開始發現眼睛出現問題….那陣子，我每天早上起床，雙眼都是這樣的狀況:
每天早上，我都要用上五分鐘，慢慢用濕棉花濕水，抺去雙眼的分泌物，才能正常地張開眼睛….而且，我突然發現，我看東西越來越濛…那我唯有去看眼科醫生，醫生告訴我，原來我的雙眼一直都是敏感的，而且淚水分泌不足，眼角膜是乾到快裂開了….然後我就很奇怪，為什麼我一直都不覺得自己的雙眼有太乾的問題? 醫生說: 那是因為你之前一直都有用類固醇，類固醇藥性強，是會走遍全身的藥，那當然也會走到去雙眼，會令你眼疾的病症減少，所以你就不察覺了….
那一天我真的是哭慘了，我沒有想過，戒掉類固醇原來是如此可怕！當我決心忍受皮膚的紅腫、發炎時，原來雙眼的問題才讓我覺得心慌…我沒辨法去想，如果眼睛不行了，我的日子要怎麼過下去….那是我唯一一次，想過放棄戒類固醇，想回去類固醇的懷抱…
一般濕疹藥膏都會含有類固醇嗎？
醫治濕疹都可以選擇天然無類固醇的藥膏，編輯就推介了10款適合長遠使用的天然保濕濕疹藥膏，包括韓國MD ATO BAB Soothing Capsule Serum及…詳情請看
濕疹的主要成因是什麼？
濕疹的成因可能是遺傳，又或是過敏反應引起的，例如…詳情請看
hi, 我同你一樣都有嚴重濕疹，之前仲成面爛哂，依家好番好多，但間中都要用類固醇藥膏，好想知你說的床墊是怎樣，同埋你用開咩護膚品同化妝品？濕疹都可以用化妝品㗎？
btw, 唔知你有冇聽過紅茶菌？我近排飲用對皮膚好咗好多，你可以試試
To: Ada
你好 =]
好開心聽到有同我一樣既成功例子呀!
我自己就覺得我既濕疹係遺傳因素多, 平日都好少因為skincare / make up 而敏感,
再加上工作需要, 所以我係會照用skincare 同make up 既, 但當然太刺激既我就唔會用,
下次會寫返blog 分享返平日用既products呀!
紅茶菌我又冇聽過呢! 等我都search 下先, thanks!! =]
床墊的資料準備中, STAY TUNNED =]
我d濕疹都發左2年，真的很辛苦，每晚都癢到訓唔到，睇過中西醫都唔好，直至朋友介紹我一位中醫師，睇左2個月就好番！
Hi Candy,
恭喜你呀! 中醫真係人夾人，你夾岩真係好好呀!
希望你以後都健健康康! =]
我岩岩開始戒類固醇，但塊面好痕。
你係呢段期間有無用止痕藥？
Hi Tiffany,
你都係生係面嗎?
我頭半年係完完全全冇用過任何藥, 而家過佐一年, 好間唔中先會食d 冇類固醇既敏感藥, 通常都係出trip 前驚皮膚唔適應會狂花先食既, 真係好少好少! =]
而藥膏, 我而家係堅持唔會擦上面, 因為d 皮真係會皺得好緊要 =[ 但手呢, 我間中好頂唔順都會用冇類固醇既敏感藥膏.
希望你快d 好返, 皮膚靚靚! =]
我以前面同手都有，依家剩低面。
我最近轉左新西醫，他都要我戒類固醇。
但他會開抗生素俾我，我諗梗停不停抗生素。
謝謝你的日記，能鼓勵我堅持下去。
Hi Tiffany,
恭喜你搵到支持你戒類固醇既醫生！
如果當時我有專業人士支持，我相信我的黑暗期也會過得比較安心。(因為當時完全不知道要發到何時何日，實在是太難過。)
我戒類固醇初期都係面發得好勁，而家戒佐一年幾，反而面好返好多，手又復發….不過有佐面既經驗，我相信手都會好快好返既!
好開心聽到你地中意呢個日記，我寫這個日記正正是想給濕疹同志們一些支持和正能量，我知道不是濕疹人，是沒可能明白我們的 =[
加油呀！你都一定會身體健康! =]
很可惜地幫我戒類固醇的醫生開了抗生素給我，我每餐食完飯後都嘔，
我下定決心西藥都戒，我塊面同你好似，又紅又腫，仲出水……
之前連嘴唇都出疹，短短大半個月已很辛苦，謝謝你！
我們一起努力！一定會健康
Hi Tiffany,
你最近情況還好嗎?
最近我都有很忍不住吃了一點敏感藥 (冇類固醇)，因為手腳發得有點厲害 =[
你有多看關於濕疹的書嗎? 我也看了很多關於自然療法的書，會越看越有信心，就不會太難過了!
其實一切也只是心魔，只要我們不覺得自己醜，其實別人也不覺得有什麼啊，捱一捱就過去了!
加油加油！！！ =]
Hi!
我終於堅持到就黎兩個月了！
最近面開始有好轉，我睇你個blog話curel同kielhs面霜係敏感期時用，我想問你眼霜用邊隻？我眼皮都甩皮，用curel眼部精華有好轉，但每幾小時就要補。
另外，我想問你面發左幾耐？依家塊面會唔會成日起濕疹？
Hi Tiffany,
知道你既近況好開心呀! 加油加油!!
我當時面勁爆既程度持續佐都係2個月左右，跟住就開始時好時壞，會偶然好d， 但又時不時返發咁，到而家都間唔時有發唔會發到好似以前咁嚴重了，而家既紅腫，用下make up 都遮到八成了!
我眼都係勁乾嫁，curel 好用, 但你記住，但佢只係精華喎! that means 要再eye cream 嫁! 眼霜…hmm 其實我又冇特別簡返專for 敏感既brand, 我夠潤就可以了!
幾個鐘補一次都係正常情況，我最worst 果陣係半個鐘塗一次cream! office 枱頭都會放cream 方便我補，連hand cream 都係勁用!
有咩問題隨時再問我呀! 都要耐唔耐留言話我聽你既近況呀! 希望你越來越好!!
繼續加油！ =]
Hi, 病友：)
我出世到現在都有濕疹，廿年多，嚴重起來成塊面都是紅腫出水。不敢照鏡or 影相！ 因為見到自己個樣就好想喊。現在睇中醫，有時天氣差，落大雨時比較嚴重。 之前又失眠，所以情況一直沒有好轉。 但上兩星期去台灣旅行，可能因為太攰，每晚都訓到，加上那邊天氣比hk 乾爽，即使食得不太清，飲水又唔多，皮膚竟然好轉。你有冇發現多數去了hk 以外地方，皮膚會有改善？ 所以好想離開這裡：(
Hi!Fran!
我前幾天試左kielhs牛油角眼霜，點知用完眼濛同眼痛
唔用任何眼霜又甩皮，你有無試avene眼霜？
我依家努力揾一d保濕眼霜而又唔敏感ga
Hi Boey,
有啊!我這兩年出trip 多了，發現無論是日本、歐洲、韓國、台灣等等，皮膚都變得不錯。(但中國是例外…)
也一直有長輩跟我說，濕疹 / 皮膚病要好，什麼也不用做，移民就好了！但這不是我現在能做到的事呀….T.T
Hi Tiffany,
Avene 的眼霜我很喜歡的，我用的時候不會刺激，不知道對你有沒有用，我覺得可以一試!
又或者我有時用勁溫和既cream 都會係咁2 擦埋眼位，
但你記住無論什麼眼霜，小心塗上下眼皮就好，不要入眼就不會濛啦！=]
我濕疹係臉上，好煩惱 之前嚴重到好似灼傷咁 又冇得化妝 又唔想出街,連工都辭左…只係哩係屋企喊 又痕又痛又紅又腫 又醜,一路都係食西藥黎控制,因為中醫唔岩我 我食完 發得仲嚴重 🙁 而家都9唔9會發佢 臉紅到成隻狸貓咁
Hi Bee,
你而家好d 未呀? 有冇越發越少同埋冇咁密?
我而家都久唔久會發，但真係算穩定好多了!
始終呢個”病” 都堅係難搞，好難話完全斷尾, 穩定已經好好了!
你生係面, 用skincare 都要小心d 呀! 其實黎緊我都會share 濕疹make up tips, 希望你繼續留意啦! =]
Hi Francescang,
好開心睇到妳呢個Blog, 好有鼓勵性。小兒自小濕疹，現在六歲，濕疹情況越見嚴重，最近我們也開始服用顧博士的A B粉，但服用第三天發疹情況比之前嚴重，請問妳當時也有這情況嗎？這兩天我們已暫停了服用，待星期天再咨詢顧博士意見才決定是否繼續。但我發現將A粉混入cetaphil moisturizer 作外塗極具止痕作用。小兒兩隻食指經常無故特發性極度痕癢，每次均需要以冰降溫加塗上類固醇才能止痕，但每次過程也要煎熬我們15-20分鐘，但這兩三天我們嘗試用A粉加cream外塗，不用兩分鐘馬上止痕了。
Hi Fung,
真好呢，現在資訊發達，父母會為子女的皮膚問題四處尋找方法，我也是自小有濕疹，我有時在想，如果當時父母懂得護理我的皮膚而不是一味西醫，可能我小時候就好了!
顧博士的療法是有說會有反彈的，我也經歷過一段長時間的反彈情況，A粉好像是綠茶粉對不對? 我當時沒有試用敷的方法，因為覺得煩 XD
你已經找到有助小朋友舒緩的方法，真的很好! 因為我覺得，不R 已經會快好很多! 而且R 呢個動作其實有記憶的，習慣就會成自然! 我也明白兒女有這個問題也很困擾父母，也花多很多時間心血去照顧小孩，希望你繼續努力，不要灰心，終有一天會見到成績的! =]
多謝支持, 大家都加油, 希望你仔仔快D 好返! =]
Hi!我用左avene眼霜半個月，改善到乾既問題。
同時，濕疹都無左發係眼皮,終於都穩定番少少。
但塊面一直都發，時好時差，唔受控制。
你有冇用avene skin recovery cream?
Hi Tiffany,
咁就好了! 好開心我既小意見可以幫到你 =]
Avene 其實好多cream 我都有用過, Skin Recovery Cream 呢期發緊我都用緊呀 =]
我覺得好用, at least 用上去舒服, 我見其他forum d cm 仲講到好神奇咁, 但可能我太嚴重效果唔係好明顯,
但我都會keep 住用, 因為at least 係我用得安心既護膚品. =]
我就黎18歲… 2歲開始就有濕疹.. 一直以來情況都反反覆覆..
之前嚴重到由小腿到大腿幾乎每一寸皮膚都有傷口.. 會留血同出水..皮膚好似爛左甘.. 連坐都坐唔到…
宜家情況好翻少少… 我開始發現疤痕既問題… 之前既傷口留低既疤痕多到我唸每邊大腿有多過50″噠”……
我好中意遊水.. 但係因為甘我泳衣都唔夠膽著… 已經5年無游過水… 係夏天40幾度連短褲都唔想著…
我有時望住自己對腳真係會嚇親… 想問下你點樣處理你濕疹好翻之後既疤痕? 我有搽過bio oil 同埋喜療疤…
但係可能因為疤痕太多同深色… 無咩效果…. 有唸過去做laser 去疤..
Hi Katherine,
你一直都冇睇醫生嗎? 如果有睇開, 情況應該唔會咁誇張!
我手都有色素問題, 問過醫生, 佢地都話已經係深層色素, 好難搞的了,
我自己唯有在唔爆發的時間中用溫和的peeling & 擦美白lotion,
會好少少, 但始於都有少少印的,關於呢個問題, 我會再去問問醫生意見, 有新消息再話比大家知 =]
我細細個冇濕疹，小學打左水痘針之後就開始有，到依家20歲都有，上年返咖啡店成日要洗野戴手套長期企焗爐邊所以好勁！後尾去左睇醫生，又打類固醇針又食抗生毒藥類固醇藥搽類固醇藥膏，最近醫生仲叫我試下一隻藥，會令皮膚好d但可能會影響血壓同腎功能，聽倒都覺得得人驚！當然唔敢試！但最近有朋友比左一種叫”奶克”既酵素我，日日飲，真係開始有好轉，我覺得大家真係值得試下，而且佢用既奶克母菌係會越養越多，出面冇得賣，係靠人地比，完全唔使比錢！如果大家有興趣等我養多d時可以分比大家呢 ^^ 見倒你既經歷，都心郁郁想完全唔用類固醇，但反彈真係會好辛苦！所以未有勇氣去試 ><
有關奶克/水克的資料:
http://tvb4life.pixnet.net/blog/post/174622182-%E7%B6%A0%E8%89%B2%E7%94%9F%E6%B4%BB-%E5%8F%A4%E6%B3%95%E9%A4%8A%E7%94%9F%E6%B1%BD%E6%B0%B4%E3%80%80%E6%B0%B4%E5%85%8B%E9%9D%9E%E7%88%BE-%E3%80%8C%E4%B9%B3%E9%85%AA%E9%BA%B5
Hi Corinne,
類固醇真係好毒，但當然必要時都冇得簡用定唔用….唔通日日關公咁見人咩….
不過如果情況穩定又許可既情況下, 就真係要慢慢停, 你仲細, 以後大把日子, 唔可以就咁比d西藥搞壞身體呀!
呢隻酵素我冇試過, 但睇資料其實都係益生菌既一種, 以我所知, 好多濕疹患者其實都係排便不順, 當排毒 (去便便) 情況好佐, 自然濕疹都會好d!
如果你係呢類患者, 我相信呢個方法係幫到你的!
加油呀! 慢慢由呢d 健康方法開始啦, 認真咁對待你既身體同皮膚, 總有一日會復原的 =]