抗濕疹日記 – (23) 自然療法 (戒口)的幫助

網誌
nmg-admin

很久沒有寫抗濕疹日記了….最大的原因是: 現在很穩定，所以沒什麼特別要記下的 XD

說笑罷了，是穩定，但濕疹是沒有完全斷尾的一日吧，所以日常生活習慣等等都會有影響呢！我發現很多網友仍是會問我現在都做些什麼來維持，今篇就來分享一下現在戒口和自然療法的現在進行式 =]

老實說，之前我寫過的中醫、西醫、顧博士supplements等等等等，我全都停了。最大的原因是：花費太多，持續每個月花三千以上的醫藥費真的不是普通打工仔可以負擔的。但我停了並不代表我覺得這些方法沒用，相反，我覺得是以往的努力把體內的毒素排得七七八八了，所以現在才較容易維持穩定的皮膚狀況。

現在一直有做的，就是自然療法。基本上自然療法就包括：食療 (戒口)、營養補充、排毒 (運動)，其他心理上要保持開朗等等的就不提了。

今篇就先講戒口吧 =]

之前有寫過，我去做了食物致敏原的測試，至今四個月左右了，我還是有謹記什麼應該要少吃的。但說真的，我並沒有把我的致敏原減至零，但的確是大幅減少了….像我很喜歡吃的雞蛋，以前幾乎天天都會吃一隻，現在是可能一星期也吃不到一隻…..報告說我不能吃小麥 (即時意粉和所有麵類)，我就大大減少了吃意粉和麵類，盡可能都吃白米，甚至糙米紅米等，吃西餐也寧願選雞、豬做main course 也不吃意粉，但間中還是會跟朋友們吃pizza….也有人說我應該再戒清d，但有時我又覺得營養的攝取也是重要的，而且我不想讓身體完全離開致敏原，希望身體慢慢適應過來，不要再有過敏反應就好。 (當然如果知道某些食物係一食必發，就一定要戒，但我真係冇一食必發的食物)

除了跟report 戒口，我都盡量食得好清。至今半年了吧，我仍是每朝早上吃一大碗粥，食材多是瘦肉、淮山、圓肉等，都是性質溫和能調理身體的食材，而且連鹽也不下，其實不算是好好食的，不過還可以吧，而且為了戒口，都習慣了。

午餐多是外食，盡量健康吧，有時都比較難，不太餓的話就會帶幾個生果吃了就算。晚餐，多數在家裏吃，媽媽的煮飯理念完全是清淡，大約有三分一時間枱上是沒有一碟肉類的，都是菜、菜、菜和菜，再加豆腐或是少少瘦肉炒菜…..除了大時大節會多d 肉 / 海鮮，平日最多都只是一碟肉….我幾乎完全不吃的是: 牛肉和蝦，99% 不吃，另外1%是如果是很美味的和牛我還是會吃幾口試一下的…XD 這個戒口計劃也算是我的最大努力了 =]

Touch wood 現在的皮膚狀況是很理想的，十分穩定，除了生少少粒粒之外，濕疹基本上在我的面上看不出端兒了!

不過手還是有一點的，有時吃多了海鮮也是會有少少紅，但很快就沒事了~下次再跟大家share 我現在的運動日記和在吃的supplements 吧 =]

一般濕疹藥膏都會含有類固醇嗎？

醫治濕疹都可以選擇天然無類固醇的藥膏，編輯就推介了10款適合長遠使用的天然保濕濕疹藥膏，包括韓國MD ATO BAB Soothing Capsule Serum及…詳情請看

濕疹的主要成因是什麼？

濕疹的成因可能是遺傳，又或是過敏反應引起的，例如…詳情請看

你可能也喜歡

There are 6 comments

Add yours
  1. Shelley

    Halo你好丫！見你濕疹可以好番咁濟真係好登你開心！我呢排啲濕疹都發到上臉，個人真係好depress，但無意間睇到你個blog真係比左好大信心我！呢一兩日我臉上既濕疹有好轉，由出水到依加已經癒合左傷口，同埋唔會再好痕同紅腫，不過患處既皮膚依然好硬同有脫皮情況，我想問下點樣先可以令皮膚軟化，係米要喪搽cream?

  2. francescang

    Hi Shelley,

    係呀, 要軟化真係比較難, 因為有用過藥就會有皮膚硬化既情況出現…
    我自己就會敷下mask / 濕敷化妝水令皮膚soft 返d，但其實嚴重果陣，吸完都會繼續係乾乾乾…
    不過都唔好放棄, 因為so far 我呢幾個月穩定返之後，其實皮膚質素係不錯的，我相信用岩skincare 其實皮膚係知道既，只不過果下未見到效果o者…

    加油呀! 希望你新年有個新開始! =]

  3. CK

    Hello, 要多謝你爭取到驗致敏源的讀者優惠價, 我幾個月前驗左, 知道應該戒食咩野, 濕疹明顯好轉, 不過新年期間天氣轉, 我又為食, 工作壓力等等原因, 再次爆發, 我冇睇醫生啦, 選擇食清淡既野食, 另外食維他命加強身體免疫力, 今日開始好轉了, 再次爆發真係好沮喪, 要不斷叫自己唔好灰心, 如果意志力再薄弱d, 真係好易變抑鬱, 我已經算幸運因為主要只係雙手爆發, 但出街都要承受好多目光…希望繼續戒口食維他命, 唔好再發作, 我都祝你以後都冇濕疹, 漂漂亮亮!

  4. francescang

    Hi CK,

    加油呀~! 轉季我都有少少發嫁, 呢段時間真係要食清D, 唔好亂黎, 至少知自己有咩敏感, 都識handle 間中一日食多佐, 第二日就食清d balance 返, 都係一件好事! =]
    係呀, 正能量真係好重要, 當然我都試過n 咁多次失控要生要死咁, 不過其實過佐又冇野, 頂住呀!
    你係手, 其實都可以遮下, 已經好好啦, 加油!!!! =]

  5. Tszshan

    我都打算去驗致敏源 但我唔知可以去邊到驗
    可唔可以提供多少少資料比我
    Thanks

Comments are closed.

Recommended