我的Zucca鞋爛了!!!
大半個鞋底都甩開了，雖然可以黏番好，但沒有想過一對賣三千多元才著過5次的鞋會發生這樣的事。
看開我個Blog的朋友，都知道我於一月去大阪旅行時，買了一對Zucca高跟涼鞋 (詳細文章可見於京阪之旅2010 (購物篇11)– 過年買新鞋 )，貴是貴了一點，但真的是超舒服，是難得可以湊仔的高跟鞋，還在Blog上大讚，可是萬料不到，才穿了約5次，這對鞋竟然爛了，是鞋底連接踭位那裡爆開了，連帶大半個鞋底都甩開，對於發生這樣的事，我第一個反應是十分驚訝，一對賣得這麼貴的鞋，不會發生這樣的事吧；然後緊接是十二分的忿怒，立時寫了一封電郵給日本Zucca的總公司A-net，投訴其品質的差劣，但截至目前仍未有回覆。
起初我也在想是我行路的姿勢不好，令鞋爛嗎？但家中百多對鞋都未發生過這樣的事啊！我又想：是我揸車踩油門和迫力太用力嗎？no-way，我只用右腳踩腳踏，但現在是兩隻一齊爛呀！！
話說Zucca那對鞋靚係好靚，又有型，不過mark價¥38,000 (約HK$3,268) 已經有點離譜 (香港賣四千多，更離譜!)，我已預了是Made in China的，而那個鞋盒丟了也不覺可惜，還有是連千多元的Amaya也有鞋袋，三千多的Zucca鞋卻沒有，也算了，完全是齋賣品牌，OK!OK!一個願打一個願捱，我也買了，可是完全沒有想過只穿了幾次，就會爛了，而且兩隻都爛同一個位，即係不是意外，而是結構上有問題，如果是三百蚊的貨色，我會原諒，但係一對三千元的鞋，卻不可原諒呀。
鞋底甩開，邊位爆裂，手工何其差劣。
其實買過這麼多鞋，好睇好唔著的，多的是，好貴又唔好著的，也有不少，其中出事率最高的，是跟Zucca同一個公司的Tsumori Chisato，唔好著的程度是：著第一次出街，半路已想丟咗對鞋，然後冇再著第二次，從此發誓「盡量」不再買TC鞋 (不敢寫得太絕，轉過頭可能忍不住手買的)，可是不好著而唔著，是我的選擇(可能有人可以唔好著卻照著)，而爛了無得著，卻是對鞋的問題，任何人也沒理由可以著對爛鞋出街喎。
這是其中一對好睇唔好著的Tsumori Chisato，暗紅色metallic圓頭高跟鞋，只著過一次，鞋的弧度造得超差，而且為了令鞋形看上去較纖巧，鞋楦位造得特別窄，是我穿過的鞋中最辛苦的一對。
作為擁有日本多個品牌的A-net，貨品愈賣愈貴，且毫無良心，發了電郵差不多一個星期，完全沒有回覆，是他們成間公司也沒有人看得明一封英文的投訴信嗎？我不求他們會有任何賠償，但至少也有一句道歉吧！！！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
你或許對這些文章有興趣:
expensive not = gd quality…u should know it!
算啦, 冇勞氣, 我試過個gucci袋用了2次就壞拉鍊, 仲越修越衰, 又唔肯換貨, 去消委會投訴的結果仲話我影響了佢地的信譽, 大公司點會理我地點小市民呀!
Hi Janet,
係呀, 呢個真係一個好好的教訓呀!
Hi Yvonne,
吓, Gucci都唔換?! 如果我係香港買, 我一定會拎返去同佢地理論, 估唔到Gucci都咁衰, 又話顧客永遠是對的?! 明明係品質差, 都唔係say sorry!!!!
why don’t you complain to Zucca HK office?
都唔係香港買, 好似又唔關I.T事喎!!!
Hi Michelle,
我最近同你身同感受!
話說上星期去Hair Cut + Perm+Color, 本身是長髮, (跟你差不多)
去了一間日式Salon (在CWB), 也想試下 Digital Perm, 扮下曰本妹la, 見Digital Perm 頗貴, 就問下 hair stylist 有無discount, 佢話可以計我 medium length, 我心想有”so”, 就try try ( 淨電digital perm for medium length 要$$1800 !
最後 : 這位Senior Stylist 將我把長髮剪成 medium length !!! 足足剪多了4吋 以上!!! (我只叫佢修1.5吋), 我本身已帶了一張圖片比佢參考, 剪得太短, 頭髮变得很 攣, 像 “C9″ !!! 仲有我叫他前額剪齊”音”, 最後都唔齊!!!
番工D 男同事見到我話 “攪乜Ar ” ! 比人笑 tim !
到今天, 仍然想哭, 足有2 晚睡不好喔!
因為我太嬲, same day 立即call salon head office 理論, at the end 比我 refund !
這次收回 2千7百多元, 但受了一個很大的教訓, 貴不等如好, 一定要有口啤 !总之跟你介紹去 MoMo Hair la ! 哭哭哭 !!!
hi Suki,
你慘過我好多呀, 因為髮型唔係一日半日可以改變, 而且最憎個D自以為是既hair stylist, 完全唔理人意見, 會剪就剪, 我姨甥女有次幫我地more做客串model, 佢及腰既長髮一下子就比個stylist剪到只到肩, 最嬲係成班人包括個記者同我姨甥女都不停叫佢唔好剪咁短, 但佢就係你有你講, 佢有佢剪, 剪完仲話: 春夏個trend係咁嘛!!我姨甥女喊到死呀!
而且就算俾你攞番D錢都冇用啦, D頭髮剪咗要好耐先長得番架.
你開名講係邊間Salon啦, 佢地咁衰, 不過收得咁貴, 我都大約估到係邊間啦.
坦白講, 我是真心推介MoMo的, 因為每一次整完我都好滿意, 上次去整, 我個hair stylist都叫我考慮下剪短, 話可以幫我設計一個新髮型, 起初我都好抗拒, 但上次整完頭, 返屋企同老公講話剪短, (因老公講過唔俾我剪短頭髮)點知佢話都可以試下, 因為每次整完都真係靚, 有信心可以俾佢剪短. 不過我都仲係十五十六, 你知啦, 留開長頭髮, 好難接受自己短髮架. 所以我都好戥你唔抵呀.
Hi Michelle,
我係去CWB金朝楊的Hair-XX,應該得一位 Senior Hair Stylist 姊妹們注意la !
而家每次照鏡都好唔開心, 仲好記得完first day 番屋企, 樓下個”實Q”, 眼定定望著我入lobby , (可能太樣衰或唔認得我???), 而老公入們口見我就忍不著 說了一句 “哇!村姑呀 !” 你話幾大劑!!! 我都唔敢話佢知要成$2800 !
我想要留多1.5 年先去番之前頭髮長度!
而家對剪頭髮, 真係有D 恐懼 !
哭哭哭 !!!
HI Suki,
你講既即係Hair Culture，姑勿論佢整得好唔好，收$2,800真係幾貴。我之前去君悅酒店既Il Colpo整，又係下下$2,800，都試過整得唔好，要補電。而且愈來愈覺得Hair Stylist有時同醫生一樣：都係要人夾人。
唔好唔開心啦，諗下辦法令個頭好睇Ｄ，例如：戴個headband會唔會好Ｄ？又或者H&M有好多好誇張既頭夾，可能有幫助架。
希望你快Ｄ重拾心情啦。
Hi Michelle,
係Hair Do ar !
Headband last week 已買了2 個, hair-band 也買了2 款 ! @.@
我會take it easy ga la !!!
Thanks for your encouragement n.n !
Hi Suki,
原來你說的是Hair Do ar! 但坦白講真係無咩聽過。
yeah, 當給個機會自己買野囉！！！
我聽某個髮型師講：瞓少Ｄ，頭髮長得快Ｄ！！不過唔知真定假囉。