我的兩隻肥八哥

網誌
nmg-admin


左邊啡色那隻叫仔仔，右邊黑色的叫希希。

很多年前，我拖著我那兩隻肥嘟嘟的八哥狗到公園散步，離遠（約30米距離）有一家三口行過，爸爸媽媽非常緊張地拖

著小女孩急走，邊走邊說：「唔好行埋去呀，woo woo會咬你架。」從此我發誓：他日假如有孩子，他一定要做個愛惜

小動物的小朋友。

不過由懷孕開始，我們也備受壓力，老人家硬是覺得小狗又臭又多菌，會對孕婦有害，又認定小狗一定會傷害BB，不停
閙著要我們放棄兩隻小狗，於是我徵詢了醫生的意見，醫生表示：只要不接觸牠們的大小便，或處理後立即洗手便可以
了。
而生了兒子後，囝囝一有甚麼病痛，「反對派」就將一切賴在兩隻狗的頭上去，為此我第一次駁奶奶嘴，更為此哭了很

多遍。最後為免再有爭拗，決定將囝囝搬到我媽媽家居住，一來有屋企人幫手照顧BB會較放心之外，也可分隔BB與狗，
好還小狗清白（即係以後有咩事唔好再賴牠們了）。

這張相好像我們專登擺pose那樣，其實是小狗見我抱著兒子呷醋，也跳了上來霸位。
兒子已經兩歲多了，由於大部分時間都是住在婆婆家，所以對小狗未算親近未算痛錫，不過他從小就不怕狗，於街上碰
見一些大狗，他也毫無懼色，甚至會上前摸摸呢。
其實一直的堅持，是需要很大的勇氣與毅力的，但狗也是生命，牠可能只是你的寵物玩伴，但你卻是牠的所有，我在兒
子面前對兩隻小狗許下了承諾，答應會照顧牠們一生一世直至終老。






























我的靚女朋友美甲師Kiko最近問我：「我打算養狗，但我想問清楚，BB同狗仔係咪可以並存架？我唔想第時生B時就唔要

隻狗咁殘忍呀。」如果人人養狗之前都可以像Kiko一樣想清楚做個負責任的狗主，那麼就不會有咁多孤兒狗了。


你或許對這些文章有興趣:
My Little Boy

沒有妊娠紋

你可能也喜歡

There are 10 comments

Add yours
  1. nana

    好可愛的8 哥仔, 但米色個隻開始有白色so so 啦
    佢地性格好喜歡小朋友架,
    係老人家唔了解養狗既樂趣, 如要講到口水干, 倒不如慳返啖氣

  2. michellelau

    yeah, 佢其實好love BB, 有次阿仔喊, 佢好緊張衝埋黎錫阿仔.
    係呀, 到依家反對派都仲係度嘈架, 佢地剩係無限放大養狗既壞處, 其實養小朋友咪仲貴仲花心機, 都一樣要處理大小二便啫, 同埋無論我做野做到幾夜, 佢兩個都一定會係我腳邊陪住我, 呢樣野, 阿仔都做唔到啦.

  3. Suki

    Dear Michelle,

    好開心你post 咁愛的 99 相, 啡色八哥跟我的北京狗寶寶好似呢 ! 儍儍的又有性格。更高興的, 你帶出了一個很重要的的信息: 養 99 是一生一世的承諾, 要對生命負責任 !
    BTW, 小狗 obesity la ! 要 keep fit ar !!! 太 fat 會影佢哋嘅健康喔 ! 比食物、小食時要狠心比小D 喔 ! 佢哋實在太為食 ^.^

  4. michellelau

    Hi Suki,
    是呀，八哥跟北京狗真係好似架。
    我隻狗已經肥過隻豬啦，我地已經比減肥糧佢，同埋完全零零食，連佢最愛的西莎都係佢生日同新年先比佢食，都唔知點解仲係咁肥。我地已經好狠心，不過你有張良計，佢都有過牆梯：首先狂吠，唔理佢就攪破壞，都唔理就扮肚餓餓到要食狗狗尿片….十足好似人咁一哭二鬧三上吊。
    我都好想佢減到肥呀，因為我都驚佢腰骨會有事。　　

  5. Suki

    Thanks for your reply ^.^
    “仔仔” 幾歲 ar ? 如果太肥要去獸醫 check 一 check, 但講起睇獸醫就火都嚟 !
    HK 實在太多無良獸醫 la ! 驗下有無糖尿、內分泌失調之類的問題。
    BTW, 小狗太肥 esp. 八哥北京之類的 99 氣管短, 心肺功能会較弱, 腳短又易有關節毛病, 要小心注意喔!
    但小狗常用十級可憐的眼神或古惑招數向我們討吃, 有時真係會屈服 ………
    祝您們一家生活愉快又健康 !
    Cheers !

  6. michellelau

    Hi Suki,
    仔仔已經6歲啦, 我地睇親獸醫都俾獸醫鬧, 我都知太肥唔掂,但已用盡辦法都減唔到….
    加上有了BB後,少了帶佢散步, 所以佢咪越來越肥囉, 而家帶佢落街佢都唔願跑…有時諗:算啦, 總之佢開開心心就算啦, 都費時勉強佢.

  8. michellelau

    Hi Jenny,

    Thanks, 其實都唔係咩偉大既事, 比起個d會收養流浪狗既人, 我只係盡自己責任啫. 因為養咗佢地, 就會明白佢地好似小朋友咁, 而且佢地同我度過咗好多歡樂既時光, 我可以做既就只係養到佢地百年歸老. 我希望所有養狗既人係養之前一定要諗清楚呢個承諾呀.

  9. Quentin’s Mum

    我個情況同您一樣,我家長輩都話狗狗又臭又多菌，會對孕婦有害同一定會傷害BB,但經我堅持到現在,BB都4個月大了,狗狗現在還懂保護BB tim…..
    所以我very支持您嘅做法!

  10. michellelau

    Hi Quentin’s Mum,
    係呀, 一定要堅持, 我今日先俾人話如果買樓就唔好再養狗, 最嬲係成日教我個仔話:唔好要D狗, 臭到死!!! 我覺得點都好, 唔應該咁樣教小朋友, 佢已經成日聽阿婆講, 返親屋企就話好臭, 但係一定唔可以教佢地棄養寵物嘛……激死我!!!!!!

Comments are closed.

Recommended