我有5個美白小習慣

望住蔚藍嘅天空，深呼吸先發現秋天將至。7、8月經常同陽光玩遊戲，不知不覺自己變咗一嚿朱古力，係時候做番個白滑嘅可人兒去迎接秋冬。人要靚就唔可以懶，想美白就要由平時嘅小習慣做起。

1. 謝絕黑色素
小婉子工作時間唔穩定，冇住家飯食乃平常事，出面嘅滋味引誘又真係幾難抗拒！不過為咗有靚嘅肌膚，有時真係要忍下口，特別係黑色素嘅食物，如醬油、油炸食物、可樂、咖啡等等，盡量食少啲。

2. 1日飲8杯水
唔好成日話「女人係用水造」，其實人體內大部分都係水，咁又點可以缺水呢？水可有助排清體內毒素，小婉子每朝起床都會空肚飲1杯白開水，清一清噚晚留喺體內嘅毒物，體內乾淨啲，皮膚都靚啲啦！如果覺得飲水太dry，可以加蜜糖、檸檬，或者各種蔬果汁，都係唔錯嘅選擇。

3. 攝取維他命C
維他命C有助減少黑色素及幫助去除黑斑及雀斑，想皮膚白皙，可以食多啲含維他命C嘅食物，如蘋果、番茄、奇異果等等，有助加快皮膚還原變白，所以小婉子每日工作枱上總有一、兩個蘋果，醫生都要遠離我！

4. 美肌飲輔助
想肌膚更美，天然進補之餘都需要一啲美肌飲輔助，會令美白效果更好。市面有好多款美肌飲，的確眼花撩亂，就等小婉子分享自己嘅秘密武器啦！

試過呢支三肽膠原蛋白美肌飲，含5,000mg三肽膠原蛋白及富豐富維他命C嘅西西里紅橙及石榴，有助亮澤肌膚，飲咗幾星期，感覺肌膚比之前更細嫩平滑，值得encore。

另外身邊有朋友飲開呢支美白蛋原飲，內含成分可幫助肝臟排毒，朋友仔話飲完肌膚暗淡問題有所改善，面色紅潤咗好多，大家不妨可以試試。

5. 美白護膚要做足

除咗內服，外敷都好重要！除咗基本嘅日常護理，小婉子梗係會揀一啲有美白功效嘅護膚產品，加埋保濕滋潤，令肌膚又水潤又白滑。

呢支來自韓國嘅L’élan Vital White Evolution Serum質感比較清爽，即使敏感性皮膚都用得，用咗一段時間，暗啞嘅膚色有所改善，肌膚仲有彈性，雖然唔想承認，小婉子始終3字頭，光澤、有彈性嘅肌膚真係好重要！

至於mask方面，呢款有羊奶成分嘅VIDIVICI HYDRA INTENSE MASK，保濕度比較高，美白同時滋潤肌膚，最正係用完感覺皮膚更緊致，keep住用真係冇得輸！唔知你又有冇啲美白嘅tips可以開心share呢？