我最喜愛的天然護膚: 椰子油與天然精油

一向對護膚唔講究, 由細到大只入過一次美容院做facial, 美容師仲sell我「包月」, 估計應該是sell我買套票，當然急急腳走人一去無回頭，之後咁多年來潤面只會購買菜瓜水、Olay等平價品牌, 連eye cream都懶得用又唔捨得買，因為幾百蚊卻好細支, 雖然年紀大咗又成日曬, 的確出現很細紋, 仍然懶得理, 因為發現只要睡得好有運動心情夠開朗, 皮膚自然會好, 人也會散發自然美, 如果沒有以上基本條件, 其實塗什麼上臉上都是徒然。

之前泰國旅行時, 貪得意買了一支椰子油, 之後睇雜誌, 話椰子油可以用來卸妝；之前用的卸妝油, 經常都很醃眼, 令雙眼不斷流眼水, 之後聽說椰子油可以卸妝，更有護膚功效, 便即管試試, 沒有令眼睛敏感之餘, 感覺很潤。

最近，對essential oil有研究的中學同學好朋友，為我們一眾同齡中女同學們製作 essential oil, 著我們晚上洗面後塗上，寧神之餘又滋潤，但我是油性皮膚, 最初還怕會好油膩，回家打開蓋子，聞到撲鼻的 lavender 香味, 感覺很relax，把清潔好的臉噴上菜瓜水，讓臉上在半濕狀況，精油原來更易被吸收，用了幾個月，不油膩但又很滋潤，現在早晚只用爽膚水及這支精油，滋潤之餘亦省回購買昂貴護膚品的錢，現在真係連paper mask 都懶得做, 最近天乾燥了臉上有些死皮, 便用椰子油加點蔗糖在臉上輕輕按摩, 之後皮膚又真係滑咗。

後來同學仔傳來天然精油的成份 (原來細細支精油, 成份是這麼多)

Base oil: hazelnut oil, avocado oil, sweet almond oil, water melon oil, prime evening rose oil, rose hip oil, seabuthorn oil
Essential oils:
Myrrh
Lavender
Cedarwood
Geranium
Carrot seed

有興趣試吓這支精油，可以pm或email 給我, 我可代為通傳一聲同學仔, 因為佢話好多人用完一支都繼續追加，百幾蚊可以用幾個月。