愛沖廁的小B
小兒子特別頑皮，愛搗蛋，早一陣子開始亂丟東西落座廁，然後按沖廁制……
暑假新加坡之旅回來的第二日，一早入房找我，而我正在浴室梳洗，他走入來隨手拿起一盒旅行裝碎粉，就丟入廁所…..
當然即時被爸爸狠狠教訓!
大約個多小時後，我們都在廳，他拿了四本書丢到廁所裏去……
又被爸爸嚴厲的整治！
下午我跟爸爸出了街，他又丟了東西往廁所裡去…..，但工人姐姐說不知他丟了甚麼，因為他以極速一丟便沖廁….
同日晚飯後，工人姐姐跟兒子們先行回家，我跟爸爸去泊車，途中已接到大兒子電話說:細佬又揼嘢落廁所，而家塞住咗….，姐姐整緊…..，佢揼咗個劍套落去…..
那劍套…足有成尺長喎!!
當晚我發現廁所塞了，不能用! 翌日找來通渠師傅，於渠內撈得一個直徑約有5cm的玩具漢堡包……..
通渠師傅建議我們將廁所鎖上，以免繼續要幫襯他…..
朋友則笑言: 你應該問阿師傅有冇套餐優惠，即買十送一之類……
當下，爸爸以極刑懲罰，而我，卻對這小魔怪又愛又恨….，究竟他在想甚麼呢?
向身邊的媽媽朋友請教，有朋友坦言: 你最好帶佢睇下心理醫生喎…..
就連讀過兒童心理學的朋友也對小B的行為感到莫名其妙…..
只可以說: 他真的是一個很好奇的小朋友呢!!
在塞了的廁所裡撈到的玩具漢堡包，跟這件玩具相若!!
