平反 SPF130

我自己喜歡早上做多點cardio workout，例如跑步、瑜伽等，消脂之餘可強健心肺，而且我本身有失眠問題，如果夜晚做得太多帶氧運動，我會瞓唔著呢～

最近真的風和日麗，逢星期六我都會去中環添馬公園做瑜伽，天氣好到不得了！！個景又靚！！加上瑜伽、流汗，心情真的超好！

不過咁，炎炎夏日朝早6點紫外線已經強到爆燈…

其實我好懶搽防曬霜，但真係唔想黑，但又一定要出街做運動先夠爽，加上紫外線真係唔只曬黑皮膚咁簡單，仲會加速衰老……懶極都用防曬噴霧啦！

我本來都好抗拒超過SPF50的防曬品，完全覺得無必要將數字誇大，但剛剛Sunplay 送來最新SPF130 防曬霜，美容編輯心態就是「都要試下有幾唔好用」。就在這烈日當空的星期六早上，做運動前噴上做測試。

然後，我決定為這支SPF130平反一下。

防曬謬誤一：高SPF值=高風險、高負擔？

溫一下書，SPF是防曬系數。簡單來說，它與要多久才受到太陽紫外線曬傷有關。例如使用SPF15防曬霜，即一小時出現明顯曬傷的情況會延長至十五小時才出現。

照道理，愈高SPF，保護愈高。

防曬謬誤二：高SPF=好笠、容易阻塞毛孔？

SPF道理明白，但確實好怕痴笠笠。

係咪寧願補塗，都唔應該塗高度防曬霜呢？

同大家一樣，水潤、清爽的護膚品才是我杯茶，尤其我內乾外油、又有少少敏感皮膚，一覺得痴笠笠就會出油脂粒，感覺又不舒服！據說有些防曬霜焗到會令皮膚不能散熱，出現中暑情況！

好彩，這支SPF130清爽到不得了！又不會反白！

原來採用了日本隱形水劑配方，質感清爽不黏立，這天我出門口前搽乳液打底，做瑜伽之前再補防曬噴霧，這一天我由早上做瑜伽開始，到下午去朋友家玩，黃昏太陽下山前又去做circuit training，曬足全日都無曬黑！又爽又強！

注意：唔塞毛孔！

不少牌子的防曬霜都真係有效防曬、而且持久防水，確保唔會曬黑。但反而令我更關心的是：清洗好麻煩！洗唔乾淨會塞毛孔！

平時我會用卸妝水抹走防曬霜才洗澡。

試完這支乳液及噴霧過後，回家洗澡時完全忘了用卸妝水，但又可以以普通沐浴乳沖走防曬霜！完全沒有出現塞毛孔，出油脂粒等情況！的確不錯。

不過個人覺得噴霧實在太大支，帶出街有點重…