居家旅行必備？

天文台預告下星期氣溫會下降，我實在開心到不得了，因為有一些好厚的外套都無乜機會亮相，還以為要留待去有「真正冬天」的地方先可以穿著呢！

厚褸要買來看門口，買護膚品都係同一道理！

想起上年去北京，竟然可經歷零下十度的滋味，那時候，即使在白天，塊面都會被風吹到好痛，尤其是我的皮膚尤其敏感，返到酒店更發現皮膚勁紅。

日本的冬天，冷風無咁強，但皮膚好快就好乾，令平日不愛每天塗body lotion的我，慘受雙腳皮膚變乾的痛苦，表面的紋理好似一格一格咁。

但，我帶了Kiehl’s的萬用油，好彩！

好彩我執行李時，記得呢盒看似好潤好立，唔敢貿貿然用的修護霜！

如果你要去好凍的地方，記著在洗面爽膚後，在手心印開修護霜，然後再印在面上，代替潤膚霜，效果會好潤，唔會因為變乾而面紅，而出門前，可以塗一點在鼻頭上，鼻頭都無咁易變紅。

不過呢個方法，不可在香港萬試萬靈，除非濕度極低，否則會有機會出油呢！

稱得為萬用油，又豈止滋潤咁簡單。

我的手指成日甩皮和生倒刺，只要將它塗在指甲及指甲邊緣位置，便會產生滋養功能，會feel到皮變軟了，防止甩皮問題惡化。

仲有，它的成分是有機摩洛哥堅果油、芝麻籽油及橄欖油等，用於散亂的髮尾上，可以收復亂到飛起的頭髮。

$220/40g，買來看門口吧，如你是飛行常客，就更加要試試！

其實質地唔算太立，睡前厚敷在甩皮位，情況會大有改善，翌日甩皮位會癒合！