小顏，不靠美圖 （下 ）

在未同大家分享Before/After 的相片前，我想先講療程後，對我的副作用。由於我屬乾性皮膚，平時唔夠瞓或做完laser facial，皮膚都會特別乾，今次比做完laser facial更更更乾！即晚返到屋企，除咗仲隱約感覺到皮膚暖暖哋及緊緻到有點繃緊外，平時我個人乾爆的重災區──嘴邊，即時有微紅及脫皮現象。

其實皮膚水份流失屬最正常不過的反應，試想想，達60度打入皮膚底層，共300發，情況就好似煲水咁，水份怎會不蒸發流失呢？加上我「乾底」，一發不可收拾，即晚要拎我的「救命水」岀來，泵水抗罕。

以下呢盒內附20支獨立包裝的特高純度透明質酸，個樣似即棄眼藥水，我稱佢為「救命水」！價錢唔平 ，兼唔會周街容易買到。只限醫務所或一些專業醫學美容中心先有，通常是醫生建議做完laser facial後，用作補濕的。

我的急救法，是先稍為雪凍蘆薈啫喱，洗完面後厚敷5－10分鐘，先鎮靜及紓緩皮膚，並作表面補濕，之後，我倒晒成支「救命水」搽勻全臉，尤其脫皮位置，拍多幾下。由於佢份子細，能深入滲透至真皮層，鎖緊皮膚組織水份，仿如肌膚的天然「貯水庫」，仲可以搽埋眼周。喺咁缺水的情況下，拍幾拍乜都吸晒。最後記住一定要搽番平時用開的面霜作鎖水。

呢個急救法，我連續做咗兩晚，即時冇再脫皮之餘，皮膚仲回復返正常唔乾的況態。

做完HIFU Ultraformer瘦面療程， 想緊緻小顏效果可以持久啲，當然唔懶得，我除咗早晚搽 V面精華，有時間都會一星期敷一兩次緊緻面膜，幫助排水去腫，仲有提升輪廓的作用。我的慳家用法係，精華素唔會全臉搽，我只重點於耳下腮邊至雙下巴位，配合按摩咁用。

急救及保養的方法都分享了，喺時候看看我的小顏成果了！自己日日照住鏡，其實唔多覺，但當我找回上次療程前在療程房內拍的照片，跟今天我的selfie作比對，尤其是左邊面，虎紋明顯淡咗，仲有腮邊那嚿鬆弛下垂的肌肉都真係緊緻咗！！

平時想塊面睇落尖啲細啲，selfie時大多會小側面加高角度影落去，如今做完HIFU，早前試咗張正面，仲要由低角度影上去，都唔見有可惡雙下巴，證明HIFU效果都真係唔錯。

查詢：

Clarins 中環中建大廈2樓 2994 6238

Enita 香港銅鑼灣耀華街25號丹納中心20樓A室 2819 3309

Slim Beauty Medical

2899 2666 (旺角店) / 2110 1888 (銅鑼灣店)

Viscontour [email protected] 2506 2537