小顏，不靠美圖 （上 ）

從前因工作關係，有唔少機會試瘦面療程，但我細膽又怕痛，唔好話要開刀做手術咁激動，即使是打針，玩注射的，我通通拒絕，不過touch wood，我現時未去到嚴重衰老， 呢一刻我仍然堅持只接受做機及人手按摩的層次。（但難保日後老起上嚟到時要靚乜都無有怕，哈哈哈……)

為咗keep住小顏，大約4年前我試過Thermage第三代（ CPT System單極射頻熱能），當年全臉做大約要三、四萬，做前成面打格仔，雖然有塗麻醉膏，兼做時又冷風又震動機頭，我印象中係每一下好似俾熨斗燙一樣，痛到唔敢再試第二次。加上我當時仲後生，效果唔算太明顯。

近年勁hit的Hifu (High-Intensity Focused Ultrasound即高能量聚焦超聲波），上年我趁生完bb，即跟朋友飛去韓國做HIFU Doublo機，一試HIFU即愛上，對我來說不能稱為痛，搽麻醉膏後，做機時覺得有啲痠同少少痺，做完只係面部有點泛紅，似焗完桑拿或做完劇烈運動咁款，沒有傷口，又不會結焦，當時仲可以即時去明洞食飯兼shopping，不過朋友做完就頭痛咗兩日，所以真係因人而異。事隔14個月，覺得虎紋及雙下巴又走番岀嚟，我又受唔住引誘，去做了 同樣是來自韓國的HIFU機–Ultraformer HIFU。依家做完大約三星期，覺得效果唔錯，所以想在這裏同大家分享。

Ultraformer HIFU瘦面原理：利用獨特設計的㰖形傳感器探頭，釋放岀高能穩定聚焦超聲波，深入皮層，透過震動摩擦於皮下層產生65－70度能量，刺激膠原蛋白及彈性蛋白，使蛋白收縮、重生及重新排列得整齊，而達至提升緊緻的效果。由於這個過程需時，一般療程後一至兩個月效果才開始明顯。

卸好妝，清潔面部後，先敷上麻醉膏，包上保鮮紙，大約敷20－30分鐘。

呢部機有三個不同大小的機頭，分別是1.5mm(達真皮層)、3mm(達深度真皮層)及4.5mm（達SMAS筋膜層），三重分層以達致，淡化幼紋、緊緻毛孔、提升輪廓及瘦面的效果。上年在韓國做的Doublo，全程只係得一個頭做晒全臉，今次做Ultraformer，試齊三個頭。

會分兩邊臉做，塗上潤滑啫喱後，逐下逐下微微向上拉按咁做勻全臉。因應不同部份及皮膚需要，轉換唔同頭，連眼尾都可以提拉。三個頭，最深的4.5mm頭，感覺只係痠痠痺庳咁，打到1.5mm皮膚較表層時，我反而覺得感覺較大，有啲似做laser facial， 有吉吓吉吓的微刺痛感。

今次療程大約共打咗300發，全臉有啲泛紅同埋覺得從皮膚底層滲上來熱熱哋的感覺。隨即敷埋具紓緩降紅功效的洋甘菊蘆薈面膜，便完成了。

上圖（before）下圖（after）

做完最大感覺係皮膚即時覺得緊緻咗，細心啲睇，就會見到腮邊faceline位比較明顯見到提升咗。不過做完HIFU應該起碼一個月後，先見到較明顯的效果。

總結試後感：

整個過程都唔覺得特別痛，感覺同上次做的Doublo差不多，每一下打落去時，暖暖的，感覺有啲似螺旋式咁鑽進皮膚底層，去到一些骨位，例如顴骨及下巴骨位等皮膚較薄的位置時，會較痠痺，但是可以接受，而我屬乾性皮膚，可能對他們的麻醉膏有點敏感，療程後嘴邊起紅，翌日仲有點脫皮，做完後，連續幾天皮膚比平時乾燥缺水。

大家若想想看看我療程後一個月，塊面有冇再緊緻咗同靚咗，就要留意我下星期的blog， 仲會分享療程後我自家的特別護理，快速紓緩敏感，急救脫皮乾燥皮膚，及怎樣保養緊緻小顏效果。

查詢：

ULTRAFORMER HIFU聚焦拉皮超聲刀療程(300發)

治療師：＄6800（試做價）／＄14800 （原價）

醫生：＄13800（試做價）／＄18800 （原價）

Slim Beauty Medical

2899 2666 (旺角店) / 2110 1888 (銅鑼灣店)

slimbeautymedical.com