富士急夏日新登場 絕叫系？！可愛系？！
日本東京近郊富士急樂園，一向係刺激愛好者必到checkpoint。剛過去的星期六（7月16日），富士急樂園推出全新”操縱回轉絕叫系”機動遊戲 － テンテコマイ旋轉高塔。久違5年再度推出新遊戲，富士急絕對有令大家「絕叫」既信心，テンテコマイ旋轉高塔由一個高架塔及12枝鐵臂組成，或者睇落會覺得同香港迪士尼「玩具兵團跳降傘」相類似，但總高39米的テンテコマイ旋轉高塔，會將大家升至32米高空，乘坐者可自行上下操縱兩旁機翼，繼而隨風令整個坐位水平旋轉，感覺應該同玩大眼仔洗衣機一樣，係咪由細恨到大先！不過當你自己身處32米高空，係咪仲可以冷靜控制自己想點轉呢？！又真係玩過至知，可能最後都會同個遊戲名一樣テンテコマイ（意思是手忙腳亂）！
「我班FD子好鐘意刺激野，但我唔得架！」
富士急樂園一向照顧大人小朋友，所以全新絕叫遊戲之外，既有的Gaspard et Lisa園區新景點登場, 當中包括手作體驗工場L’Atelier de Gaspard et Lisa及廣場連餐廳的La place de L’amitie。前者設有家居小擺設手造體驗班，約30分鐘至1小時之內，自創獨一無二的小擺設。而全新的鐘樓廣場地帶可跟來自法國的Gaspard et Lisa合照之外，亦可品嘗多款小食，齋睇包裝已經可愛都暈。提多你一點，8月13-15日期間，富士急樂園會舉行納涼花火大會，撞岩schedule既話，記得唔好錯過～
富士急樂園資訊
地址：日本山梨縣富士吉田市新西原5-6-1
入場費：¥1,500（テンテコマイ旋轉高塔需另收¥800）
開放時間：星期一至五9am-5pm，
星期六、日及公眾假期9am-6pm
網址：www.fujiq.jp
