如果你屋企廁所在西南…… 夜晚你…..
7
今天早上有個人客打俾我，話啱啱睇完東周刊 – 李丞責師傅的專欄：「話屋企廁所避免開在西南、或東北位。 唔知咩卦《坤卦》乜卦《艮卦》，產生土尅水的現象，對家中眾人皆不利。」剛巧人客洗手間就係家中的東北位，問我點算？
總括嚟講，西南及東北是鬼門關的出入閘口。如果西南位氣場不好，又或者有個井、廁所係度，好大機會惹鬼、或者家宅運不好。
人客八卦又問，咁個「井」同「鬼」有乜關係？
我就答：其實睇「貞子』都知啦！
因為「水」陰氣重，係藏陰嘅好地方。加上用『太乙神數』- 星像來計算，在地球的西南方位，宇宙有一組星《鬼宿、井宿》，是長期比黑氣／陰氣覆蓋住，所以認定西南方是一個不好的位置，而奇門遁甲就稱它為「死門」。
其實現今社會，邊有咁多「井」啞，所以《水箱》或者《馬桶》就係藏陰嘅好地方。
咁廁所系西南位，就一定有鬼？
咁要風水上，外圍環境來配合起來才會產生極重的陰氣。但在古時，屋外西南位有個井，好大機會這房人財運不理想。又或者大家可以考究一下，「珍妃井」在紫禁城那一個方位？而且點解「珍妃」要係個個井跳落去。
