女生天然防曬品 最緊要曬得有光澤！
因為喜歡戶外運動如跑步跑山等經常日曬雨淋曬得黑到經常被「恥笑」，當年更被媽咪好嫌棄咁笑我「黑過天橋底啲乞兒」(絕無歧視，只係講笑話我黑得太緊要)。
最近，見到一位古胴肌膚的女跑手朋友，皮膚好有光澤，便問她搽什麼防曬品，她推介我搽甜杏仁油，如果太陽唔太猛烈，她只搽薄薄的甜杏仁油 (原來後來搵番甜杏仁油的資料，係有防紫外光功效)，如果陽光猛烈，便搽完防曬再搽一層甜杏仁油作保護膜。
我嘗試跟她的方法，但因為我好大汗，發現出汗後防曬品總是浮起一層白色 （即係浮番啲防曬乳霜出來 ），後來去買護膚品時，詢問美容師，她告知，原來搽防曬乳霜和甜杏仁油的程序，應該是先搽杏仁油，因為杏仁油有助防曬品吸收，之後跟呢個程序，果然不再有出汗後防曬霜「浮」出來的現象。 試了幾次後，皮膚明顯較潤滑和有光澤，即使曬後好懶搽潤膚，皮膚都滋潤幼滑咗和明顯有光澤。
多功效的甜杏仁油 可作運動後按摩油
近年我巳習慣用有機初榨椰子油卸妝，因為較天然和溫和；原來甜杏仁油比椰子油更勝一籌，佢溫和到連嬰兒都可以使用，更適合敏感皮膚，並含礦物質、蛋白質及各種維他命，容易吸收 (難怪很多精油都用甜杏仁油作base oil) ，具有滋潤及保濕功效而又不油膩；佢既效能可促進細胞生長，適合乾燥、敏感、發炎及無光澤的肌膚。
此外，甜杏仁油仲可以做運動後的按摩油，因為它可加強細胞帶氧功能，消除疲勞與乳酸累積，並有鎮痛作用。
由防曬、卸妝至運動按摩都啱用，一油多用成份天然，以後不用再放咁多化學品上身！
最近有朋友問我搽什麼防曬用品，我多年來選用防水防汗的 Anessa SPF50度防曬霜，因為搽一次唔需要補便可以防曬足一天！不過，每次曬完卸去防曬後總覺得皮膚十分乾澡 （可能由細到大都懶去搽潤膚膏）。最近則選用泰國出品 ONE & ALL品牌的 Sun Fun (SPF50PA+++) 面部及身體防曬霜，適合敏感皮膚，因為佢成份包括天然有機的成份包括薰衣草油、有天然除臭和驅蟲功能的天竺葵油，並有幫助降溫的薄荷精油，最讚係佢含潤膚的有機蘆薈，所選用的蘆薈更擁有有機認證，保護皮膚並耐水性，搽後感覺滋潤卻不油冧冧；好喜歡淡淡薰衣草香味，塗上身體和面部好易推開和塗勻，因為佢唔係全防水，記得每隔兩至三小時補塗 (雖然筆者昨天塗了一次便玩咗四個幾鐘都仍然有防曬效能)，由於它不是 water resistant, 所以不需用卸妝油卸妝，十分方便！
