大人細路都愛Lego!
細細個對Lego的記憶就是很colorful兼大大粒，但越大越發覺Lego其實是給大人的玩具。雖然價錢有貴有平，但越出越細緻及很多不同update的系列，貴到一個旋轉木馬可以過萬元也有，這不是大人的玩意嗎？小情人是Lego迷，不算非常過份，但也開始沉迷，令我也迷了下去，每天一起砌過不亦樂乎！購買途徑除了上yahoo拍賣，更會四出格價，走遍旺角、油蔴地、銅鑼灣及天后等等，最後發現in’s point同Red Mall算至多款同至抵！
除了Lego，在日本可以買到nano block，玩法跟Lego一樣，一般的公仔會比較細粒，無Lego咁複雜。而本地都有不少「創作人」，自家創出nano block沒有的公仔，價錢大眾化，大概$40有一粒，有些更要在網上跟圖砌（大部分都有紙圖跟），真係睇少一眼都砌唔到！我也試過多次失敗，最後要高人出手相救，大受打擊呢！
最新完成的有大大粒的R2D2，在銅鑼灣的Red Mall以$1400入手，出面賣到最平$1700，所以算是抵價買入！
其實買Lego最大的問題不只是價錢，最令人頭痛的是搵位放！小的可以用模型盒收藏，但大的真的要買大玻璃櫃放，原因是Lego真的很惹塵，不好好收藏真的很難清潔，所以很快家裡就要添新櫃了！
最新推出的Simpsons Lego屋真的很吸引，一出就賣斷市，最高炒到$3xxx，近排終於回落到$1600，如果有位真係想擁有～公仔得意是其次，屋裡的設計及佈置都很細緻，Lego真的令人萬劫不復！每part的配搭都令人叫絕，難怪身邊很多朋友都中晒毒，雖然每次砌完都會失落，但那份滿足感真的很爽，付出的金錢及時間都變得有價值吧！
