一直以來都很想到荷蘭走走，早前終於安排了一個短途trip。我最愛的風車、可愛的綿羊、遼闊的原野、水位比陸地更高的奇景，還歷歷在目。我租了一輛單車，兩日走了50公里，除了阿姆斯特丹，北上去埋Marken和載滿傳統風車的Zaans Schans，第一次見到傳統風車時真係好感動，不枉我踩了成3小時才到達，還有到Marken沿途一路的景色，簡直是世外桃源，阿姆斯特丹，是我的♥favourite city。
由阿姆斯特丹city去Marken時，沿途一路見到幾次綿羊，排排企晒陽光。
見到我至愛的動物－綿羊，忍唔住同佢影張合照。
又係佢哋呀!停低再影!前面嗰個，等埋呀!
載滿傳統風車的Zaans Schans，飼養了很多山羊，再影!
呢隻黑色綿羊好似mix咗咁，幾得意喎!
好美呀!呢度係…沿途去Zaans Schans的景色。
阿姆斯特丹佈滿大小的canal，不對稱的樓房亦充滿特式，不過市中心多人，都係鍾意country side多啲。
我的世外桃源!
搵到啦!搵到啦!Zaanse Schans左轉就係啦!
荷蘭著名的風車，由市中心踩了成3小時先到達，第一眼見到佢嘅時候，真係好似發緊夢咁，超開心!
見到我至愛的長草，又忍唔住跳落單車影番張。
哈哈!見到佢哋超搞笑，不過經過佢哋嗰陣，其實我心裏面好驚比佢哋追住來啄。
去荷蘭必食國家著名的Raw Herring fish。
仲有15公里，努力!努力!
水位比陸地更高的奇景。
一眾學騎馬的學生見我係咁影，忍唔住同我揮手。
成功over take多隻馬匹，好刺激呀!
Country Side得嗰3度又大風，海邊的草都結晒冰啦!
靚到想喊，好感動!
呢度係邊真係唔記得，總之就到Marken。
到啦!到啦!Marken就係呢度啦!
繼續Marken。
Marken寧靜優美。
走人啦!先去Zunderdorp再去Amsterdam!
Amsterdam Central here we go!
踩到一半，停低食件cake先。
3頁風車，都是我的favorite。
企响樓高30層的3頁風車下面，開心之餘其實真係有啲怯。
去完Zaanse Schans睇風車，趕返市中心時帶埋單車搭火車，感覺好得意。
不過上車先知原來要幫單車買車票，好彩check飛哥哥見我哋係遊客，放過我哋之餘仲同我哋有講有笑。
一早起床食完早餐就起程搵我的世外桃源，第二天單車凍到結冰。
黑色4人行。
呢3日，我就住响呢隻船上面。
住响Sailing Home，我覺得比住hostel更浪漫。
去Star Bikes租車比其他旅遊書推介的平，佢好易搵，就响阿姆斯特丹的火車站的後面。
我的單車。
最後一天7點前要還單車，不過日落風景咁靚，影埋先走啦!
夜景更美。
阿姆斯特丹無咩特別嘢好食，今餐我選擇了Indonesia food。
呢對Nike ID陪我走咗50公里，好彩而家仲好新淨。
很羨慕你能到不同的地方充電, 又能欣賞到這麼美的景色, 荷蘭的消費貴嗎? 謝!
我舊年的生日都在 Zaans Schans 過….我參觀左其中一個風車, 主人仲教我點樣”放風車”…..係一個好難忘的回憶….
果間印尼餐廳我都有食….係米芝蓮 1 or 3 星….又真係幾好食架!!!
住在船上很正! 但會不會更加凍?!
相信這是一個畢生難忘的旅程! 羨慕!!!!!!!
嘩!風景真的很美呀!我都好想去呀!!!!
Hi Amy,荷蘭消費和其他歐洲國家差不多，普普通通食一餐約$300-$400咁啦!不過嗰度無咩嘢買，除咗食同住，基本上無乜錢要洗，所以玩3至4日ok架!
Hi K5,Surprised Me!你竟然憑呢張相認得呢間印尼餐廳你食過，仲要記得係米芝蓮 1 or 3 星，超級好記性。你都去過Zaans Schans呀!嗰度風景真係好靚，不過我就無入去參觀風車屋，下次再去等我又學吓點樣”放風車”先!
Hi Kate,住在船上其實唔會覺特別凍架，因為你一返到去就有暖氣架啦!係沖涼時凍啲咁啦!不過張床超細，都唔知夠唔夠3呎，同埋船上面係板間房，隔音好差架，不過我每日晨早8點就起身，在船上食埋早餐就出發，而且兩個人只係約$600一晚，慳錢之餘，住在船上令旅程更難忘呢!
Hi Maggie & Mei,呢個旅程真係畢生難忘，成世女未見過咁美嘅風景，one of my favourite city! 你哋都快啲去啦! 同埋記得租單車呀!
Anchor，睇到呢D相我覺得好感動呀…可以同自己喜歡的人一起去，真係好浪漫，好甜蜜！好羨慕你！
Hi yuki,呢個旅程我真係好開心，我知你都會好快搵到一個喜歡的人和你一起，一起去旅行、一起說笑，快啲!快啲!
間印尼餐廳O係我住的 boat house 附近, 同埋山水遠去到 AMS 居然第一餐食印尼野, 所以印象很深刻! 好彩食物都好好味!!
關於”放風車”…真係一個幾得意的經驗, 果個可供參觀的風車, 先付款(好似係 3 歐羅), 入間房仔睇片, 跟住帶你去風車內部睇佢結構, 再帶你出風車上睇風景, 通常主人都會表演一次放風車, 即俾條繩你拉下拉下, 等個風車曉轉咁樣, 我地都興奮得大叫!!!