這個充滿英國維多利亞氣息的地方，不是樓上café，不是示範單位，而是好友兼星級化妝師Janice Lam的化妝學校。

真的未見過咁靚的化妝學校~市面上的化妝學校，大多予人沉實的感覺，為了突顯專業的形象，裝潢常以過份光猛和簡單俐落的設計，我之前上過兩間化妝學校幫朋友做化妝的練習model，我知唔可以一竹篙打一船人，但我可以說，相比之下，這裡的空間感最大，沒有間隔的設計，除了令上堂的心情變得relax,見到周圍的歐洲feel包圍著自己,化妝的靈感應該會好澎湃地湧現!

我身邊都有不少學過化妝的朋友，熱愛美容的我，當然都有一刻想學的衝動，不過一想到要被迫買化妝學校的化妝品，而且聽說有些時候不是化妝師親自任教的，自然令我大打退堂鼓。都是Janice 心思細密，明白大家只是純粹想學化妝的心，所以到那裡學化妝，係唔需要買任何化妝品，反而有大量品牌的化妝品sponsor！！！如此一來，大家可以同時嘗試不同品牌的最新化妝品，最重要係可以慳返不必要的支出！加上，全部化妝班都係100%由janice教授，表現優異出色者仲有機會得到實習機會及工作介紹呀。

如果自問對化妝有天份的人，就更加要去報名啦，因為學校設有「學費退回計劃」，適用於基礎化妝初班及專業化妝進修班，每一個course考第一的同學仔可退回半數學費！即係可以退返六、七千蚊！唔知呢個計劃會否令同學仔之間更有推動力呢？

另外，學完化妝最怕沒有靚靚的profile，不能證明給人家看，那就真的學完都無謂啦！所以Janice會安排專業攝影師為同學拍攝畢業作品，就算唔係用來見工，咪當留給自己做紀念囉。

專業化妝全修班 $39,800 / 33堂

基礎化妝初班 $14,800 /14堂

專業化妝進修班 $15,800 / 13堂

Creative, Artistic, Innovative $11,800 / 7堂

新娘化妝實用班 $10,800 /10堂

個人小組化妝班 $1,980 / 3堂 (每堂3小時)

其實由開張至今，我都上過去三次啦，但每一次見到0的家品都令我心動，只懂大叫：「好靚呀！」不能冷靜下來！因為我、Janice同大部分女子都一樣，極愛維多利亞式的家品擺設，放眼所見到的大部分家品都可以直接購買，部分鏡架同相架還提供代訂服務！我的新居就快入伙，當然不能倖免，我幾乎不問價錢，就話要買、買、買！好彩那天我看中的全是剛到的新貨，仍未定價，Janice話遲0的先報價給我，讓我有一個冷靜期呀！不過，我諗我都係冷靜唔到的了，因為家品擺設的定價好平，大都是百零至幾百蚊就有交易！

化妝學校中還有一個專為新娘而設的地方，那就是Brides Talk！那兒提供租婚紗、Bridal Styling、影婚紗相的一站式服務，有Janice做styling和化妝，當然有極大的信心保證！我睇過啦，0的婚紗款好trendy，全部都係訂造，釘工用料一流，連0的accessories都一絲不苟，我都好希望可以快0的幫襯Brides Talk呀！

地址係:銅鑼灣謝霏道528號2樓/查詢電話係:2836 6553