玄途有你：單親母親闖天下

咁多怨氣，不如留返啖氣，去面對人生！單親母親YvonneLo細說人生喜與悲！

蔡偉雄師傅：「Yvonne你好呀。今天好開心邀請到你做我嘅訪問嘉賓。我唸好多讀者都會想知道：喺街有冇人認錯你係真嘅麥玲玲？」

Yvonne Lo：「哈哈，其實，早係十幾年前已經有人話我好似，我本人就唔係好覺嘅！之後，有廣告公司搵我拍第一個超市廣告，化完妝之後，一望塊鏡連我自己都嚇左一跳！真係好似！」

蔡偉雄師傅：「咁你同真嘅麥玲玲有冇碰過面？」

Yvonne Lo：「有啊見過一次，麥玲玲笑容令我感覺好友善，並且大家合照一幅相，我啲朋友都話真假難分。」

蔡偉雄師傅：「可唔可以正式介紹吓你自己呀？」

Yvonne Lo：「其實我係一個自僱人士。工作主要係拍工作主要係拍廣告、做戲，做司儀、event organiser。」

蔡偉雄師傅：「你信唔信命？」

Yvonne Lo：「我以前唔信，但係自從我認識左你之後，我就開始相信命運。當然都要靠後天的努力啦。」

蔡偉雄師傅：「當我十年前認識你，你已經係一位單親母親。作為一個單親母親，你有什麼感受？」

Yvonne Lo：「係呀，真係好難撐！有輕生過；有抑鬱過！但我就係唔信我撐唔過嘅！眨吓眼而家都年過半百，當中都有好多嘅迷途嘅時間。我試過去求神問卜，幸好答案給我有一絲希望！」

蔡偉雄師傅：「咁你宜家有冇好嬲佢？」

Yvonne Lo：「一開始嘅時候，當然係好嬲啦！其實到現在，我都未放得低。但再想深入一啲，我唔係嬲佢，係嬲我自己。」

蔡偉雄師傅：「點解嬲你自己呢？」

Yvonne Lo：「嬲自己嘅任性。但任性又令我帶出咗另一個（女兒）精彩嘅人生。」

蔡偉雄師傅：「冇錯，我相信人會為自己所愛而生存下去。如果我話俾你聽： 1）你可以從遇個衰佬終老。 2）否則你孤獨終老，你會怎樣選擇？」

Yvonne Lo：「隨遇而安啦！我相信我不會孤獨終老囉！因為玄途有你！」

蔡偉雄師傅：「哈哈，你偷咗我句對白！咁「玄」途之中，有冇遇到喜歡途之中有冇遇到喜歡新嘅男士？」

Yvonne Lo：「初初嘅時候，都有人追下。但因為當時個女仲好細，所以都唔會考慮！咁師傅，嚟緊我有冇姻緣呢？

蔡偉雄師傅：「今日係我同你做訪問，唔係問事！問事同我秘書令約時間。哈哈。」

Yvonne Lo：「師傅，我知道你嘅奇門遁甲好犀利喎！」

蔡偉雄師傅：「你太過獎啦。不過學嘅過程付出很多。有啲人認為好容易，但其實一個兩秒嘅答案《做到、做唔到》，背後功力，最少要5年！答錯咗，真係可以影響人的一生！責任非常沉重！」

蔡偉雄師傅：「如果我用奇門遁甲去催旺你的運程，給你三個願望，你會想要啲咩呢？」

Yvonne Lo：「1.合家平安；2.工作順利；3.人緣運好」

蔡偉雄師傅：「我記得有一次介紹司徒法正師傅給你認識，佢見到你當時極點興奮。我冇記錯，他問你為什麼不學玄學？我相信識你嘅人、或你做一些event 的時候，沒有來賓叫你讚佢兩句？」

Yvonne Lo：「係呀！佢有問我識唔識風水，我話唔識架！另外响唔同嘅場合，又真係有好多人叫我贈兩句。我諗係時候要跟您學返兩招啦！」

蔡偉雄師傅：「學的過程非常辛苦。我相信你都有慧根！」

Yvonne Lo：「咁高深嘅學問都係留返俾您好囉！」

蔡偉雄師傅：「今日非常多謝你接受我防問，希望 Yvonne你事業更上一層樓，日日都開開心心。」