喝茶可以美顏？

很小的時候，已很愛喝茶。
世界上的爸爸大都愛喝很濃的普洱，而正常的小朋友都會很抗拒，寧願喝滾水。

但我就很愛很愛，縱然，有人話會削胃。

長大後，依然不愛喝水，因為好悶呀，之前唔知喝茶的好處，但覺得呆在家悶悶地，沖杯茶喝，那種味覺的享受，會有好嘆和好舒服的感覺。

我喝茶不算講究，但每晚吃飯後都要沖杯熱茶才算圓滿，所以出trip都很愛買茶包，家中隨手都有茶包的蹤影。

如果你……
~想減肥，喝玫瑰花茶吧，除了味道清新，據說如加少少普洱茶，會有消脂的效果。
~想杜絕「生理痛」，可以試下黑糖薑茶，個肚真係無咁脹的。

~希望面色紅潤，咁就要飲桂圓紅棗茶啦，仲可以補氣補血，對女仔好好~
~要擊退面黃，當然要喝綠茶，可以抗氧化嘛！

而我，就特別鍾意飲紅茶時加匙白糖，即使求期食件餅，都好似high緊tea咁。

現在都算有少少秋意，所以胃口有變，每次沖茶都會加少少蜜糖，意識上潤一潤個身！

而近日令我心掛掛的茶味係「椰子味加菠蘿味」的茶！我只飲過呢隻味一次，在法國，呷第一口是清新的，吞了之後，椰子味先慢慢回甘，甜甜地，好好味！如果有人知香港邊度有得賣，記得話我知呀！

我試過零晨兩點幾忽然想飲茶，後果……可想而知，除了失眠，翌日仲眼腫腫，點遮都遮唔到，所以適可宜止，係老土，但卻是真理。

新寵~朋友送，泡三分鐘，茶味已很濃，但咖啡未試呀!

從關西白滨買回來的茶葉，因為那兒盛產梅，所以買來試下。味道帶酸，要食好甜的草餅類物體才襯呀!

<<Go shopping>>同事Janice送的!果味勁濃!但一定要隔茶渣,因為我覺得D果肉好耐都浸唔淋!

個茶包形狀好得意!!!!!!今次係以貌取人，但無令我失望呀！

有閒情的話，會沖新鮮的花茶～

COVA的白毫橙花茶，呢罐紅茶齋聞都香，只要兩至三匙沖水，等三至四分鐘就飲得! 係我星期日在家high tea之選~

我今晚選了這個~~菠蘿花茶，菠蘿味勁香~看圖識字，可以修身0架，要飲多0的先!!